flugfréttir
Keflavíkurflugvöllur breytir 11/29 brautinni í 10/28
- 17 mánuðir frá því 02/20 breyttist í 01/19
1. september 2017
|
Frétt skrifuð kl. 12:55
Tölurnar 10 og 28 voru málaðar á vestur-austur brautina um miðnætti
Keflavíkurflugvöllur hefur kvatt 11/29 brautina en í nótt var lokið við að mála nýjar brautarstefnutölur á vestur-austur brautina sem hefur nú breyst í 10/28.
Brautarstefna á flugvöllum miðast við segulstefnu að segulpólum en ekki rétta stefnu. Þar sem
segulsvið jarðar er á hreyfingu þá er nauðsynlegt að breyta brautarstefnunni á nokkurra ára fresti og þurfa
því flestir flugvellir í heiminum að mála nýja stefnu á brautirnar.
Ef flugbraut hefur t.a.m. segulstefnu að 194° þá myndi viðkomandi braut vera merkt sem 19 sem námundast að 190 gráðum.
Þegar segulpóll jarðar er farinn að færast það mikið að hann nálgast 200° gráðu stefnu þá þarf viðkomandi flugvöllur að breyta brautarstefnunni í 20.
Á kortinu má sjá hvernig segulsvið jarðar hefur mismunandi skekkju. Segulstefna miðast við segulpóla jarðar á meðan rétt stefna miðast við norðurpól og suðurpól
Segulstefnu er hægt að finna með því að bæta misvísun við réttvísandi stefnu. Misvísun er breytileg í heiminum þar sem segulpólarnir eru á hreyfingu en á Íslandi er svökölluð „vestur-misvísun“ og fer
hún lækkandi og minnkar um 0.3° gráður á ári.
Eitt og hálft ár er síðan að norður-suðurbrautin á Keflavíkurflugvelli breytti um brautarstefnu
en í apríl í fyrra var 02/20 brautinni breytt í 01/19.
Braut 11 breyttist á miðnætti í braut 10
Breytingin snertir ekki farþega og hafa þeir fæstir hugmynd um að flugbrautin hafi breytt um „nafn“
er þeir koma aftur til landsins úr fríinu en það tekur oft nokkra daga fyrir flugvallarstarfsmenn
að venjast breytingunni.
Breytingin kann að venjast hraðar fyrir flugmenn þar sem þeir fá heimild á aðflug frá
aðflugsstjórn að nýrri brautarstefnu og svara þeir þá fyrirmælum beint til baka án þess að þurfa muna nýja „nafnið“ á brautinni.
Mynd að neðan: Flugvélar sem koma inn til lendingar úr austri munu í dag lenda á 28 en ekki á 29
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
