flugfréttir

Fjórir flugvellir í London munu fyllast innan 10 ára

- Aldrei eins mikil þörf fyrir stækkun Heathrow-flugvallar

25. október 2017

|

Frétt skrifuð kl. 11:28

Gatwick-flugvöllur úr lofti

Því er spáð að allir flugvellirnir fimm á Lundúnarsvæðinu verði orðnir fullir um miðjan fjórða áratug aldarinnar og fjórir þeirra munu fyllast á næsta áratug.

Þetta eru spár sem gerðar hafa verið í kjölfar niðurstöður rannsóknar á eftirspurn eftir flugi til og frá London sem breska ríkisstjórnin birti nýlega.

Fimm flugvelli er að finn á London-svæðinu en þeir eru London Heathrow, Gatwick, Luton, Stansted og London City flugvöllur.

Chris Grayling, samgönguráðherra Bretlands, segir að mestar vonir eru bundnar við þriðju flugbrautina á Heathrow-flugvelli sem er sú lausn sem er næst í sjónmáli til að létta á álaginu á þeirri farþegaaukningu sem framundan er.

Samkvæmt skýrslunni er talið að enn fleiri farþegar eigi eftir að fljúga um flugvellina í nágrenni Lundúna á næstu árum en gert var ráð fyrir upphaflega.

Ef ekkert er gert til að bregðast við þeirri fjölgun munu flugvellirnir fyllast fyrr en talið var og verða þeir allir orðni það þéttskipaðir árið 2034 að ógjörningur verður að bæta við fleiri flugferðum um vellina.

Fram kemur að einn möguleikinn væri að bæta við annarri flugbraut á Gatwick-flugvelli sem í dag er stærsti flugvöllur heims sem rekinn er með eina flugbraut.

Flugvélar í aðflugi að London Heathrow

Skýrslan, sem nefnist Airports National Policy Statement, er endurgerð skýrslu sem birt var fyrr á þessu ári en fram koma niðurstöður á þeim atriðum sem teljast hentugir kostir til að efla flugsamgöngur á suðausturhluta Englands á næstu árum.

Flugiðnaðurinn og flugfélög hafa kallað á enn öflugri aðgerðir af hálfu Breta til að styrkja flugsamgöngur frá svæðinu í kringum London sem hefur lengi verið álitinn flöskuháls þar sem takmarkað pláss er um Heathrow-flugvöll.

„Þörfin til að stækka Heathrow-flugvöll hefur aldrei verið eins mikil og nú og við viljum fá að heyra álit allra“, segir Grayling, samgönguráðherra, en lokaskýrsla með tillögur að breytingum í flugvallarmálum Breta verður lögð fyrir breska þingið vorið 2018.

Vonast er til að framkvæmdir við þriðju flugbrautina á Heathrow geti hafist ekki síðar en árið 2021 og er séð fram á að brautin verði tilbúin árið 2025.

Tölvugerð mynd af Heathrow-flugvellinum með þriðju flugbrautinni norðvestur af vellinum







  fréttir af handahófi

Móðurfélag BA með nýtt tilboð í Norwegian

21. maí 2018

|

IAG (International Airlines Group), móðurfélag British Airways, ætlar ekki að gefast upp hvað varðar tilraunir á yfirtöku á Norwegian og ætlar fyrirtæki að koma með nýtt tilboð í flugfélagið norska.

Telja flugvélar orðnar stærri, háværari og fljúga lægra yfir

12. apríl 2018

|

Hópur íbúar í Montréal í Kanada segjast orðnir mjög þreyttir á hávaða frá flugumferðinni sem fer um Elliott Trudeau alþjóðaflugvöllinn í borginni og telja þeir að flugvélar séu farnar að búa til mei

Fimmta Dreamliner-þotan sem smíðuð var fer í niðurrif

22. apríl 2018

|

Boeing hefur hafið niðurrif á einni af þeim fyrstu Dreamliner-þotum sem smíðaðar voru en um er að ræða fimmtu Boeing 787-8 tilraunarþotuna sem smíðuð var.

  Nýjustu flugfréttirnar

Ráðherra segir af sér rétt fyrir kosningu um stækkun Heathrow

21. júní 2018

|

Greg Hands, viðskiptaráðherra Bretlands, hefur sagt af sér vegna óánægju sinnar vegna ákvörðunar breska þingsins um að taka upp atkvæðagreiðslu eftir helgi um stækkun Heathrow-flugvallar.

Aldrei eins mörg verkföll hjá flugumferðarstjórum í Evrópu

21. júní 2018

|

Árið 2018 stefnir í að verða það versta er kemur að fjölda verkfalla meðal flugumferðarstjóra í Evrópu.

LaudaMotion í viðræðum við Airbus og flugvélaleigur

20. júní 2018

|

Austurríska flugfélagið LaudaMotion á nú í viðræðum við Airbus vegna fyrirhugaðrar pöntunar í nýjar farþegaþotur en þá er félagið einnig að ræða við flugvélaleigur sem gætu orðið félaginu út um flugv

FedEx pantar 25 fraktþotur frá Boeing

20. júní 2018

|

Vöruflutningarisinn FedEx Express hefur pantað 24 fraktþotur frá Boeing af gerðinni Boeing 767-300ERF og Boeing 777F.

Stöðva allt fraktflug tímabundið vegna viðhaldsmála

19. júní 2018

|

Japanska fraktflugfélagið Nippon Cargo Airlines (NCA) ætlar að hætta öllu fraktflugi tímabundið af öryggisástæðum en flugfélagið telur að óviðeigandi smurolía hafi verið notuð við viðhald á einni af

Risaþota flaug inn í kviku af annarri risaþotu

19. júní 2018

|

Airbus A380 risaþota frá Qantas lenti í því á dögunum að taka snögga dýfu eftir að hafa flogið inn í vængendakviku af annarri risaþotu frá sama flugfélagi með tilheyrandi ókyrrð.

Fyrsta A350 með „wing-twist“ fer til Iberia

18. júní 2018

|

Spænska flugfélagið Iberia verður í næsta mánuði fyrsta flugfélagið til að fá Airbus A350 þotu afhenta með nýja „wing-twist“ vængnum.

Norwegian gerir samning við félag finnskra flugmanna

18. júní 2018

|

Norwegian hefur gert samning við félag finnskra atvinnuflugmanna (NPU FI) sem tryggir félaginu möguleika á því að ráða finnska flugmenn til starfa með auðveldari hætti.

Vara við sprungum í vænglingum á Boeing 767

17. júní 2018

|

Bandarísk flugmálayfirvöld (FAA) hafa sent út fyrirmæli þar sem flugrekstraraðilar eru beðnir um að framkvæma skoðun á vænglingum (winglets) á Boeing 767-300 breiðþotum og leita eftir mögulegum spru

EasyJet hefur mikinn áhuga á að fljúga um Heathrow

16. júní 2018

|

EasyJet hefur mikinn áhuga á því að hefja áætlunarflug um Heathrow-flugvöllinn í London en það myndi þó ekki gerast fyrr en eftir stækkun vallarins með þriðju flugbrautinni.

 síðustu atvik

  2018-01-01 19:24:00