South African á barmi þess að halda úti flugrekstri

- Skera niður áfangastaði og fækka vélum í flotanum

29. ágúst 2017

|

Frétt skrifuð kl. 06:46

Farþegaþotur South African á London Heathrow

South African Airways hefur ákveðið að hefja viðamikinn niðurskurð í rekstri félagsins með því að fella niður flugleiðir, fækka flugvélum í flotanum og fækka flugferðum.

Suður-Afríska flugfélagið segir að þessar aðgerðir séu liður í því að halda félaginu gangandi áfram en það stendur frammi fyrir miklum rekstarerfiðleikum.

Arðbærasta flugleiðin í leiðarkerfi félagsins er flugið milli Jóhannesarborgar og Höfðaborgar en flugferðum verður fækkað um þriðjung milli borganna tveggja.

Þá stendur til að fellar niður allt flug til og frá Port Elizabeth og East London og einnig fella niður flugferðir frá Suður-Afríku til fjölda áfangastaða til annarra afrískra nágrannaland.

Mikið hefur gengið á innan stjórnar South African Airways þar sem miklar ósættir hafa verið í garð nokkurra yfirstjórnenda sem taldir eru hafa slæm áhrif fyrir félagið og þá hefur Musa Zwane, framkvæmdarstjóri félagsins, verið lagður inn á spítala.

Nokkrir heimildarmenn innan félagsins hafa tjáð sig um stöðuna og segja hana mjög slæma og sé verið að gera allt til að halda lífi í rekstrinum.

Rekstur South African er sagður ganga mjög erfiðlega um þessar mundir

Félagið skuldar nokkur lán sem tekin hafa verið en frestur til að greiða þau til baka hefur tvisvar verið framlengdur en seinasta umsókn til að fresta gjalddaga var hafnað.

Burt séð frá skuldum South African Airways þá er rekstarféið að verða uppurið og nær félagið ekki að hala inn nægilega miklum tekjum til að greiða skuldir sem halda áfam að hrannast upp.

South African flýgur tvisvar á dag frá Jóhannesarborg til Heathrow-flugvallarins í Lundúnum en til stendur að skera það flug niður með því að fljúga eitt flug á dag til London.

Þá stendur til að hætta að fljúga til áfangastaða á við Brazzeville í Kongó, Lilongwe í Malaví, Kigali í Rúanda og til Libreville í Gabon.

South African Airways hefur um 50 flugvélar í flota sínum en níu vélar eru í eigu félagsins en hinar eru teknar á leigu og er kostnaður við leigu á þeim vélum um 28 milljarðar króna á ári.

Félagið hefur farið þess á leit við ríkisstjórn Suður-Afríku um að fá 102 milljarða króna lán til að halda rekstri félagsins gangandi en aðeins er einn mánuður liðinn frá því að félagið fékk 17 milljarða króna fé inn í reksturinn.

Einhverjir fréttamiðlar greina frá því að South African Airways sé á barmi gjaldþrots en Malusi Gigaba, fjármálaráðherra Suður-Afríku, segir að ákvörðun um frekari lán til félagsins verði tekin í október.