flugfréttir
Miklar skemmdir á St. Maarten flugvelli eftir fellibylinn Irmu
- Hluti þaks flugstöðvarinnar rifnaði og flugvélar skemmdust
6. september 2017
|
Frétt skrifuð kl. 18:19
St. Maarten flugvöllur er frægur fyrir aðflugið yfir ströndina en einhver bið gæti orðið á því að flug muni hefjast aftur um völlinn
Princess Juliana flugvöllurinn í Karíbahafi er mjög illa farinn eftir fellibylinn Irmu sem reið yfir St. Maarten eyjuna snemma í morgun.
Í morgun mældist vindhraðinn á flugvellinum 140 hnútar og fór vindurinn upp í 160 hnúta í mestu hviðunum sem samsvarar tvöföldu fárviðri samkvæmt gömlu vindstigum
Veðurstofunnar.
Flugvöllurinn á St. Maarten er hvað þekktastur fyrir sitt fræga aðflug þar sem flugvélar koma inn til lendingar
lágt yfir sólþyrstum baðgestum á Maho Beach ströndinni.
Þak flugstöðvarbyggingarinnar er mjög illa farið en næstum allar þakklæðningarnar á flugstöðinni tættust af í veðurhamnum og hluti af því fauk niður á flughlaðið.
Eins og sjá má er þak flugstöðvarinnar illa farið
Töluvert mikið vatn flæddi
inn í flugstöðina og þá fuku landgöngubrýr um koll
á flughlaðinu og skemmdust.
Flugbraut vallarins er þakin sandi, grjóti og braki en flugvellinum var lokað fyrir umferð í gærkvöld
þegar fór að hvessa.
Stjórn flugvallarins hefur ekki enn gefið frá sér yfirlýsingu varðandi skemmdirnar né hvenær séð er fram á að flugumferð muni hefjast að nýju.
Flugskýli á flugvellinum hrundi til grunna og flugvélar eyðilögðust
Þá eyðilagðist vefmyndavélin á Maho Beach ströndinni sem hefur sent beint út á Netinu með hljóði og hafa margir
flugáhugamenn í heiminum fylgst með strandlífinu og flugvélunum á vellinum.
Miðja fellibylsins Irmu er núna rétt norður af Bresku Jómfrúareyjum og stefnir hann
vestur til Púertó Ríkó á 24 km/klst hraða en þaðan er spáð að hann muni þræða sig norðvestur eftir Kúbu um helgina og skella á Miami á sunnudag.
Fleiri myndir:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
