flugfréttir

17. júlí er mannskæðasti dagurinn í sögu flugsins

- 10 ár frá flugslysinu í Sao Paulo og 3 ár frá MH17 í Úkraínu

17. júlí 2017

|

Frétt skrifuð kl. 18:21

17. júlí hefur verið ansi mannskæður í sögu flugsins

Dagurinn í dag, 17. júlí, ku vera versti dagur ársins er kemur að flugslysum samkvæmt vefsíðunni Aviation Safety Network en 17 flugslys hafa átt sér stað þennan dag frá árinu 1946 sem hafa samanlagt kostað 927 mannslíf og þá eru t.a.m. 10 ár í dag frá flugslysinu á Congonhas-flugvellinum í Sao Paulo.

Mannskæðasta atvikið, sem flokka má undir hryðjuverk, átti sér stað þann 17. júlí árið 2014 er Boeing 777 þota frá Malaysia Airlines fórst nálægt bænum Hrabobe í Úkraínu en talið er að vélin hafi verið skotin niður með flugskeyti af jörðu niðri með þeim afleiðingum að allir þeir 239, sem voru um borð, létu lífið.

Þá voru 230 manns sem létu lífð er júmbó-þota af gerðinni Boeing 747-100 frá Trans World Airlines, flug TWA800, fórst á þessum degi árið 1996 er hún sprakk í háloftunum yfir Atlantshafinu skömmu eftir flugtak frá Kennedy-flugvellinum í New York en slysið er það 3. mannskæðasta í Bandaríkjunum.

Boeing 747-100 þotan sem fórst á Kennedy-flugvelli í júní árið 1996, mánuði áður en hún fórst

Þriðja mannskæðasta flugslysið á þessum degi átti sér stað árið 2007 er Airbus A320 þota frá TAM Linhas Aéreas, fór út af flugbraut í lendingu í mikilli rigningu á Congonhas-flugvellinum í Sao Paulo í Brasilíu.

Vélin fór út af flugvallarsvæðinu, yfir hraðbraut og hafnaði á vöruhúsi með þeim afleiðingum að allir þeir 187 farþegar, sem um borð voru auk sjö manna áhafnar, lét lífið auk tólf á jörðu niðri.

Flugslysið hjá TAM í Sao Paulo er það mannskæðasta í sögu Brasilíu

Slysið er það mannskæðasta sem hefur orðið í Brasilíu auk þess sem slysið er einnig það mannskæðasta er kemur að Airbus A320 þotunni.

Frá 1994 til 1998 versta tímabilið

Þriðjungur þessarra 18 flugslysa áttu sér stað frá árinu 1946 til ársins 1963 en því næst leið 31 ár þar til næsta flugslys átti sér stað á 17. júlí sem varð árið 1994 er Yakevlov 40 þota fórst í Kongó er hún rann út af braut í lendingu.

Í þremur slysum var um að ræða flugvél af gerðinni Curtiss C-46 Commando sem er tveggja hreyfla skrúfuflugvél sem smíðuð var fyrst árið 1941 en í þremur slysum átti DHC-6 Twin Otter vél hlut af máli og þá eru þrjár þotur frá Boeing sem fórust á þessum degi en þær voru af gerðinni Boeing 747-100, Boeing 737-200 og Boeing 777-200ER.

Mesta tíðn flugslysa á þessum degi var frá árinu 1994 til ársins 1998 en þá leið enginn 17. júlí án flugslysa í heiminum og þar af tvö árið 1994 og tvö árið 1996.







  fréttir af handahófi

Monarch missir rétt sinn á að koma lendingarplássum í verð

8. nóvember 2017

|

Hið gjaldþrota flugfélag Monarch Airlines hefur misst rétt sinn til þess að selja lendingarpláss sín fyir sumarið 2018 eftir úrskurð dómara.

LEVEL stefnir á 30 breiðþotur á fimm árum

25. september 2017

|

Willie Walsh, framkvæmdarstjóri International Airlines Group (IAG) segir að LEVEL, nýtt lágfargjaldafélag í langflugi, muni koma til með að vera komið með 30 breiðþotur eftir fimm ár.

Alaska Airlines mun hætta með Boeing 737-400 Combi

26. september 2017

|

Alaska Airlines hefur tilkynnt að félagið muni í október hætta með Boeing 737-400C (Combi) flugvélarnar en félagið hefur fjórar slíkar þotur eftir í flotanum.

  Nýjustu flugfréttirnar

Turkish hefur ekki þörf fyrir Airbus A380 eins og er

22. nóvember 2017

|

Turkish Airlines segist ekki hafa neina þörf til að taka inn risaþotuna Airbus A380 í flotann sinn eins og staðan er í dag.

Lufthansa framlengir júmbó-flugi milli Frankfurt og Berlínar

22. nóvember 2017

|

Lufthansa hefur ákveðið að framlengja júmbó-þotu flugi sínu milli Frankfurt og Tegel-flugvallarins í Berlín fram í desember vegna mikillar eftirspurnar á flugi milli þýsku borganna tveggja.

Aukið frelsi í flugumferð með tilkomu Borealis-samstarfsins

21. nóvember 2017

|

Borealis samstarfsbandalag Isavia og átta annarra norður-evrópskra flugleiðsögufyrirtækja hefur komist nær því markmiði að auka frjálsræði flugfélaga varðandi flugleiðir innan flugstjórnarsvæða sinna.

Flugslys meðal heimasmíðaðra flugvéla nær sögulegu lágmarki

21. nóvember 2017

|

Flugslysum hefur fækkað verulega vestanhafs þar sem heimasmíðaðar flugvélar eiga í hlut en á fjórum árum hefur slysum fækkað um 47 prósent í þessum flokki.

Norðmenn fá fyrstu AW101 björgunarþyrluna afhenta

21. nóvember 2017

|

Norðmenn hafa tekið við sinni fyrstu AW101 björgunarþyrlu frá AgustaWestland af þeim sextán sem pantaðar voru á sínum tíma.

Fóru óvart í flugtak á akbraut

20. nóvember 2017

|

Flugmálayfirvöld í Frakklandi rannsaka nú atvik sem átti sér stað fyrr í þessum mánuði er farþegaþota frá portúgalska flugfélaginu TAP Express var næstum farin í flugtak á akbraut (taxiway) á flugve

Rússar smíða nýja útgáfu af einni stærstu sprengjuflugvél heims

20. nóvember 2017

|

Rússar hafa lokið við samsetningu á fyrstu prótótýpunni af Tupolev Tu-160M2 sem er endurgerð útgáfa af Tu-160 sprengjuflugvélinni.

Norwegian fær leyfi fyrir 153 flugleiðum í Argentínu

20. nóvember 2017

|

Norwegian hefur fengið grænt ljós frá argentínskum flugmálayfirvöldum til að hefja starfsemi dótturfélagsins, Norwegian Air Argentina, og stenfir félagið á að hefja áætlunarflug á næsta ári í Argent

Avolon staðfestir pöntun í 75 Boeing 737 MAX þotur

20. nóvember 2017

|

Írska flugvélaleigan Avolon hefur staðfest pöntun í 75 eintök af Boeing 737 MAX en samkomulag um pöntunina var gert á flugsýningunni Paris Air Show í sumar.

Cessna Caravan rakst á Subaru-jeppa í flugtaki og fór í sjóinn

19. nóvember 2017

|

Engann sakaði eftir að eins hreyfils flugvél fór í sjóinn við strendur Belize skömmu eftir flugtak sl. föstudag en vélin rakst með hjólastell í jeppa sem var ekið eftir vegi við brautarendann.

 síðustu atvik

  2017-09-01 12:00:00