flugfréttir
Boeing: „Airbus keypti köttinn í sekknum hjá Bombardier“
- Segja að Airbus muni fá samvinnuna við Bombardier í bakið
Boeing segir að Airbus hafi gert stór mistök við að kaupa CSeries-framleiðsluna af Bombardier
Boeing segir að Airbus hafi gert stór mistök með að fara í samvinnu við Bombardier með því að kaupa helmingshlut í framleiðslunni á CSeries-þotunni.
Þegar fjölmiðlar birtu fréttirnar í seinustu viku um að Airbus væri komið í samvinnu við Bombardier
þá var það látið líta út fyrir sem reiðarslag fyrir Boeing sem átti að hafa fengið í bakið tilraun
sína til að knésetja velgengni Bombardier með 300% refsitöllum í samráði við viðskiptaráðuneyti Bandaríkjanna.
Markaðsérfræðingar vilja meina að Airbus hafi gert mistök með því að hafa keypt sig inn í
framleiðsluna á CSeries-þotunni og gæti flugvélaframleiðandinn evrópski mögulega fengið það í bakið síðar.
Á vefsíðu Forbes.com er greint frá forsögu málsins sem má rekja til þess
þegar Bombardier var á barmi gjaldþrots árið 2015 en þá bauð framleiðandinn öðrum aðilum að kaupa hlut í Bombardier og þar á meðal Boeing og Airbus auk fjárfesta í Kína.
Boeing hafði ekki áhuga og Airbus ekki heldur á þeim tíma sem er ástæða þess að ríkisstjórnin
í Quebec greip inn í og setti milljarða inn í rekstur Bombardier til að halda framleiðslunni
áfram á CSeries-þotunum.
Fjármagnið frá Quebec-ríkis auk fjárhagsaðstoðar frá Ottawa gerði Bombardier kleift að halda
framleiðslunni áfram og koma sér frá gjaldþroti.
Þetta átti eftir að draga dilk á eftir sér þar sem Boeing varð mjög ósátt
með að ríkisstjórn Kanada væri að styðja svo mikið við framleiðsluna á CSeries-þotunni og
var ákveðið að setja á himinháa refsitolla á innflutning vélarinnar til Bandaríkjanna sem
myndi fjórfalda verð þotunnar fyrir bandaríska viðskiptavini.
Forsvarsmenn Bombardier og Airbus við undirskrifin á viðskiptunum
Þegar hafði komið í ljós að CSeries-verkefnið myndi ekki ganga nema að fá í það minnsta
ein stóra pöntun frá flugfélagi í Bandaríkjunum en nú hefur Delta Air Lines verið að endurskoða
málið með afhendingu á fyrstu þotunum vegna málsins með refsitollanna.
Boeing segir að aðkoma Airbus muni ekki breyta neinu með fyrirhugaða refsitolla þar
sem ríkisstjórn Donald Trumps er harðákveðin í að koma í veg fyrir að Bombardier nái að
reyna að eyðileggja bandarískan flugvélaiðnað líkt og Airbus hefur reynt að gera með því að koma
á fót verksmiðju á bandarískri grund í Alabama.
Ný CSeries-verksmiðja í Bandaríkjunum mun skaða flugvélaiðnaðinn í Kanada
Airbus hafði greint frá því að til stæði að reisa verksmiðju fyrir CSeries-þoturnar í Bandaríkjunum
og framleiða vélina á bandarískri grund til að sleppa við innflutningstollanna en sérfærðingar
segja að Airbus hafi ekki tekið með í reikningin þá staðreynt að enn á eftir að gefa leyfi
fyrir samvinnu Airbus og Bombardier.
Allt að ár getur liðið þar til samvinnan fær grænt ljós frá yfirvöldum og á meðan hafa
bandarísk stjórnvöld nægan tíma til að koma í veg fyrir fyrirhugaða framleiðslu á CSeries-þotunni
í Bandaríkjunum.
Fram kemur að margir yfirmenn hjá Boeing telji að það verði aldrei að veruleika að CSeries-þotan
verði framleidd í Bandaríkjunum með tilkomu samvinnu Bombardier við Airbus þar sem það
myndi fækka mikilvægum störfum í flugvélaiðnaði í Kanada sem kanadíska ríkið hefur ekki efni
á að fara á mis við og var það einnig ástæða þess að Bombardier kom sér í gjaldþrot árið 2015.
Litlu munaði að Bombardier yrði gjaldþrota vegna CSeries-verkefnisins árið 2015
Boeing sér fram á að sérstakir álagstollar munu hafa áhrif á CSeries-þotuna sem mun þá einnig
hafa áhrif á rekstur Airbus og verður ekki hægt að komast undan tollunum með nýrri verksmiðju
í Bandaríkjunum.
Þá mun Delta Air Lines ekki fá CSeries-þoturnar á eins hagstæðu verði og þeir sömdu um við
Bombardier og á meðan mun CSeries-þotan ekki heilla önnur bandarísk flugfélög á meðan
þar sem verðmiðinn verður töluvert hærri, hvort sem hún verður pöntuð í dag eða síðar.
Þá bendir Boeing á það að á næsta ári mun Alþjóðaviðskiptastofnunin (WTO) taka fyrir mál
Airbus er varðar ásakanir um ólögmæta styrki frá ríkisstjórnum landa innan Evrópusambandsins
og mun Airbus þurfa að kljást við það vandamál á sama tíma og Bombardier er að kljást við
háa refsitolla á CSeries-þotuna.
Boeing vill því meina að Airbus sé að kaupa sér enn meiri hausverk með því að hafa keypt
helminginn í framleiðslunni á flugvélinni sem Bombardier hefur þegar verið í basli með.
Boeing segir einnig undarlegt að Bombardier hafi verið tilbúið til að gefa upp á bátinn sitt
eigið hugvit til Airbus sem nánast fékk framleiðsluna frítt upp í hendurnar og bara það endurspegli
ástæðuna hvers vegna Boeing hafði ekki áhuga á CSeries á sínum tíma.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.