flugfréttir

Icelandair mun fljúga til Berlínar

- Fljúga allan ársins hring á Tegel-flugvöllinn

18. ágúst 2017

|

Frétt skrifuð kl. 14:28

Áætlunarflug Icelandair til Berlínar mun hefjast

Icelandair mun þann 3. nóvember í haust hefja flug til Berlínar sem er nýr áfangastaður hjá félaginu en flogið verður til Tegel-flugvallarins og verður flogið allan ársins hring.

Berlín verður 47. áfangastaður í leiðarkerfi Icelandair en flogið verður til borgarinnar þrisvar í viku til að byrja með og hefst sala farmiða fimmtudaginn 24. ágúst.

Flogið verður á föstudegi, sunnudegi og mánudegi fyrst um sinn, en gert er ráð fyrir að fjölga ferðum enn frekar næsta sumar.

„Berlín er fjórði áfangastaður okkar í Þýskalandi, auk Frankfurt, Munchen og Hamborgar, og mun styrkja leiðarkerfi okkar yfir Atlantshafið með því að bjóða farþegum upp á þægilega tengingu á milli Evrópu og Norður-Ameríku,“ segir Birkir Hólm Guðnason, framkvæmdastjóri Icelandair.

Oranienburger Strasse gatan í Berlín og sjónvarpsturninn í baksýn

„Berlín er stærsta borg Þýskalands og býr yfir merkilegri sögu, fjölbreyttu menningarlífi og líflegu næturlífi. Borgin hefur lengi verið vinsæl meðal Íslendinga, bæði til búsetu og heimsóknar, enda finna allir eitthvað sitt við hæfi þar. Það er því ánægjulegt að geta þjónustað þá landa okkar sem þangað sækja og við erum stolt af því að geta nú boðið bestu upplifunina í flugi milli Berlínar og Íslands,“ segir Birkir.

Farþegafjöldinn með Icelandair mun í ár fara yfir 4 milljónir

Icelandair hefur verið leiðandi í flugi og ferðaþjónustu á Íslandi í 80 ár. Leiðarkerfi félagsins er hugsað og skipulagt sem tenging á milli meginlands Evrópu og Norður-Ameríku og hefur margfaldast að umfangi frá árinu 2009.

Þá voru farþegar um 1,3 milljónir en á þessu ári er gert ráð fyrir að þeir verði um 4,2 milljónir. Í dag flýgur félagið til 18 áfangastaða í Bandaríkjunum og Kanada og 29 borga Evrópu og er stöðugt að styrkja leiðarkerfið og bjóða farþegum þægilegar ferðir og bestu þjónustuna.

Meðal annars býður félagið upp á yfir 600 klukkustundir af afþreyingu fyrir alla fjölskylduna í sætisbaki, þráðlaust net allt frá því stigið er um borð og þar til komið er í flugstöð og aukið sætabil.







  fréttir af handahófi

Hreyflar fyrir MRJ verða einnig smíðaðir í Japan

3. júlí 2018

|

Pratt & Whitney vinnur nú að undirbúningi á samsetningu á fyrsta hreyflinum sem framleiddur verður í Japan en um er að ræða PW1200G hreyfilinn fyrri Mitsubishi Regional Jet (MRJ) þotuna.

Segja styttingu flugbrautarinnar í Santa Monica ólögmæta

21. maí 2018

|

Samtök fyrirtækja í viðskipta- og einkaþotuflugi í Bandaríkjunum, NBAA (National Business Aviation Association), hvetur nú áfrýjunardómstól í Bandaríkjunum til þess að ógilda samkomulag sem bandarísk

Einkaþotuútgáfan af Boeing 737 MAX flýgur sitt fyrsta flug

17. apríl 2018

|

Fyrsta einkaþotuútgáfan af Boeing 737 MAX flaug í gær sitt fyrsta tilraunaflug en þotan, sem er af gerðinni BB 737 MAX, fór í lokasamsetningu í byrjun mars.

  Nýjustu flugfréttirnar

MRJ90 þotan kemur fram á Farnborough flugsýningunni

14. júlí 2018

|

Mitshubishi Aircraft segir að flugvélaframleiðandinn sé tilbúin til þess að fljúga nýju MRJ þotunni sitt fyrsta sýningarflug sem verður þá í annað sinn sem þotan kemur fram opinberlega.

Embraer E2 lendir í fyrsta sinn á London City

13. júlí 2018

|

Nýja E190-E2 þotan frá Embraer lenti í fyrsta sinn á London City flugvellinum í dag á leið sinni á Farnborough-flugsýninguna en flugvélin mun henta mjög vel fyrir flug um London City þar sem sá flugv

Hálfur milljarður í endurnýjun flugbrautar á Gander-flugvelli

13. júlí 2018

|

Stjórnvöld í Kanada ætla að verja tæpum hálfum milljarði króna í endurnýjun á yfirlagi á annarri flugbrautinni á Gander-flugvelli sem er lengsta flugbrautin í Nýfundnalandi og ein sú lengsta í Kanada.

Ryanair fær grænt ljós frá ESB vegna yfirtöku á Laudamotion

13. júlí 2018

|

Ryanair hefur fengið grænt ljós vegna kaupa á austurríska flugfélaginu Laudamotion og er það mat Evrópusambandsins að yfirtakan muni ekki hafa neikvæð áhrif á samkeppnina meðal flugfélaga í Evrópu.

Metumferð um Vnukovo-flugvöll vegna HM í Rússlandi

12. júlí 2018

|

Heimsmeistarakeppnin í fótbolta hefur orðið til þess að aldrei áður hafa eins margir farþegar farið um Vnokovo-flugvöllinn í Moskvu.

Gríski flugherinn pantar tólf Tecnam P2002JF kennsluvélar

12. júlí 2018

|

Ítalski flugvélaframleiðandinn Tecnam hefur fengið pöntun frá gríska flughernum sem hefur fest kaup á tólf flugvélum af gerðinni Tecnam P2002JF.

Koma Air India til bjargar með 32 milljóna króna fé í reksturinn

12. júlí 2018

|

Ríkisstjórn Indlands hefur ákveðið að setja enn og aftur fé í rekstur Air India til þess að halda rekstri flugfélagsins gangandi eftir að síðustu tilraunir til þess að selja og einkavæða félagið fóru

Yfir 300 lítrar af eldsneyti láku frá þyrlu í frakt á Boeing 747-8F

12. júlí 2018

|

Mikil hætta skapaðist er eldsneytisleki kom upp í þyrlu sem verið var að flytja með júmbó-fraktþotu Cargolux frá Texas til Þýskalands í mars árið 2017.

Flaug annað áætlunarflug þrátt fyrir mjög harða lendingu

11. júlí 2018

|

Í ljós hefur komið að kanadíska flugfélagið Jazz flaug áætlunarflug með einni af Bombardier Q400 flugvélum félagsins skömmu eftir mjög harða lendingu sem varð til þess að skemmdir urðu á hjólastelli o

JetBlue pantar allt að 120 eintök af Airbus A220 (CS300)

11. júlí 2018

|

JetBlue hefur lagt inn pöntun til Airbus í allt að 120 eintök af Airbus A220-300 þotunni sem er nýtt nafn á CSeries CS300 þotunni frá Bombardier.