flugfréttir

Borgarstjórn Santa Monica flýtir styttingu flugbrautar

- Bíða ekki eftir niðurstöðum kærumála sem gæti dæmt borginni í óhag

10. ágúst 2017

|

Frétt skrifuð kl. 20:33

Flugvöllurinn í Santa Monica

Borgarráðið í Santa Monica í Kaliforníu hefur ákveðið að hraða framkvæmdum við styttingu á flugbrautinni á Santa Monica Municipal flugvellinum í bænum sem er næstum því 100 ára gamall.

Það var í ágúst í fyrra sem borgarstjórn Santa Monica gerði tilraun til að loka flugvellinum en í ljós kom að það myndi brjóta í bága við 70 ára gömul lög sem gerð voru til að tryggja tilvist vallarins.

Borgarstjórnin og bandarísk flugmálayfirvöld (FAA) komu sér saman að niðurstöðu að flugbrautin yrði stytt en til stendur að loka flugvellinum eftir 11 ár eða árið 2028.

Einkaþotur útilokaðar frá vellinum með styttri flugbraut

Borgarstjórinn samþykkti í vikunni framkvæmdir upp á 369 milljónir króna vegna styttingu flugbrautarinnar og verður framkvæmdunum flýtt.

Eftir að brautin styttist munu einkaþotur og stærri flugvélar ekki geta lent á vellinum og mun völlurinn því aðeins verða nothæfur fyrir litlar flugvélar og dregst því umferðin töluvert saman um völlinn.

Flugbrautin á Santa Monica Airport er álíka löng og 13/31 brautin á Reykjavíkurflugvelli en brautin mun styttast um tæpan þriðjung; úr 4.973 fetum niður í 3.500 fet en við það verður hún álíka löng og 06/24 brautin á BIRK.

Kostnaðurinn mun lenda á skattgreiðendum og hefur fyrirtækið Aecom verið fengið til að sjá um framkvæmdirnar og munu þær hefast í október í haust og eru verklok áætluð fyrir lok ársins.

Skýringarmynd varðandi fyrirhugaða styttingu flugbrautar

Loka þarf flugvellinum í um 10 daga á meðan framkvæmdirnar standa yfir en þær munu að mestu fara fram á nóttunni.

Borgarstjórn hefur þegar skipað nefnd til að ákveða hvernig þeim byggingum verður ráðstafað sem eru staðsettar á flugvallarsvæðinu en mörgum fyrirtækjum, sem tengjast rekstri vallarins, hefur verið gert að yfirgefa húsnæðin.

Á meðan á þessu stendur eru mörg fyrirtæki og aðilar sem hafa höfðað mál gegn borgarstjórn Santa Monica og gætu niðurstöður úr þeim dómsmálum haft áhrif á styttingu brautarinnar ef málin ná að ganga í gegn í tæka tíð.

Einnig gætu niðurstöðurnar komið í veg fyrir endanlega ákvörðun varðandi lokun vallarins árið 2028.

Samtök viðskipta- og einkaþotuflugsins í Bandaríkjunum (NBAA) hafa meðal annars höfðað mál á þeim forsendum að það sé ekki í verkahring bandarískra flugmálayfirvalda (FAA) að gera samning við Santa Monica flugvöll og fallast á lokun vallarins árið 2028 og hafa margir aðrir flugrekstaraðilar sambærileg mál í kerfinu sem bíða afgreiðslu.

Flugstöð vallarins í Santa Monica

Jol Silvesmith, lögfræðingur NBAA (National Business Aviation Association), segir að þótt að brautin verði stytt í haust þá sé tiltölulega ekki mikið mál að lenga hana á ný ef dómari dæmir flugvellinum í vil en þá verður farið fram á að brautin verði lengd að fullu á nýjan leik og mun sá kostnaður einnig lenda á skattgreiðendum.

Aðilar í flugtengdum rekstri á Santa Monica flugvellinum benda á mikilvægi vallarins og að völlurinn sé nauðsynlegur flugvöllur sem skilar 29 milljörðum króna tekjum inn í bandarískt samfélag á hverju ári en árið 2015 fóru 90.000 flugvélar um völlinn.

Borgarstjórn Santa Monica hyggst hinsvegar ætla að reisa almenningsgarð á landsvæðinu eftir að flugvellinum verður lokað árið 2028.

Tölvugerð mynd af almenningsgarðinum sem á að koma í stað flugvallarins eftir 11 ár







  fréttir af handahófi

Aðalheiður Kristinsdóttir nýr forstöðumaður hjá Icelandair

9. apríl 2018

|

Aðalheiður Kristinsdóttir hefur verið ráðin forstöðumaður sölustýringar (Global Sales) Icelandair.

Flugkennsla í Ástralíu í niðurníðslu - Mörgum flugskólum hefur verið lokað

25. apríl 2018

|

Dick Smith, fyrrum yfirmaður hjá áströlskum flugmálayfirvöldum, sakar ríkisstjórn Ástralíu um að hafa eyðilagt þann iðnað sem snýr að flugkennslu og flugþjálfun í Ástralíu.

American slítur viðræðum við Airbus um A330neo

25. mars 2018

|

Airbus hefur tapað samningaviðræðum við American Airlines um sölu á Airbus A330neo þotum til flugfélagsins.

  Nýjustu flugfréttirnar

Ráðherra segir af sér rétt fyrir kosningu um stækkun Heathrow

21. júní 2018

|

Greg Hands, viðskiptaráðherra Bretlands, hefur sagt af sér vegna óánægju sinnar vegna ákvörðunar breska þingsins um að taka upp atkvæðagreiðslu eftir helgi um stækkun Heathrow-flugvallar.

Aldrei eins mörg verkföll hjá flugumferðarstjórum í Evrópu

21. júní 2018

|

Árið 2018 stefnir í að verða það versta er kemur að fjölda verkfalla meðal flugumferðarstjóra í Evrópu.

LaudaMotion í viðræðum við Airbus og flugvélaleigur

20. júní 2018

|

Austurríska flugfélagið LaudaMotion á nú í viðræðum við Airbus vegna fyrirhugaðrar pöntunar í nýjar farþegaþotur en þá er félagið einnig að ræða við flugvélaleigur sem gætu orðið félaginu út um flugv

FedEx pantar 25 fraktþotur frá Boeing

20. júní 2018

|

Vöruflutningarisinn FedEx Express hefur pantað 24 fraktþotur frá Boeing af gerðinni Boeing 767-300ERF og Boeing 777F.

Stöðva allt fraktflug tímabundið vegna viðhaldsmála

19. júní 2018

|

Japanska fraktflugfélagið Nippon Cargo Airlines (NCA) ætlar að hætta öllu fraktflugi tímabundið af öryggisástæðum en flugfélagið telur að óviðeigandi smurolía hafi verið notuð við viðhald á einni af

Risaþota flaug inn í kviku af annarri risaþotu

19. júní 2018

|

Airbus A380 risaþota frá Qantas lenti í því á dögunum að taka snögga dýfu eftir að hafa flogið inn í vængendakviku af annarri risaþotu frá sama flugfélagi með tilheyrandi ókyrrð.

Fyrsta A350 með „wing-twist“ fer til Iberia

18. júní 2018

|

Spænska flugfélagið Iberia verður í næsta mánuði fyrsta flugfélagið til að fá Airbus A350 þotu afhenta með nýja „wing-twist“ vængnum.

Norwegian gerir samning við félag finnskra flugmanna

18. júní 2018

|

Norwegian hefur gert samning við félag finnskra atvinnuflugmanna (NPU FI) sem tryggir félaginu möguleika á því að ráða finnska flugmenn til starfa með auðveldari hætti.

Vara við sprungum í vænglingum á Boeing 767

17. júní 2018

|

Bandarísk flugmálayfirvöld (FAA) hafa sent út fyrirmæli þar sem flugrekstraraðilar eru beðnir um að framkvæma skoðun á vænglingum (winglets) á Boeing 767-300 breiðþotum og leita eftir mögulegum spru

EasyJet hefur mikinn áhuga á að fljúga um Heathrow

16. júní 2018

|

EasyJet hefur mikinn áhuga á því að hefja áætlunarflug um Heathrow-flugvöllinn í London en það myndi þó ekki gerast fyrr en eftir stækkun vallarins með þriðju flugbrautinni.

 síðustu atvik

  2018-01-01 19:24:00