flugfréttir
Þörf á 70 nýjum flugmönnum daglega til ársins 2027
- 50 prósent af 255.000 flugmönnum framtíðarinnar hafa ekki enn hafið þjálfun
105.000 flugmenn munu láta af störfum á næstu 10 árum í heiminum sökum aldurs
Ef þú stefnir á nám í vetur eða á næstunni en veist ekki hvað þú vilt læra þá er kannski ekki úr vegi að athuga möguleikann á því að fara í flugið og verða atvinnuflugmaður.
Seinustu misseri hefur verið bjart yfir atvinnumöguleikum í fluginu en í kjölfar skýrslu sem
kanadíska fyrirtækinu CAE gaf út í gær þá virðast vera að birta enn frekar til í iðnaðinum.
Þörf er á 255.000 nýjum flugmönnum í heiminum á næstu 10 árum samkvæmt skýrslunni CAE Airline Pilots Demand
Outlook sem birt var á flugsýningunni í París.
Meðal þess sem fram kemur þá hafa 50% af þeim 255 þúsund flugmönnum sem vantar á næstu 10 árum ekki enn
hafið sinn flugferil og eiga eftir að taka sín fyrstu skref í flugnámi.
Það þýðir að yfir 120.000 einstaklingar sem starfa við eitthvað annað í dag, eru í öðru námi eða án vinnu, munu koma
til með að fljúga farþegaþotum- og flugvélum framtíðarinnar.
1/3 starfandi flugmanna í dag munu láta af störfum sökum aldurs innan 10 ára
Í skýrslu CAE kemur fram að 290.000 atvinnuflugmenn séu starfandi í heiminum í dag en þörf er á 440.000 flugmönnum
fyrir árið 2027.
105.000 nýja flugmenn þarf bara til að fylla í skarð þeirra flugmanna sem munu láta af störfum sökum aldurs á þessum 10
árum á meðan 150 þúsund nýja flugmenn vantar til þess að uppfylla aukna eftirspurn.
20.000 atvinnuflugmenn útskrifuðust í fyrra í heiminum en það dugar samt ekki alveg til
Þá eiga yfir 180.000 atvinnuflugmenn, sem starfa sem aðstoðarflugmenn í dag („first officers“), eftir að verða uppfærðir
yfir í vinstra sætið sem flugstjórar á sama tímabili sem sést hefur í iðnaðinum.
Þriðjungurinn af þessum 255.000 flugmönnunum munu starfa í Norður-Ameríku en mest er eftirspurnin
eftir flugmönnum í Asíu og þá sérstaklega í Kína og á Indlandi.
Á hverri klukkustund þurfa flugfélög heimsins 3 nýja flugmenn
Til að mæta þessari eftirspurn þá þarf að þjálfa 70 flugmenn á hverjum einasta degi næstu 10 árin sem samsvarar
því að þörf er á þremur atvinnuflugmönnum á klukkustund til ársins 2027.
„Ef við gerum ekki eitthvað í málunum akkurat núna þá erum við að fara standa frammi fyrir alvarlegum
skorti á flugmönnum“, segir Marc Parent, framkvæmdarstjóri CAE.
Í fyrra voru 20.000 nýir flugmenn þjálfaðir í heiminum en talið er að sá fjöldi eigi eftir að fara í 25.000 nýja
flugmenn á ári eftir 10 ár.
CAE er leiðandi fyrirtæki í framleiðslu og þróun á flughermum og hefur góða yfirsýn yfir eftirspurn er kemur að þjálfun flugmanna
Gríðarlegur fjöldi nýrra þotna sem flugfélög hafa pantað á sl. árum og hár fjöldi eldri flugmanna, sem eru að
nálgast starfslokaaldur, er ein helsta ástæða fyrir þessum fjölda flugmanna í heiminum.
CAE er leiðandi fyrirtæki í þjálfun flugmanna og framleiðslu á flughermum sem flugfélögin nota til að þjálfa atvinnuflugmenn
en fyrirtækið er með 25% markaðshlutdeild í heiminum.
Skýrsla CAE er á svipuðum nótum og spár Boeing og Airbus sem sjá fram á að þörf sé á 617.000 og 530.000 flugmönnum
á næstu 20 árum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.