flugfréttir
Icelandair mun fljúga til Dallas
- Flogið á Dallas/Fort Worth flugvöllin frá og með maí 2018
Flugið til Dallas mun hefjast í maí 2018
Icelandair hefur ákveðið að hefja heilsársflug til bandarísku borgarinnar Dallas í Texas á næsta ári.
Borgin verður tuttugasti áfangastaðurinn í Norður-Ameríku sem Icelandair býður upp á í leiðakerfi sínu, en nýlega kynnti félagið Cleveland sem áfangastað.
Flugið til Dallas hefst í maí 2018 og flogið verður fjórum sinnum í viku. Sala er þegar hafin.
Dallas er kjarninn í einu stærsta þéttbýlissvæði Bandaríkjanna, með um 7,5 milljónir íbúa. Borgin er í norðurhluta Texas og er nú ört vaxandi hátækniborg með öflugu viðskiptalífi og menningarstarfi.
Þá er borgin stór samgöngumiðstöð fyrir suðurhluta Bandaríkjanna og Suður-Ameríku og þar leikur Dallas Fort-Worth flugvöllurinn sem Icelandair flýgur á aðalhlutverk.
„Við höfum lengi horft til Dallas sem áfangastaðar sem fellur vel að leiðakerfi okkar og þéttir og styrkir tengiflugið til og frá Evrópu. Flugtíminn er tæplega 8 klukkustundir og Boeing 757 vélar okkar eru afar hagkvæmur kostur fyrir þessa flugleið“, segir Birkir Hólm Guðnason, framkvæmdastjóri Icelandair. Með Dallas fjölgar áfangastöðum Icelandair í 49 í heild.
Icelandair hefur verið leiðandi í flugi og ferðaþjónustu á Íslandi í 80 ár. Leiðarkerfi félagsins er hugsað og skipulagt sem tenging á milli meginlands Evrópu og Norður-Ameríku og hefur margfaldast að umfangi frá árinu 2009. Þá voru farþegar um 1,3 milljónir en á þessu ári er gert ráð fyrir að þeir verði rúmlega 4 milljónir.
Í dag flýgur félagið til 18 áfangastaða í Bandaríkjunum og Kanada og 29 borga Evrópu og er stöðugt að styrkja leiðarkerfi sitt. Icelandair býður upp á yfir 600 klukkustundir af afþreyingu fyrir alla fjölskylduna í sætisbaki og þráðlaust net allt frá því stigið er um borð og þar til komið er í flugstöð á öllum flugleiðum félagsins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.