flugfréttir

Brúðkaup um borð á leið í flugvélakirkjugarðinn

- Söknuður og gleði í síðasta Boeing 747 fluginu í Ameríku

4. janúar 2018

|

Frétt skrifuð kl. 20:28

Margir starfsmenn Delta Air Lines sjá á eftir júmbó-þotunni sem flaug sérstakt kveðjuflug sl. þriðjudag

Síðasta júmbó-þotan í bandarísku farþegaflugi flaug sitt allra síðasta flug þann 2. janúar sl. til flugvélakirkjugarðsins Pinal Airpark í Arizona.

48 farþegar voru um borð í þessari sögulegu flugferð sem markar endalokin að júmbóþotuflugi í Bandaríkjunum eftir 48 ára flugsögu.

Flug DL9771 var síðasta flugið og var það flogið frá Atlanta til Pinal Airpark flugvallarins í Arizona en um borð voru 48 farþegar sem flestir eru starfsmenn og yfirmenn Delta Air Lines.

Delta flaug síðasta farþegaflugið í áætlunarflugi með júmbó-þotunni þann 19. desember sl. sem var flogið frá Seoul til Detroit en síðan þá er ekki lengur hægt að bóka flug hjá bandarísku flugfélagið með Boeing 747.

Flug DL9771 lendir í Pinal Airpark eftir síðasta flugið frá Atlanta

Delta Air Lines notaði seinustu júmbó-þotuna eftir það í nokkur sérstök leiguflug í lok desember þar sem íþróttaliðum var flogið á leik en annan daginn á nýju ári var komið að endalokunum.

Á meðan á fluginu stóð til Arizona þá notuðu farþegar tækifærið og vottuðu júmbó-þotunni virðingu sína með því að skrifa kveðjuorð með tússpenna innan á veggjaklæðningar vélarinnar í farþegarýminu auk þess sem áhöfnin skrifaði nöfn sín utan á vélina.

Tíminn var nýttur vel í hinu fjögurra tíma flugi frá Atlanta þar sem ein hjón, sem voru um borð og starfa bæði hjá Delta sem flugfreyja og flugstjóri, gengu í það heilaga og orðtakið „walking down the aisle“ fékk nýja merkingu en þau kynntust um borð í júmbó-þotunni fyrir níu árum síðan.

Flugfreyjan Holly Pick og flugstjórinn Gene Peterson giftu sig um borð í fluginu

Þá voru margir um borð sem tengjast júmbó-þotunni sterkum böndum og þar á meðal flugfreyjan Nancy Cobb sem hefur starfað um borð í Boeing 747 frá því hún hóf störf hjá Northwest Airlines árið 1985.

„Ég hef eytt allri ævinni um borð í þessum þotum“, segir Nancy sem kveður júmbó-þotuna með söknuði og segir það ekki auðvelt að verða vitni að endalokum Boeing 747 en fagnar samt sem áður komu Airbus A350 sem tekur við keflinu af drottningu háloftanna hjá Delta Air Lines.

„Að fljúga Boeing 747 er besta starf sem flugmaður getur fengið í heiminum í fluginu. Að mati flugmanna þá er engin flugvél sem getur komist með tærnar þar sem hún hafði hælana“, segir Stephen Hanlon flugstjóri sem hefur flogið júmbó-þotunni í 18 ár.

Fleiri myndir:













































  fréttir af handahófi

Icelandair hættir við kaup á WOW air

29. nóvember 2018

|

Icelandair hefur hætt við fyrirhuguð kaup á flugfélaginu WOW air en þann 5. nóvember sl. tilkynntu félögin tvö um kaupsamning Icelandair Group á félaginu.

Virgin gæti eignast Flybe

23. nóvember 2018

|

Svo gæti farið að Virgin Atlantic muni eignast breska lágfargjaldaflugfélagið flybe en Virgin á nú í viðræðum um yfirtöku á félaginu.

Etihad segir upp 50 flugmönnum

11. janúar 2019

|

Etihad Airways hefur tilkynnt um töluverðan niðurskurð í rekstri félagsins og verður 50 flugmönnum sagt upp auk þess sem félagið ætlar að hætta við pöntun sína í Airbus A320neo þoturnar.

  Nýjustu flugfréttirnar

Ellefta veggspjaldið fjallar um skort á vitund

17. janúar 2019

|

Samgöngustofa hefur gefið út ellefta og næstsíðasta kynningarspjaldið í Dirty Dozen seríunni sem fjallar um nokkur atriði sem ber að hafa í huga er kemur að flugöryggi.

Keilir eignast Flugskóla Íslands

17. janúar 2019

|

Flugakademía Keilis hefur fest kaup á Flugskóla Íslands en skólarnir eru þeir stærstu á landinu er kemur að flugkennslu og þjálfun nemenda í flugtengdum greinum.

Antonov An-124 fer aftur í framleiðslu

16. janúar 2019

|

Flugvélaframleiðandinn Antonov hefur ákveðið að hefja aftur framleiðslu á flutningavélinni Antonov An-124 og það án aðstoðar frá Rússum en risavöruflutningavélin var upphaflega smíðuð á tímum Sovíetrí

Flybe selur afgreiðslupláss á Gatwick til Vueling

16. janúar 2019

|

Breska flugfélagið Flybe hefur selt nokkur afgreiðslupláss sín á Gatwick-flugvellinum í London til spænska lágfargjaldafélagsins Vueling.

Fyrsta beina leiguflugið til Cabo Verde með VITA

16. janúar 2019

|

Icelandair flaug sl. mánudag fyrsta beina leiguflugið frá Íslandi til Grænhöfðaeyja en flugið var á vegum ferðaskrifstofunnar VITA þar sem flogið er með Icelandair.

Herþotur til móts við Boeing 777 fraktþotu

16. janúar 2019

|

Herþotur frá indónesíska flughernum voru ræstar út til þess að fljúga til móts við Boeing 777 fraktþotu frá Ethiopian Cargo sem var gert að lenda hið snarasta á þeim forsendum að hún hefði ekki heimi

Atlantic Airways og KLM í samstarf

15. janúar 2019

|

Færeyska flugfélagið Atlantic Airways og hollenska flugfélagið KLM Royal Dutch Airlines hafa gert samkomulag um sameiginlega sölu á farmiðum og munu farþegar því geta flogið í leiðarkerfi beggja fél

Lögregla fær flugáhugamenn við Heathrow til liðs við sig

14. janúar 2019

|

Lögreglan í Bretlandi hefur sent frá sér tilkynningu þar sem þeir flugáhugamenn, sem leggja leið sína út á Heathrow-flugvöll til þess að horfa á og taka myndir af flugvélum, eru beðnir um að hafa au

Aftur náðu farþegar að bóka ódýrt flug á fyrsta farrými

13. janúar 2019

|

Aftur hefur komið upp villa í bókunarkerfi hjá flugfélaginu Cathay Pacific sem gaf farþegum kost á því að bóka flug á fyrsta farrými á brunaútsöluverði en aðeins eru tvær vikur frá því að nokkrum fa

Þrýsta á stjórnvöld og Boeing um að hefja nýja leit að MH370

12. janúar 2019

|

Ættingjar og aðstandendur þeirra farþega sem voru um borð í malasísku farþegaþotunni, flugi MH370, hafa sett pressu á ríkisstjórn Malasíu um að hefja nýja leit að flugvélinni sem hvarf sporlaust þann

 síðustu atvik

  2019-01-01 20:20:00