flugfréttir

Júmbó-þotan heyrir sögunni til í bandarísku farþegaflugi

- Síðasta flugið með Boeing 747 var flug Delta frá Seoul til Detroit

20. desember 2017

|

Frétt skrifuð kl. 12:44

Eftir áætlunarflug Delta í gær frá Seoul til Detroit þá er ekkert bandarískt flugfélag sem flýgur lengur júmbó-þotunni

Júmbó-þotan heyrir nú sögunni til í farþegaflugi meðal flugfélaga í Bandaríkjunum eftir að Delta Air Lines flaug í gær sitt síðasta áætlunarflug með Boeing 747.

Í dag er ekkert bandarískt flugfélag sem flýgur farþegaflug með þessari flugvélategund sem oft hefur verið kölluð „drottning háloftanna“.

Boeing 747 þjónaði bandarískum farþegum í tæpa hálfa öld eða í næstum 48 ár en það var þann 15. janúar árið 1970 sem Pat Nixon, forsetafrú, gaf fyrstu Boeing 747 þotu Pan Am nafnið „Clipper Young America“ á Dulles-flugvellinum í Washington.

Flugstjórinn Steven Blair Roddy stillir sér upp fyrir
myndatöku á flugvellinum í Seoul fyrir síðasta Boeing
747 flug Delta Air Lines

Vélin flaug fyrsta júmbóþotuflug sögunnar með farþega þann 22. janúar frá New York til London.

Síðasta áætlunarflug Delta Air Lines með Boeing 747 lenti í gær klukkan 17:41 að íslenskum tíma í Detroit eftir 11:26 klukkustunda flug frá Seoul í Suður-Kóreu en í dag tók Airbus A350-900 þotan við keflinu og mun fljúga þessa flugleið héðan í frá.

Delta Air Lines hefur fjórar Boeing 747-400 þotur eftir í flotanum ein ein þeirra hefur frá því á mánudag flogið nokkrar sérstakar kveðjuflugferðir með starfsfólk og boðsgesti frá Detroit til Seattle, til Atlanta og því næst verður í dag flogið til Los Angeles og til Minneapolis.

Þótt að Delta Air Lines hafi verið síðasta bandaríska flugfélagið til að fljúga júmbó-þotunni þá var United Airlines með Boeing 747 lengst í flota sínum en félagið flaug sitt síðasta flug með Boeing 747 í nóvember.

Delta pantaði júmbó-þotuna eins og flest önnur bandarísk flugfélög árið 1967 þegar byrjað var að taka við pöntunum og pantaði félagið upphaflega fyrst aðeins þrjár Boeing 747-100 þotur en fleiri voru pantaðar ári síðar.

Fyrsta júmbó-þotan sem Delta Air Lines fékk afhenta árið 1970

Fyrsta júmbó-þotan var afhent Detla þann 7. október árið 1970 og þann 25. október var fyrsta farþegaflug Delta með júmbó-þotunni flogið frá Los Angeles til Dallas.

Delta komst fljótlega að því að júmbó-þotan var hreinlega of stór fyrir félagið og var henni skipt út fyrir Lockheed TriStar þotuna þremur árum síðar sem þótti henta betur fyrir félagið.

Júmbó-þotan þjónaði mörgum bandarískum flugfélögum í gegnum tæpa hálfa öld

Delta hafði fimm Boeing 747-100 þotur þegar mest var og skilaði félagið þeim til Boeing árið 1974 en sú sem var lengst í flotanum flaug til ársins 1977.

Delta Air Lines tók aftur upp júmbóþotuflug eftir að félagið sameinaðist rekstri Northwest Airlines árið 2009 sem hafði flogið júmbó-þotunum viðstöðulaust frá því það félag fékk sína fyrstu Boeing 747 afhenta árið 1970.

Júmbó-þotan sem flaug í gær síðasta farþegaflugið fyrir Delta var afhent ný til Northwest árið 1989 en Delta tók við sextán Boeing 747-400 þotum frá Northwest Airlines árið 2009 en byrjaði að losa sig við þær árið 2014.







  fréttir af handahófi

Reyndi að ræna farþegaþotu vopnaður penna

15. apríl 2018

|

Farþegi í innanlandsflugi í Kína með Air China gerði tilraun til flugráns er hann tók flugfreyju og hélt henni í gíslingu með penna að vopni sem hann bar að hálsi hennar.

Singapore-flugvöllur valinn sá besti í heimi sjötta árið í röð

22. mars 2018

|

Changi-flugvöllurinn í Singapore hefur verið valinn besti flugvöllur í heimi, sjötta árið í röð, af fyrirtækinu Skytrax en verðlaunin voru afhent við hátíðlega athöfn í gær á Passenger Terminal Expo

AirBaltic stefnir á að ráða allt að 100 nýja flugmenn

29. janúar 2018

|

AirBaltic ætlar sér að ráða allt að 100 nýja flugmenn á næstunni og verða ráðningarkynningar haldnar á næstunni í nokkrum evrópskum borgum á borð við Helsinki, Vilnius, Amsterdam og í Stokkhólmi.

  Nýjustu flugfréttirnar

Icelandair Group íhugar kaup á flugfélagi á Asóreyjum

20. apríl 2018

|

Svo gæti farið að Loftleiðir-Icelandic, dótturfélag Icelandair Group, muni eignast helmingshlut í flugfélaginu Azores Airlines á Asóreyjum.

JPMorgan-bankinn undirbýr tilboð í Norwegian fyrir IAG

20. apríl 2018

|

IAG, móðurfélag British Airways, hefur falið bandaríska bankanum JPMorgan til þess að undirbúa tilboð í norska flugfélagið Norwegian.

United kaupir 20 notaðar Airbus A319 þotur

20. apríl 2018

|

United Airlines hefur undirritað samning um kaup á tuttugu notuðum farþegaþotum af gerðinni Airbus A319.

Orsök flugslyss: Flugmenn slepptu tékklista fyrir flugtak

20. apríl 2018

|

Flugmálayfirvöld í Rússlandi telja að flugmenn Antonov An-148 farþegaþotunnar frá Saratov Airlines, sem fórst skömmu eftir flugtak frá Domodedovo-flugvellinum í Moskvu þann 11. febrúar á þessu ári, h

Tuttugu börn og fjölskyldur þeirra fá ferðastyrk Vildarbarna

19. apríl 2018

|

20 börn og fjölskyldum þeirra, samtals um eitt hundrað manns, var afhentur ferðastyrkur úr sjóðnum Vildarbörn Icelandair í dag. Alls hafa 625 fjölskyldur notið stuðnings frá sjóðnum frá stofnun hans f

Málmþreyta talin orsök sprengingar í hreyfli

18. apríl 2018

|

Talið er að málmþreyta í hreyflablaði hafi orsakað sprengingu í CFM56 hreyfli á Boeing 737-700 þotu Southwest Airlines í gær er þotan var í 32.500 fetum yfir Pennsylvaníu á leið frá New York til Dal

Widerøe íhugar að panta minni Embraer-þotu

18. apríl 2018

|

Norska flugfélagið Widerøe segir að verið sé að skoða möguleika á að panta minni útgáfur af E2-þotunni frá Embraer.

Avinor vill ekki malbika alla flugbrautina í Røros

17. apríl 2018

|

Flugrekstaraðilar í miðhluta Noregs hafa áhyggjur af sparnaðaraðgerðum norska flugumferðarþjónustufyrirtækisins Avinor sem ætlar sér ekki að endurnýja alla flugbrautina á flugvellinum í bænum Røros.

Takmarkanir á Trent 1000 mun gera flugfélögum erfitt fyrir

17. apríl 2018

|

Takmarkanir hafa verið settar á notkun Trent 1000 hreyfilsins frá Rolls-Royce og hafa flugmálayfirvöld farið fram á tíðari skoðanir á hreyflinum.

Hreyfill sprakk á þotu frá Southwest í 31.000 fetum

17. apríl 2018

|

Að minnsta kosti einn farþegi er slasaður eftir að sprenging kom upp í hreyfli á farþegaþotu frá Southwest Airlines af gerðinni Boeing 737-700 sem var í innanlandsflugi í dag í Bandaríkjunum.