flugfréttir
Lufthansa þokast nær yfirtöku á Alitalia
14. desember 2017
|
Frétt skrifuð kl. 23:08
Lufthansa mun eiga viðræður um helgina við ríkisstjórn Ítalíu um yfirtöku á flugfélaginu Alitalia
Lufthansa er skrefi nær því að taka yfir rekstri ítalska ríkisflugfélagsins Alitalia en forsvarsmenn Lufthansa munu um helgina halda til fundar í Róm þar sem staðan vegna yfirtökunnar verður tekin fyrir.
Lufthansa kemur sterklegast til greina sem nýr eigandi að Alitalia eftir að ríkisstjórn Ítalíu
hafnaði yfirtökutilboði frá easyJet en yfirvöld á Ítalíu telja að framtíð Alitalia sé öryggust og best geymd í höndum Lufthansa.
Ekki er vitað hvort að Lufthansa muni taka yfir allan rekstur Alitalia eða einungis að hluta til en kaupverðið gæti numið allt að 37 milljörðum króna.
Lufthansa hefur gefið í skyn að félagið hafi einungis áhuga á flugrekstrinum en ekki þeim hluta
sem snýr að flugvallarþjónustu.
Aðalumræðumálið sem mun fara fram á fundi Lufthansa og Alitalia verða starfsmannamál
en flugfélagið þýska vill skera niður þann fjölda sem starfar hjá Alitalia í dag.
Lufthansa vill fækka starfsmönnum og flugvélum í flota Alitalia
Þá vill Lufthansa einnig draga saman flugflota Alitalia og fækka vélunum úr 115 niður í 90 og
leggja áherslu á að efla og styrkja langflugsrekstur félagsins frá Róm.
Samkvæmt ítölskum fjölmiðlum þá vill ríkisstjórn landsins ljúka yfirtökuferlinu fyrir lok
janúar eftir áramót, tveimur mánuðum áður en þingkosningarnar fara fram, en Lufthansa liggur
hinsvegar ekkert á hraða viðræðum og gæti frestað þeim þar til ný ríkisstjórn tekur við á Ítalíu.
Þá kemur fram að Lufthansa vill fækka starfmönnum Alitalia úr 8.000 starfsmönnum niður í 6 þúsund en ríkisstjórn Ítalíu vill helst ekki að starfsmannafjöldinn fari niður fyrir sjö þúsund starfsmenn.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
