flugfréttir

Endalok Airbus A380 veltur á nýrri pöntun frá Emirates

- Sagt að Airbus sé tilbúið að leggja drög að því að hætta framleiðslunni

5. janúar 2018

|

Frétt skrifuð kl. 08:32

Risaþotan Airbus A380 í aðflugi að London Heathrow þann 27. desember síðastliðinn

Samkvæmt þremur heimildarmönnum, sem kunnugir eru innan herbúða Airbus og koma ekki fram undir nafni, þá er Airbus í starholunum með að hætta framleiðslu á risaþotunni A380 ef Emirates ákveður að leggja ekki inn nýja pöntun í risaþotuna.

Um er að ræða þá pöntun sem beðið var eftir frá Emirates á flugsýningunni í Dubai í nóvember fyrir áramót en viðræður höfðu staðið yfir um kaupin en án árangurs.

Emirates er stærsti viðskiptavinur Airbus er kemur að risaþotunni en svo virðist sem að framtíð Airbus A380 velti á ákvörðun Emirates.

Nokkur pattstaða virðist ríkja um málið þar sem Airbus á erfitt með að tryggja áframhaldandi framleiðslu á Airbus A380 nema fá tryggingu fyrir pöntun frá Emirates á sama tíma og Emirates á erfitt með að panta fleiri risaþotur nema Airbus geti tryggt það að A380 verði framleidd áfram í að minnsta kosti 10 ár.

Í dag eru 13 flugfélög sem hafa alls 217 Airbus A380 risaþotur í flota sínum en 10 þeirra flugfélaga eru að finna í Asíu og í Miðausturlöndum og aðeins þrjú flugfélög í Evrópu. Þá má geta þess að ekkert bandarískt flugfélag hefur pantað Airbus A380.

Airbus A380 í samsetningu í verksmiðjum Airbus í Toulouse

„Ef engin pöntun kemur frá Emirates þá mun Airbus hefja það ferli að leggja drög að því að stöðva framleiðslulínuna“, segir einn aðili í viðtali við Reuters-fréttastofuna.

Þá kemur fram að þrátt fyrir að búið sé að verja milljörðum í endurbætur á farrými og innréttingum á risaþotunni þá hefur eftirspurnin eftir A380 ekki aukist og enn er engin eftirspurn eftir notuðum risaþotum.

Flugsérfræðingur einn segir að það myndi frekar borga sig fyrir Airbus að einblína á þær þotur sem eru að skila framleiðandanum hagnaði en Airbus hefur hætt við fyrirhugaðar fjárfestingar í uppfærslu á risaþotunni sem hefði hlaupið á yfir 2 þúsund og fimmhundruð milljörðum króna.

Samt sem áður þá á Airbus eftir að smíða yfir 100 eintök af risaþotunni en aðeins þrjú flugfélög eiga von á fleiri risaþotum sem eru Singapore Airlines, Emirates og Qatar Airways.







  fréttir af handahófi

Norwegian orðið stærra en BA í flugi til New York

9. október 2018

|

Norska flugfélagið Norwegian er orðið stærsta flugfélagið sem flýgur yfir Atlantshafið til New York ef bandarísk flugfélög eru ekki talin með og flytur félagið því fleiri farþega til New York heldur

Hótuðu að hætta að útvega Air India eldsneyti vegna skulda

10. október 2018

|

Air India náði að koma sér hjá verulegum vandræðum eftir að nokkur olíufyrirtæki hótuðu því að hætta að verða Air India út um eldsneyti vegna skulda.

Þotan ein af þeim 240 þotum sem Lion Air pantaði

29. október 2018

|

Boeing 737 MAX 8 þotan sem fórst í Jövuhaf skömmu eftir flugtak frá Soekarno-Hatta flugvellinum í Jakarta í nótt var ein af þeim 240 þotum sem indónesíska lágfargaldafélagið pantaði fyrir sjö árum sí

  Nýjustu flugfréttirnar

Fyrsta risaþotan hjá Lufthansa máluð í nýju litunum

12. desember 2018

|

Nýlega var lokið við að mála fyrstu Airbus A380 þotuna í nýjum litum Lufthansa en það var þotan D-AIMD sem var fyrsta risaþotan a þeim fjórtán sem máluð var.

Flaug síðasta flugið sitt í bleikum búning

11. desember 2018

|

Eitt sinn skulu allir atvinnuflugmenn setja hattinn í hilluna og í flestum löndum er það þegar flugmenn ná 65 ára aldri.

Reyndi að laga rifu á glugga í umferðarhring en brotlenti

11. desember 2018

|

Samgönguöryggisnefnd Bandaríkjanna hefur komist að þeirri niðurstöðu að óviðeigandi og ótímabær viðbrögð flugmanns við rifu á glugga á neyðarútgang eftir að farþegar hans kvörtuðu yfir kulda um borð

Fækka þotum til að koma í veg fyrir lögsókn frá flugvélaleigu

11. desember 2018

|

Flugfélagið Avianca Brazil neyðist til þess að fækka flugvélunum í flotanum með því að losa sig við átta flugvélar og skila þeim til baka til flugvélaleigu sem á vélarnar til að komast hjá lögsókn.

Norwegian Air Sweden hefur starfsemi sína

9. desember 2018

|

Norwegian Air Sweden hefur flogið sitt fyrsta áætlunarflug en félagið er dótturfélag Norwegian sem mun fljúga til og frá Svíðþjóð.

Hófu flugtak 400 metrum frá brautarenda á Gatwick

7. desember 2018

|

Flugmálayfirvöld í Bretlandi rannsaka nú atvik eftir að Dreamliner-þota af gerðinni Boeing 787-9 frá Norwegian notaði of stutta flugbraut í flugtaki á Gatwick-flugvellinum í London.

Skimun fyrir umsækjendur í atvinnuflugmannsnám hjá Keili

6. desember 2018

|

Flugakademía Keilir hefur innleitt skimun í tengslum við atvinnuflugmannsnám á vegum skólans fyrir næsta vor en umsækjendur þurfa að þreyta sérstakt rafrænt hæfnispróf.

280.000 farþegar með Icelandair í nóvember

6. desember 2018

|

Um 280.000 farþegar flugu með Icelandair í nóvember sl. sem er fjölgun upp á 12 prósent ef miðað er við nóvember árið 2017 þegar 249.000 farþegar flugu með félaginu.

WOW air flýgur jómfrúarflugið til Nýju-Delí á Indlandi

6. desember 2018

|

WOW air flaug í dag sitt fyrsta áætlunarflug til Nýju-Delí á Indlandi en aldrei áður hefur íslenskt flugfélag flogið áætlunarflug til Asíu og þá er um að ræða lengsta farþegaflug í íslenskri flugsög

Tíunda veggspjaldið fjallar um álag og streitu

6. desember 2018

|

Samgöngustofa hefur gefið út tíunda veggspjaldið af tólf í Dirty Dozen röðinni en að þessu sinni er fjallað um álag og viðbrögðum við streitu sem geta skert flugöryggi.