flugfréttir

Flugprófanir með C919 langt á eftir áætlun

- Tilraunaþoturnar tvær hafa ekki flogið í nokkra mánuði

7. febrúar 2018

|

Frétt skrifuð kl. 13:10

C919 tilraunarþota frá COMAC

Kínverski flugvélaframleiðandinn Comac hefur lent í töluverðum vandræðum með flugprófanir á nýju farþegaþotunni C919 og eru prófanirnar komnar langt á eftir áætlun.

Jómfrúarflugi C919 var fagnað í maí í fyrra og hafa tvær tilraunaþotur aðeins flogið um 20 flugtíma eftir það en nokkrir mánuðir eru síðan að vélarnar flugu seinast.

Önnur tilraunarþotan var kyrrsett þar sem þörf var á að gera uppfærslur á vélinni og þá er einn hluti vandamálsins að prófanirnar áttu að fara fram á bækistöð Comac á Pundong-flugvellinum í Shanghai sem er mjög þétt setinn af áætlunarflugi sem fer um völlinn og hefur verið erfitt að fá pláss til að framkvæmda prófanir vegna flugumferðar.

Ákveðið var að flytja flugprófanirnar til flugvallarins í borginni Xian í Kína og fjölgaði tilraunarflugferðunum við það en þó ekki nægilega mikið til að halda í við áætlunina.

Ljóst er að töluverð vinna við uppfærslur á þotunum er framundan áður en þær geta haldið prófunum áfram en sjaldgæft er að upp komi mikil röskun á flugprófunum í kjölfar jómfrúarflugsins.

Comac náði ekki að senda C919 þotuna á flugsýninguna í Shanghai sem gerir framleiðandanum erfiðlega fyrir að laða að nýja viðskiptavini á sama tíma og Boeing og Airbus eru á svæðinu með sínar þotur.

Comac berst nú fyrir því að koma C919 þotunni á alþjóðlegan markað og keppa við risa á borð við Boeing og Airbus sem hafa margra áratuga reynslu fram yfir Kínverja.

Framleiðandinn segir að Boeing og Airbus eigi auðveldara með að framkvæmda flugprófanir þar sem þeir hafa sína eigin flugvelli til þess að framkvæma prófanir auk þess sem þeir búa yfir meiri reynslu.







  fréttir af handahófi

Fyrsta innanlandsflug Norwegian í Argentínu

17. október 2018

|

Norwegian flaug í gær sitt fyrsta innanlandsflug í Argentínu með nýstofnaða dótturfélaginu, Norwegian Air Argentína.

Aldrei eins margir farþegar hjá easyJet á einum degi

24. september 2018

|

EasyJet setti met sl. föstudag þegar 330.000 farþegar flugu með félaginu á einum degi en aldrei áður hafa eins margir farþegar flogið með félaginu á einum sólarhring frá stofnun þess árið 1995.

Rangar upplýsingar um afkastagetu í flugtaki rannsakað

12. október 2018

|

Rannsóknarnefnd flugslysa í Bretlandi rannsaka nú enn annað atvikið hjá easyJet er varðar rangan útreikning fyrir flugtak.

  Nýjustu flugfréttirnar

Fyrsta risaþotan hjá Lufthansa máluð í nýju litunum

12. desember 2018

|

Nýlega var lokið við að mála fyrstu Airbus A380 þotuna í nýjum litum Lufthansa en það var þotan D-AIMD sem var fyrsta risaþotan a þeim fjórtán sem máluð var.

Flaug síðasta flugið sitt í bleikum búning

11. desember 2018

|

Eitt sinn skulu allir atvinnuflugmenn setja hattinn í hilluna og í flestum löndum er það þegar flugmenn ná 65 ára aldri.

Reyndi að laga rifu á glugga í umferðarhring en brotlenti

11. desember 2018

|

Samgönguöryggisnefnd Bandaríkjanna hefur komist að þeirri niðurstöðu að óviðeigandi og ótímabær viðbrögð flugmanns við rifu á glugga á neyðarútgang eftir að farþegar hans kvörtuðu yfir kulda um borð

Fækka þotum til að koma í veg fyrir lögsókn frá flugvélaleigu

11. desember 2018

|

Flugfélagið Avianca Brazil neyðist til þess að fækka flugvélunum í flotanum með því að losa sig við átta flugvélar og skila þeim til baka til flugvélaleigu sem á vélarnar til að komast hjá lögsókn.

Norwegian Air Sweden hefur starfsemi sína

9. desember 2018

|

Norwegian Air Sweden hefur flogið sitt fyrsta áætlunarflug en félagið er dótturfélag Norwegian sem mun fljúga til og frá Svíðþjóð.

Hófu flugtak 400 metrum frá brautarenda á Gatwick

7. desember 2018

|

Flugmálayfirvöld í Bretlandi rannsaka nú atvik eftir að Dreamliner-þota af gerðinni Boeing 787-9 frá Norwegian notaði of stutta flugbraut í flugtaki á Gatwick-flugvellinum í London.

Skimun fyrir umsækjendur í atvinnuflugmannsnám hjá Keili

6. desember 2018

|

Flugakademía Keilir hefur innleitt skimun í tengslum við atvinnuflugmannsnám á vegum skólans fyrir næsta vor en umsækjendur þurfa að þreyta sérstakt rafrænt hæfnispróf.

280.000 farþegar með Icelandair í nóvember

6. desember 2018

|

Um 280.000 farþegar flugu með Icelandair í nóvember sl. sem er fjölgun upp á 12 prósent ef miðað er við nóvember árið 2017 þegar 249.000 farþegar flugu með félaginu.

WOW air flýgur jómfrúarflugið til Nýju-Delí á Indlandi

6. desember 2018

|

WOW air flaug í dag sitt fyrsta áætlunarflug til Nýju-Delí á Indlandi en aldrei áður hefur íslenskt flugfélag flogið áætlunarflug til Asíu og þá er um að ræða lengsta farþegaflug í íslenskri flugsög

Tíunda veggspjaldið fjallar um álag og streitu

6. desember 2018

|

Samgöngustofa hefur gefið út tíunda veggspjaldið af tólf í Dirty Dozen röðinni en að þessu sinni er fjallað um álag og viðbrögðum við streitu sem geta skert flugöryggi.