flugfréttir
Fyrsta lágfargjaldafélag Argentínu hefur starfsemi sína
- Flybondi mun mæta Norwegian í sumar og fleiri nýjum flugfélögum
5. febrúar 2018
|
Frétt skrifuð kl. 20:16
Boeing 737-800 þota Flybondi
Svo virðist sem að fjör sé að færast í leikinn í lágfargjaldaflugi í Argentínu en nýtt lágfargjaldafélag þar í landi flaug á dögunum sitt fyrsta áætlunarflug.
Flybondi er fyrsta lágfargjaldafélagið í Argentínu en félagið stendur frammi fyrir mikilli samkeppni
frá Norwegian Air Argentina, dótturfélags Norwegian, sem hefur boðað komu sína til landsins og mun
fljúga fyrsta innanlandsflugið í júní í sumar.
Flybondi var formlega stofnað árið 2016 en þann 26. janúar sl. flaug félagið fyrsta flugið frá
Córdoba til Puerto Iguazú.
Félagið byrjar með aðeins eina Boeing 737-800 þotu og var full vél í fyrsta fluginu en Flybondi mun einnig
fljúga til 12 annarra áfangastaða í innanlandsflugi með bækistöðvar í Córdoba og í Buenos Aires.
Flybondi ætlar sér að fjölga þotunum úr einni Boeing 737-800 upp í 10 vélar
„Að ferðast með flugvél er ekki lengur forréttindi. Fleiri eiga núna eftir að fljúga í fyrsta sinn, fleiri flugmenn
og flugfreyjur eiga einnig eftir að fá vinnu“, sagði Guillermo Dietrich, samgönguráðherra Argentínu.
Ekki lýst öllum á framtíð hins nýja flugfélags en formaður félags argentínskra atvinnuflugmanna segir að
viðhaldsstöð Flybondi sé eingöngu lítið, ryðgað flugskýli sem sé í verra ásigkomulagi heldur
en bílaverkstæði og þá bendir hann á að félagið sé aðeins með eina þotu sem mun valda mikilli röskun
ef hún þarf að fara skyndilega í skoðun.
Þotan, sem er 13 ára gömul, var áður í flota tælenska flugfélagsins Nok Air og þar á undan í flota Ryanair en til stendur
að flotinn verði á næstunni komin í 10 þotur. Þá er einnig stefnt á að hefja millilandaflug til Chile, Brasilíu og til Paraguay.
Kólumbíska flugfélagið Aviancia hefur einnig flogið innanlandsflug í Argentínu og þá hefur nýtt
lágfargjaldafélag, sem nefnist Alas del Sur, boðað komu sína á markaðinn.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
