flugfréttir

Galli í hæðarmæli talin orsök áreksturs tveggja þotna yfir Senegal

- Boeing 737 og einkaþota rákust saman í sömu flughæð árið 2015

22. ágúst 2017

|

Frétt skrifuð kl. 10:56

Flugslysið átti sér stað yfir Senegal þann 5. september árið 2015

Flugslysasérfræðingar hafa komist að niðurstöðu varðandi orsök flugslyss sem átti sér stað yfir Senegal þann 5. september árið 2015 er tvær vélar rákust saman í háloftunum, þota af gerðinni Boeing 737 og einkaþota af gerðinni British Aerospace 125.

Talið er að hæðarmælir einkaþotunnar hafi verið rangt stilltur eða mögulega verið gallaður sem orsakaði slysið en flak einkaþoturnnar fannst aldrei þrátt fyrir leit en vélin var komin í ranga flughæð.

Einkaþotan var að fljúga sjúkraflug frá Ougadougou, höfuðborg Burkína Fasó, til Dakar í Senegal og var vélin á vesturleið eftir flugleið UA601 en á sama tíma var Boeing 737-800 þota frá Ceiba International að mæta henni á sömu flugleið en sú vél fór í loftið frá Dakar og var á leið til Benín.

Flugmennirnir á einkaþotunni höfðu fengið fyrirmæli um að halda sig í 34.000 fetum en þrátt fyrir það þá rakst vélin á Boeing 737 þotuna í 35.000 feta hæð með þeim afleiðingum að 1 meter af vængenda Boeing 737 vélarinnar rifnaði af.

Vænglingur á Boeing 737-800 þotunni eftir áreksturinn

Þrátt fyrir áreksturinn, sem átti sér stað í lofthelginni yfir Senegal, þá hélt einkaþotan áfram í átt að Dakar en hún lækkaði aldrei flughæðina, hélt áfram út á Atlantshaf þar til hún fór að missa hæð og fórst í hafið u.þ.b. 55 mínútum síðar.

Flak vélarinnar fannst aldrei en rannsóknarnefnd flugslysa í Senegal telur að hæðarmálar vélarinnar hafi verið gallaður og sýnt ranga flughæð en það hefði mögulega verið hægt að sanna ef flugritar vélarinnar hefðu fundist.

Fram kemur að ekki náðist í flugmenn einkaþotunnar eftir áreksturinn og allar tilraunir til að ná til þeirra með mismunandi leiðum hafi ekki borið árangur en meðal annars var reynt að láta flugmenn á öðrum flugvélum, sem voru staddar í nágrenninu, hafa samband við áhöfnina.

Talið er að þrýsingur um borð í vélinni hafi fallið niður við áreksturinn og orsakað súrefnisskort um borð en það er þó aðeins tilgáta sem ekki er hægt að sanna nema nálgast flugrita vélarinnar.

Kort af flugleiðinni þar sem vélarnar rákust saman

Flugumferðarstjórar höfðu látið flugmennina skipta nokkrum sinnum um flughæð til að tryggja vellíðan sjúklingsins um borð þar sem vélin var að reyna forðast ókyrrð á leiðinni.

40 mínútum fyrir áreksturinn höfðu flugmennirnir fengið tilmæli um að halda sig í 34.000 fetum en þá var vélin á svæði sem kemur ekki fram á ratsjá. Þegar vélin kom inn á radar yfir Senegal tóku þeir eftir að hún var í 35.000 fetum sem var sama flughæð og Boeing 737-800 þotan var í er hún flaug sömu leið til austurs.

Flugritar Boeing 737 þotunnar sýndu að vélin hefði tekið á sig snögglega beygju sem sjálfstýringin leiðrétti strax í kjölfarið sem er talið vera vegna árekstursins er vélin fór með vænginn utan í einkaþotuna.

Flugmenn Boeing 737 þotunnar ákváðu í kjölfarið að lenda í Malabo í Miðbaugs-Gíneu eftir 3:28 klukkustunda flug með brotinn vængling en þar eru höfuðstöðvar flugfélagsins Ceiba Intercontinental.

Sjö manns voru um borð í British Aerospace 125 einkaþotunni en flak vélarinnar er talið vera á hafsbotni undan ströndum Dakar.







  fréttir af handahófi

Tuttugu börn og fjölskyldur þeirra fá ferðastyrk Vildarbarna

19. apríl 2018

|

20 börn og fjölskyldum þeirra, samtals um eitt hundrað manns, var afhentur ferðastyrkur úr sjóðnum Vildarbörn Icelandair í dag. Alls hafa 625 fjölskyldur notið stuðnings frá sjóðnum frá stofnun hans f

Ekkert tilboð barst í Air India

1. júní 2018

|

Tilboðsfrestur vegna sölu á Air India er runninn út án þess að neitt tilboð barst í flugfélagið indverska.

Orðrómur: CSeries-þotan mun breytast í Airbus A200

27. apríl 2018

|

Allt stefnir í að CSeries-þoturnar frá Bombardier muni breyta um nafn við yfirtöku Airbus á framleiðslunni hjá Bombardier og til verður ný tegund af Airbus-þotum.

  Nýjustu flugfréttirnar

Stöðva allt fraktflug tímabundið vegna viðhaldsmála

19. júní 2018

|

Japanska fraktflugfélagið Nippon Cargo Airlines (NCA) ætlar að hætta öllu fraktflugi tímabundið af öryggisástæðum en flugfélagið telur að óviðeigandi smurolía hafi verið notuð við viðhald á einni af

Risaþota flaug inn í kviku af annarri risaþotu

19. júní 2018

|

Airbus A380 risaþota frá Qantas lenti í því á dögunum að taka snögga dýfu eftir að hafa flogið inn í vængendakviku af annarri risaþotu frá sama flugfélagi með tilheyrandi ókyrrð.

Fyrsta A350 með „wing-twist“ fer til Iberia

18. júní 2018

|

Spænska flugfélagið Iberia verður í næsta mánuði fyrsta flugfélagið til að fá Airbus A350 þotu afhenta með nýja „wing-twist“ vængnum.

Norwegian gerir samning við félag finnskra flugmanna

18. júní 2018

|

Norwegian hefur gert samning við félag finnskra atvinnuflugmanna (NPU FI) sem tryggir félaginu möguleika á því að ráða finnska flugmenn til starfa með auðveldari hætti.

Vara við sprungum í vænglingum á Boeing 767

17. júní 2018

|

Bandarísk flugmálayfirvöld (FAA) hafa sent út fyrirmæli þar sem flugrekstraraðilar eru beðnir um að framkvæma skoðun á vænglingum (winglets) á Boeing 767-300 breiðþotum og leita eftir mögulegum spru

EasyJet hefur mikinn áhuga á að fljúga um Heathrow

16. júní 2018

|

EasyJet hefur mikinn áhuga á því að hefja áætlunarflug um Heathrow-flugvöllinn í London en það myndi þó ekki gerast fyrr en eftir stækkun vallarins með þriðju flugbrautinni.

Icelandair flaug 600 farþegum í þremur þotum á HM í Rússlandi

15. júní 2018

|

Alls hafa um 600 farþegar flogið í þremur þotum Icelandair í beinu flugi til Moskvu frá Keflavíkurflugvelli í dag.

Isavia afhendir Landsbjörgu hópslysakerrur

15. júní 2018

|

Í dag, fimmtudaginn 14. júní, lauk Isavia með formlegum hætti við að afhenda Slysavarnafélaginu Landsbjörgu hópslysakerrur, sem eru afrakstur sameiginlegs verkefnis styrktarsjóðs Isavia og Slysavarnaf

Fimm ára gamall flugvöllur hefur misst öll flugfélögin

15. júní 2018

|

Nýi flugvöllurinn í Kolombó, höfuðborg Sri Lanka, hefur kvatt síðasta flugfélagið sem hefur yfirgefið flugvöllinn og ekkert flugfélag í dag sem flýgur áætlunarflug lengur til vallarins sem opnaður va

Mótmæltu úrslitum kosninga og kveiktu í flugvél

15. júní 2018

|

Farþegaflugvél af gerðinni de Havilland DHC-8 202Q Dash 8 brann til kaldra kola á flugvellinum í Mendi í Papúa-Nýju Gíneu eftir að reiðir mótmælendur, sem voru óánægðir með úrslit úr sveitastjórnarko

 síðustu atvik

  2018-01-01 19:24:00