flugfréttir
Þrír lykilmenn á förum frá Airbus
- Fabrice Brégier, Tom Enders og John Leahy allir á förum
Allir þrír lykilmenn Airbus munu fara frá félaginu á næstu 18 mánuðum
Óvissa ríkur um framtíð risaþotunnar Airbus A380 eftir þá stöðu sem upp hefur komið þar sem þrír helstu yfirmenn í stjórn Airbus eru allir á förum frá flugvélarisanum og munu stíga úr sætum sínum fyrir árið 2019.
Fyrir helgi var tilkynnt að Fabrige Brégier mun hætta sem rekstarstjóri
Airbus og framkvæmdarstjóri yfir farþegaþotudeild vegna þeirrar spennu sem upp hefur
komið innan stjórnarinnar.
Fram kemur að Bregier hafi sagt af sér í kjölfar deilna er varðar
Tom Enders, framkvæmarstjóri Airbus, sem einnig er á förum en Enders
mun yfirgefa Airbus árið 2019.
Ofan á þetta þá mun John Leahy, sölustjóri Airbus, láta af störfum
eftir áramót en hann hefur verið öflugasti sölumaður á farþegaþotum innan herbúða
Airbus en flugvélarisinn evrópski má þakka honum fyrir fjölda pantanna sem framleiðandinn hefur
fengið inn á borð til sín síðastliðin ár.
Guillaume Faury, yfirmaður Airbus Helicopters, mun taka við stöðu hins 56 ára Fabrice
Brégier en ekki búið að finna staðgengil fyrir Tom Enders.
Frá vinstri: John Leahy, sölustjóri Airbus, Tom Enders, framkvæmdarstjóri Airbus, og Fabrice Brégier, forstjóri yfir farþegaþotudeild Airbus
Deilurnar milli Brégier og Enders hafa staðið yfir í nokkra mánuði en Brégier
hafði aðra sýn á því hvernig haga ætti sölu á farþegaþotum innan Airbus og hafði
hann sótt um stuðning við sínum málstað frá frönsku ríkisstjórninni en án
árangurs.
Í framhaldi af því tilkynnti Tom Enders í seinustu viku að hann óskaði
ekki eftir endurkjöri fyrir næsta tímabil í stjórn Airbus og mun hann
því láta af störfum í apríl árið 2019.
Emirates hefur óskað eftir því að Airbus geti sýnt fram á að þeir geti tryggt það
að framleiðslan á Airbus A380 geti haldið áfram þar sem flugfélagið
þarf á fleiri risaþotum á að halda.
John Leahy ætlaði sér að ná inn stórri pöntun frá Emirates á flugsýningunni
í Dubai í nóvember en viðræður
milli Airbus og Emirates fóru út um þúfur á síðustu stundu þar sem Emirates fékk
ekki nógu skýr svör við þeirri spurningu hvort að öruggt væri að Airbus A380 verði framleidd
næstu 10 árin.
Brégier segir að Airbus sé að reyna að koma upp með lausn með ásættanlegan
framleiðsluhraða fyrir risaþotuna en A380 er einn helsti vinnuhestur Emirates.
Brégier tilkynnti fyrr í þessum mánuði að svo gæti farið að framleiðsluhraðinn á risaþotunni
verði lækkaður niður í sex eintök á ári en Airbus þarf að framleiða í það minnsta 20 risaþotur
árlega til að koma út á sléttu og án þess að borga með framleiðslunni.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.