flugfréttir
Textron kynnir nýja flugvél: Cessna SkyCourier
- FedEx pantar 50 eintök af fraktútgáfunni
29. nóvember 2017
|
Frétt skrifuð kl. 12:36
Tölvugerð mynd af Cessna SkyCourier
Textron Aviation, kynnti í gær Cessna 408 SkyCourier, sem er ný flugvél sem framleidd verður en um er að ræða tveggja hreyfla hævængja flugvél með skrúfuþotuhreyfli.
Vélin var kynnt til leiks ásamt yfirlýsingu um pöntun frá vöruflutningarisanum
FedEx sem hefur gert samning um kaup á 50 eintök af Cessna SkyCourier
með möguleika á 50 vélum til viðbótar.
Cessna SkyCourier verður bæði framleidd sem fraktflugvél og
farþegaflugvél en vélin mun geta tekið 19 farþega á meðan fraktútgáfan
getur flogið með um 2,7 tonn af frakt.
Cessna SkyCourier verður í sambærilegum flokki og Twin Otter og Dornier
Do 228 vélarnar en vélin mun leysa af hólmi eldri vélar í flota FedEx.
SkyCourier í litum FedEx
Vélin, sem er 16 metrar á lengd, getur flogið á 200 hnúta hraða og
hafa flugdrægi upp á allt að 1.667 kílómetra.
Hönnuð í samstarfi við FedEx
SkyCourier var hönnuð í samræði við FedEx sem kom að þróun vélarinnar og
mun vöruflutningafélagið nota vélina til að leysa af hólmi eldri fraktvélar
af gerðinni Cessna 208 Caravan og ATR 42-300F.
Vélin er sérstaklega hönnuð með einföldu aðgengi í huga fyrir
vörur og tekur vélin þrjá stóra fluggáma í staðlaðri stærð en
með stórri frakthurð og einföldu áfyllingarkerfi fyrir eldsneyti verður viðsnúningstími
mjög fljótur.
SkyCourier mun koma á markað árið 2020
Vélin kemur með föstum hjólabúnaði sem mun takmarka farflugshraða
vélarinnar en talið er að það, auk þess sem vélin er ekki
jafnþrýstibúin, gæti dregið úr áhuga meðal flugfélaga fyrir
farþegaútgáfunni.
Þar af leiðandi verður farþegavélin markaðsett fyrir þróunarlöndin
og einnig sem flugvél fyrir sérstakar flugferðir og fyrir verkflug.
SkyCourier mun koma á markað árið 2020
SkyCourier kemur með fjögurra blaða McCauley-skrúfuhreyflum frá Pratt & Whitney með Blackmac skrúfublöðum sem eru gerð úr áli.
Áætlað er að vélin fljúgi sitt fyrsta flug árið 2019 og er stefnt á að
FedEx fái fyrsta eintakið árið 2020.
FedEx fær fyrstu Cessna SkyCourier vélina afhenta árið 2020
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
