flugfréttir

Flugmenn Air Canada rugluðust á flugbraut og taxiway í lendingu

- Fjórar þotur voru á akstursbrautinni í bið eftir flugtaki

11. júlí 2017

|

Frétt skrifuð kl. 13:00

Vélin var í aðflugi að San Francisco að næturlagi um ellefu-leytið sl. föstudag þegar atvikið átti sér stað

Farþegaþota frá Air Canada var næstum því búin að lenda á akstursbraut á flugvellinum í San Francisco sl. föstudag en að minnsta kosti fjórar flugvélar voru á brautinni (taxiway) þegar Air Canada vélin tók stefnuna á hana í aðfluginu.

Vélin, sem var af gerðinni Airbus A320, var að koma frá Toronto og hafði vélin fengið leyfi til að lenda á braut 28R á San Francisco-flugvelli en flugmennirnir höfðu óvart tekið stefnuna á það sem þeir héldu að væri flugbrautin sem var hinsvegar „Taxiway C“ sem liggur samsíða flugbrautinni.

Flugumferðarstjóri gefur flugmönnunum á Air Canada vélinni leyfi til að lenda en flugmaðurinn sagðist sjá ljós og hreyfingu á flugbrautinni en flugumferðarstjórinn segir að það sé engin á braut 28R.

Skömmu síðar áttar flugumferðarstjórinn sig á því að vélin er að stefna á „taxiway“ og biður hann flugmennina um að fara í fráflug („go around“) og skömmu síðar heyrist hvar flugstjóri hjá United Airlines segir: „Air Canada flugvél flaug beint yfir okkur“.

Airbus A320 þota Air Canada á flugvellinum í San Francsico

Þá má heyra annan flugmann á tíðninni segja „Hvert er þessi að fara? - Hann er að stefna á akstursbrautina“.

Bandarísk flugmálayfirvöld (FAA) rannsaka nú atvikið og segja að um mjög sjaldgæft atvik sé að ræða en meðal annars er verið að rannsaka hversu nálægt Air Canada vélin fór fyrir ofan vélarnar fjórar sem voru á brautinni.

Ross Aimer, fyrrverandi flugstjóri hjá United Airlines, segir í viðtali við fjölmiðla vestanhafs vegna atviksins að þarna hafi sennilega verið komist hjá einu mannskæðasta flugslysi sögunnar.

„Þú getur rétt ímyndað þér ef Airbus-þota rekst á fjórar aðrar farþegaþotur sem eru fullar af fólki, eldsneyti og farangri“, segir Aimer.







  fréttir af handahófi

Brotist inn í flugvél í flugskýli í Svíþjóð

30. október 2017

|

Brotist var inn í flugskýli á flugvellinum í Gällivare í norðurhluta Svíþjóðar í morgun og tilraun til að fara inn í farþegaflugvél sem var geymd inni í skýlinu.

Dekk sprakk í hjólarými í farflugshæð á Dash-8-200

10. janúar 2018

|

Talið er að grjót á flugbraut hafi orðið til þess að dekk á aðalhjólabúnaði á flugvél af gerðinni Bombardier Dash 8-200 sprakk inn í hjólarými vélarinnar skömmu síðar þegar vélin var í farflugi.

Lauda segir að Lufthansa sé að eyðileggja Niki

18. desember 2017

|

Milljarðamæringurinn Niki Lauda, fyrrum kappakstursökumaður í Formúla 1 og stofnandi flugfélagsins Niki, sakar Lufthansa um að vera eyðileggja Niki með því markmiði að koma félaginu fyrir kattarnef

  Nýjustu flugfréttirnar

EasyJet tekur á leigu tvær fjögurra hreyfla BAe 146 þotur

16. janúar 2018

|

EasyJet hefur tekið á leigu tvær farþegaþotu af gerðinni British Aerospace 146 en vélarnar er teknar á leigu frá þýska flugfélaginu WDL Aviation sem mun sjá um flugreksturinn fyrir hönd easyJet.

Stefnir í lokun á flugvöllum - Innanlandsflugið á þolmörkum

16. janúar 2018

|

Það var þéttsetið á morgunfundi Isavia í morgun þar sem framtíð innanlandsflugsins var rædd en gerð var grein fyrir þeirri stöðu sem blasir við rekstri flugvalla landsins.

Arlanda-flugvöllur tekur í notkun hlið fyrir risaþotur

15. janúar 2018

|

Arlanda-flugvöllurinn í Stokkhólmi er nú tilbúinn til að taka við risaþotunni Airbus A380.

3 milljónir bókuðu flug með Ryanair í síðustu viku

15. janúar 2018

|

Ryanair tilkynni í dag að lágfargjaldafélagið hafi sett bókunarmet en aldrei áður hafa eins margir farþegar bókað flug á einni viku í sögu félagsins.

Kýr á flugbraut olli röskun á Indlandi

15. janúar 2018

|

Kýr, sem hafði komist inn á flugvallarsvæðið á flugvellinum í borginni Ahmedabad á Indlandi, olli töluverðri röskun á flugi í seinustu viku.

Interjet rífur niður 4 ára gamlar Sukhoi Superjet 100 þotur

15. janúar 2018

|

Mexíkóska flugfélagið Interjet er farið að rífa niður nýjar Sukhoi Superjet 100 þotur til að fá varahluti til að halda öðrum Sukhoi-þotum í umferð.

Skipt verður um hreyfla á öllum Boeing 787 þotum Norwegian

15. janúar 2018

|

Norwegian ætlar að skipta um hreyflategund á öllum þeim þrettán Dreamliner-þotum sem félagið hefur fengið afhentar vegna vandamála með Trent 1000 hreyfilinn frá Rolls-Royce auk átta Dreamliner-þotna t

Rúmlega 200 atvinnuflugmenn hafa útskrifast frá Keili

14. janúar 2018

|

Flugakademía Keilis útskrifaði 28 atvinnuflugnema við hátíðlega athöfn þann 12. janúar síðastliðinn en þetta var í átjánda skiptið sem Keilir brautskráir nemendur úr atvinnuflugnámi skólans og hafa þá

Rann út af í lendingu og steyptist niður kletta við sjóinn

14. janúar 2018

|

Mikil mildi þykir að ekki urðu alvarleg slys á fólki er farþegaþota af gerðinni Boeing 737-800 frá tyrkneska flugfélaginu Pegasus Airlines rann út af braut í lendingu í Tyrklandi í gærkvöldi en véli

Eitt flugrekstarleyfi fyrir Alaska Airlines og Virgin America

13. janúar 2018

|

Bandarísk flugmálayfirvöld (FAA) hafa gefið út sameiginlegt flugrekstarleyfi fyrir Alaska Airlines og Virgin America í kjölfar samruna félaganna tveggja.

 síðustu atvik

  2018-01-01 19:24:00