flugfréttir
Tvær Boeing 767 breiðþotur lentu á Akureyri í morgun
- Gátu ekki lent í Keflavík vegna brautarskilyrða
7. janúar 2018
|
Frétt skrifuð kl. 14:53
Báðar vélarnar voru að koma frá Ameríku í morgun þegar ákveðið var að halda til Akureyrar vegna snjókomu á Keflavíkurflugvelli
Tvær Boeing 767 breiðþotur frá Icelandair þurftu frá að hverfa og lenda á Akureyri eldsnemma í morgun vegna veðurs í Keflavík og slæmrar brautarskilyrða en báðar vélarnar voru að koma úr Ameríkuflugi.
Mikil snjókoma var í morgun og var mikið fannfergi sem kyngdi niður sem skapaði mikið
álag fyrir snjómokstursbílana við ryðja brauturnar.
„Það voru 6 til 7 vélar sem hringsóluðu í um hálftíma og tvær sem fóru beint til Akureyrar“, segir Guðjón Helgason, upplýsingafulltrúi Isavia í samtali við Alltumflug.is.
Náðu ekki að ryðja þá breidd sem Boeing 767 þarf vegna snjókomu
Snjókoman var hinsvegar það mikil að ekki náðist að ryðja nægilega mikla breidd á brautinni fyrir breiðþotur á borð við
Boeing 767 sem er ástæða þess að þær voru einu vélarnar sem þurftu að fara til Akureyrar á meðan aðrar náðu að lenda.
Bremsuskilyrðin sjálf voru hinsvegar fín en erfiðlegar gekk að halda brautunum auðum þar sem það snjóaði mikið strax ofan í það sem búið var að ryðja.
Fyrri vélin (TF-ISW) var flug sem var að koma frá Seattle en um kl. 6:15, þegar vélin var í aðflugi að Keflavíkurflugvelli, hækkaði
hún flugið og hélt norður yfir heiðar og lenti á Akureyrarflugvelli kl. 6:50.
Önnur Boeing 767 breiðþota Icelandair á Akureyrarflugvelli
Skömmu síðar fetaði TF-ISP, sem var að koma frá Boston, í fótspor Seattle-vélarinnar, en sú vél hafði þegar hringsólað í um 20 mínútur vestur af Keflavíkurflugvelli áður en hún flaug norður og lenti á Akureyri rúmum 15 mínútum síðar.
Seattle-vélin fór síðan í loftið frá Akureyri kl. 9:00 og Boston-vélin klukkan 10:32 og er önnur þeirra þegar farin áfram í næsta
flug til Kaupmannahafnar og meðan hin fer til Amsterdam á eftir.
Hér að neðan má sjá skemmtilegar myndir af vélunum á Akureyrarflugvelli í morgun en það er ekki á hverjum degi
sem breiðþotur lenda fyrir norðan.
Myndir: Isavia - Akureyri International Airport
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
