flugfréttir

Boeing-þota snéri við vegna lítils fugls í stjórnklefanum

- Flugmennirnir heyrðu fuglatíst skömmu eftir flugtak

1. janúar 2018

|

Frétt skrifuð kl. 21:34

Leitað var hátt og lágt að fuglinum á flugvellinum í Detroit og fannst hann loksins

Farþegaþota frá Delta Air Lines af gerðinni Boeing 717 þurfti að snúa við á dögunum til Detroit eftir að upp komst um lítinn laumufarþega í stjórnklefa vélarinnar sem reyndist vera fugl.

Í yfirlýsingu frá Delta kemur fram að vélin hafi verið komin í loftið áleiðis til Atlanta sl. laugardag þegar flugmenn vélarinnar komu auga á fuglinn og hafi þeir ákveðið að snúa við.

Fuglsins var fyrst vart fyrir brottför en starfsfólk á flugvellinum var kallað út um borð í vélina til að reyna handsama hann en fuglinn fannst ekki og var á endanum talið að hann hefði flogið út úr vélinni og væri ekki þar lengur.

Flugstjórinn hafði ávarpað farþega í kallkerfið og sagt í gríni að ef þeir myndu heyra fuglatíst í stjórnklefanum á leiðinni þá þyrftu þeir að snúa við til Detroit og bað farþega að búa sig undir það.

Vélin var ekki búin að vera lengi í loftinu þegar flugmennirnir heyrðu fuglatíst einhverstaðar í klefanum og var því ákveðið að snúa við og lenti vélin aftur í Detroit skömmu síðar.

Talið er að fuglinn hafi flogið inn í vélina á flugvellinum á sama tíma og farþegar voru að fara um borð.

Fram kemur að flugstjórinn hafi ákveðið að snúa við til að fyrirbyggja að fuglinn myndi hafa truflandi áhrif á störf þeirra í stjórnklefanum sem gæti skapað hættu.

Eftir að vélin lenti tókst áhöfninni, með aðstoð frá starfsfólki flugvallarins, að handsama fuglinn og koma honum frá borði.

Fuglinn flaug því næst frelsinu feginn út í loftið og það sama má segja um flugvélina sem tók sér þó aðeins lengri undirbúningstíma fyrir flugtak.







  fréttir af handahófi

Rann út af í lendingu og steyptist niður kletta við sjóinn

14. janúar 2018

|

Mikil mildi þykir að ekki urðu alvarleg slys á fólki er farþegaþota af gerðinni Boeing 737-800 frá tyrkneska flugfélaginu Pegasus Airlines rann út af braut í lendingu í Tyrklandi í gærkvöldi en véli

Ólíklegt að Brandenburg-flugvöllur opni fyrir árið 2021

23. nóvember 2017

|

Svo gæti farið að Brandenburg-flugvöllurinn í Berlín muni ekki opna fyrr en eftir 4 ár eða árið 2021.

BA stefnir á að taka aftur á leigu þotur frá Qatar Airways

7. janúar 2018

|

British Airways ætlar sér að taka aftur á leigu Airbus A320 þotur frá Qatar Airways en vélarnar verða teknar á blautleigu sem þýðir að þær verða leigðar með áhöfnum.

  Nýjustu flugfréttirnar

EasyJet tekur á leigu tvær fjögurra hreyfla BAe 146 þotur

16. janúar 2018

|

EasyJet hefur tekið á leigu tvær farþegaþotu af gerðinni British Aerospace 146 en vélarnar er teknar á leigu frá þýska flugfélaginu WDL Aviation sem mun sjá um flugreksturinn fyrir hönd easyJet.

Stefnir í lokun á flugvöllum - Innanlandsflugið á þolmörkum

16. janúar 2018

|

Það var þéttsetið á morgunfundi Isavia í morgun þar sem framtíð innanlandsflugsins var rædd en gerð var grein fyrir þeirri stöðu sem blasir við rekstri flugvalla landsins.

Arlanda-flugvöllur tekur í notkun hlið fyrir risaþotur

15. janúar 2018

|

Arlanda-flugvöllurinn í Stokkhólmi er nú tilbúinn til að taka við risaþotunni Airbus A380.

3 milljónir bókuðu flug með Ryanair í síðustu viku

15. janúar 2018

|

Ryanair tilkynni í dag að lágfargjaldafélagið hafi sett bókunarmet en aldrei áður hafa eins margir farþegar bókað flug á einni viku í sögu félagsins.

Kýr á flugbraut olli röskun á Indlandi

15. janúar 2018

|

Kýr, sem hafði komist inn á flugvallarsvæðið á flugvellinum í borginni Ahmedabad á Indlandi, olli töluverðri röskun á flugi í seinustu viku.

Interjet rífur niður 4 ára gamlar Sukhoi Superjet 100 þotur

15. janúar 2018

|

Mexíkóska flugfélagið Interjet er farið að rífa niður nýjar Sukhoi Superjet 100 þotur til að fá varahluti til að halda öðrum Sukhoi-þotum í umferð.

Skipt verður um hreyfla á öllum Boeing 787 þotum Norwegian

15. janúar 2018

|

Norwegian ætlar að skipta um hreyflategund á öllum þeim þrettán Dreamliner-þotum sem félagið hefur fengið afhentar vegna vandamála með Trent 1000 hreyfilinn frá Rolls-Royce auk átta Dreamliner-þotna t

Rúmlega 200 atvinnuflugmenn hafa útskrifast frá Keili

14. janúar 2018

|

Flugakademía Keilis útskrifaði 28 atvinnuflugnema við hátíðlega athöfn þann 12. janúar síðastliðinn en þetta var í átjánda skiptið sem Keilir brautskráir nemendur úr atvinnuflugnámi skólans og hafa þá

Rann út af í lendingu og steyptist niður kletta við sjóinn

14. janúar 2018

|

Mikil mildi þykir að ekki urðu alvarleg slys á fólki er farþegaþota af gerðinni Boeing 737-800 frá tyrkneska flugfélaginu Pegasus Airlines rann út af braut í lendingu í Tyrklandi í gærkvöldi en véli

Eitt flugrekstarleyfi fyrir Alaska Airlines og Virgin America

13. janúar 2018

|

Bandarísk flugmálayfirvöld (FAA) hafa gefið út sameiginlegt flugrekstarleyfi fyrir Alaska Airlines og Virgin America í kjölfar samruna félaganna tveggja.

 síðustu atvik

  2018-01-01 19:24:00