flugfréttir
Boeing fær formlega pöntun í tvær Air Force One júmbó-þotur
10. nóvember 2017
|
Frétt skrifuð kl. 07:37
Tölvugerð mynd af Boeing 747-8 í litum Air Force One
Boeing tilkynnti í gær að flugvélaframleiðandinn hafi fengið formlega pöntun frá ríkisstjórn Bandaríkjanna í tvær júmbó-þotur sem munu koma til með að verða forsetaflugvélar fyrir forseta landsins, betur þekktar sem Air Force One.
Bandaríski flugherinn fer fram á að vélarnar tvær verði tiltækar fyrir árið 2024 en forsetavélarnar
verða af gerðinni Boeing 747-8.
Ekki kemur fram hvert kaupverðið er en listaverð á einni Boeing 747-8 júmbó-þotu eru 386
milljónir bandaríkjadalir sem samsvarar 39 milljörðum króna.
Vélarnar verða sérstaklega innréttaðar fyrir forseta Bandaríkjanna eins og fyrri forsetavélar
og þar að auki verða þær útfærðar með sérstökum fjarskiptatækjum auk öryggisbúnaðar um borð
í samræmi við kröfur varnarmálaráðuneytisins.
Útfærsla á forsetavélinni mun auka kostnaðinn enn frekar og er því áætlað að kaupverðið
muni hlaupa á hundruðum milljörðum króna þrátt fyrir almennan afslátt á listaverði
á hefðbundinni júmbó-þotu.
Air Force One forsetavélin á flugvellinum í Peking í fyrradag
Bandaríski flugherinn tilkynnti í janúar 2015 að Boeing 747-8 yrði valin til að leysa af hólmi tvær Air Force One vélar fyrir forseta Bandaríkjanna en Airbus hafði reynt að bjóða Bandaríkjunum risaþotuna A380 en því tilboði var hafnað.
Boeing hefur ávallt orðið fyrir valinu þegar kemur að forsetavél frá árinu 1959 en báðar Air Force One vélarnar eru nú komnar til ára sinna og eru farnar að verða dýrar í rekstri en forseti Bandaríkjanna hefur tvær Air Force One vélar, SAM 28000 og SAM 29000 sem báðar eru af gerðinni Boeing VC-25 sem byggir á hönnun Boeing 747-200B.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
