flugfréttir

Stytting hafin á flugbrautinni í Santa Monica

- Dómari lét ógilda tímabundið nálgunarbann á framkvæmdir borgarstjórnar

29. október 2017

|

Frétt skrifuð kl. 16:46

Frá flugvellinum í Santa Monica

Framkvæmdir eru hafnar við styttingu flubrautarinnar á flugvellinum í Santa Monica í Kaliforníu en mikill hiti hefur verið um flugvöllinn þar sem borgarstjóri Santa Monica hefur barist fyrir lokun vallarins.

Flugmenn, flugvallarsamfélagið og stuðningsmenn vallarins voru nýbúnir að fagna tímabundnu banni við framkvæmdum og hróflun flugvallarins en í seinustu viku úrskurðaði dómari bannið ógilt og dæmi borgarstjórninni í vil með því að heimila framkvæmdirnar.

Flugbrautin á Santa Monica flugvelli er tæplega 5.000 fet á lengd en hún verður stytt um 30% sem samsvarar 1.500 fetum og verður brautin því um 3.500 fet á lengd eftir styttinguna.

Með því munu einkaþotur og stærri vélar ekki geta lent í Santa Monica og verður starfsemi vallarins því eingöngu bundin við litlar flugvélar og þá aðallega eins hreyfils vélar.

Flugvöllurinn hefur verið lokaður frá 21:00 til 7:00 á morgnanna í seinustu viku á meðan fyrsti áfangi styttingarinnar stendur yfir en í næsta áfanga verður flugvellinum lokað í 10 daga samfleytt á meðan lokið verður við að stytta brautina.

Flugbrautin mun styttast um 1.500 fet eftir framkvæmdirnar

„Stytting brautarinnar þýðir að flug um völlinn mun skerðast verulega. Þetta mun hafa neikvæð áhrif á íbúa og viðskiptalífið á svæðinu, almannaflug og flugsamfélagið“, segir Stacy Howard, formaður samtaka viðskipta- og einkaþotuflugsins í Bandaríkjunum (NBAA).

Fyrirtæki í flugtengdum rekstri á svæðinu og flugsamtök á borð við AOPA og NBAA hafa unnið hart að því að finna leiðir til að halda flugvellinum opnum.

Fjölmargir einkaflugmenn eiga flugvélar á Santa Monica flugvelli

„Ákvörðun dómarans um að afnema tímabundna bannið opnar borgarstjóranum dyr til halda áfram með fyrirhugaðar framkvæmdir sínar en við höldum ótrauðir áfram við að nota lagalegan rétt okkar til að halda flugvellinum opnum áfram eins og við höfum gert í marga áratugi“, segir Alex Gertsen hjá NBAA.

Santa Monica og bandarísk flugmálayfirvöld (FAA) komust að niðurstöðu í janúar um styttingu brautarinnar með því skilyrði að flugvellinum verði lokað árið 2028.







  fréttir af handahófi

Bombardier afhendir fyrstu Global 7500 einkaþotuna

27. desember 2018

|

Bombardier afhenti á dögunum fyrsta eintakið af hinni nýju Bombardier Global 7500 einkaþotu við hátíðlega athöfn sem fram fór í Dorval í Quebec þann 20. desember síðastliðinn.

Piper kennsluflugvél nauðlenti á hraðbraut í San Diego

21. október 2018

|

Engan sakaði er eins hreyfils kennsluflugvél nauðlenti á hraðbraut nálægt El Cajon í útverfi San Diego í Kaliforníu í sl. föstudag en farþegi einn, í bíl sem var ekið fyrir aftan, náði myndbandi af le

Boeing gefur út tilmæli vegna skynjara á Boeing 737 MAX

7. nóvember 2018

|

Boeing hefur sent frá sér tilmæli til allra þeirra flugfélaga og flugrekstraraðila sem hafa Boeing 737 MAX þotuna í flota sínum í kjölfar flugslyssins í Indónesíu í síðustu viku.

  Nýjustu flugfréttirnar

AirBaltic stefnir á að stofna dótturfélag í öðru Evrópulandi

18. janúar 2019

|

AirBaltic stefnir á að stofna dótturfélag í öðru Evrópulandi og kemur til greina að færa allt að þrjátíu Airbus A220 þotur í flota þess félags eftir stofnun.

Boeing 777-200LR send í niðurrif í fyrsta sinn

18. janúar 2019

|

Á næstu dögum hefst niðurrif á fyrsta Boeing 777-200LR þotunni sem verður rifin í varahluti en -200LR tegundin er ein langdrægasta farþegaþota heims.

Ellefta veggspjaldið fjallar um skort á vitund

17. janúar 2019

|

Samgöngustofa hefur gefið út ellefta og næstsíðasta kynningarspjaldið í Dirty Dozen seríunni sem fjallar um nokkur atriði sem ber að hafa í huga er kemur að flugöryggi.

Keilir eignast Flugskóla Íslands

17. janúar 2019

|

Flugakademía Keilis hefur fest kaup á Flugskóla Íslands en skólarnir eru þeir stærstu á landinu er kemur að flugkennslu og þjálfun nemenda í flugtengdum greinum.

Antonov An-124 fer aftur í framleiðslu

16. janúar 2019

|

Flugvélaframleiðandinn Antonov hefur ákveðið að hefja aftur framleiðslu á flutningavélinni Antonov An-124 og það án aðstoðar frá Rússum en risavöruflutningavélin var upphaflega smíðuð á tímum Sovíetrí

Flybe selur afgreiðslupláss á Gatwick til Vueling

16. janúar 2019

|

Breska flugfélagið Flybe hefur selt nokkur afgreiðslupláss sín á Gatwick-flugvellinum í London til spænska lágfargjaldafélagsins Vueling.

Fyrsta beina leiguflugið til Cabo Verde með VITA

16. janúar 2019

|

Icelandair flaug sl. mánudag fyrsta beina leiguflugið frá Íslandi til Grænhöfðaeyja en flugið var á vegum ferðaskrifstofunnar VITA þar sem flogið er með Icelandair.

Herþotur til móts við Boeing 777 fraktþotu

16. janúar 2019

|

Herþotur frá indónesíska flughernum voru ræstar út til þess að fljúga til móts við Boeing 777 fraktþotu frá Ethiopian Cargo sem var gert að lenda hið snarasta á þeim forsendum að hún hefði ekki heimi

Atlantic Airways og KLM í samstarf

15. janúar 2019

|

Færeyska flugfélagið Atlantic Airways og hollenska flugfélagið KLM Royal Dutch Airlines hafa gert samkomulag um sameiginlega sölu á farmiðum og munu farþegar því geta flogið í leiðarkerfi beggja fél

Lögregla fær flugáhugamenn við Heathrow til liðs við sig

14. janúar 2019

|

Lögreglan í Bretlandi hefur sent frá sér tilkynningu þar sem þeir flugáhugamenn, sem leggja leið sína út á Heathrow-flugvöll til þess að horfa á og taka myndir af flugvélum, eru beðnir um að hafa au

 síðustu atvik

  2019-01-01 20:20:00