flugfréttir

Vilja opna Manston-flugvöllinn í Kent aftur

- Núverandi eigandi vill selja landið undir 4.000 íbúðir

19. febrúar 2018

|

Frétt skrifuð kl. 14:20

Frá Manston-flugvellinum í Kent

Fjárfestingarfyrirtæki eitt í Bretlandi reynir nú að opna aftur Manston-flugvöllinn á suðurhluta Englands með tilraun til þess að taka yfir flugvallarsvæðinu frá núverandi eigendum sem vilja nota landið til að selja lóðir fyrir íbúðarhverfi.

Eigendur Manston-flugvallarins ákváðu að loka vellinum í maí árið 2014 þar sem ekki tókst að finna nýja fjárfesta til að koma að rekstrinum.

Ryanair hefur áhuga á að fljúga um völlinn ef hann opnar á ný og hefur félagið áhuga á að vera með tvær til fjórar flugvélar á flugvellinum ef hann opnar aftur.

Fyrirtækið RiverOak Investment Corporation reynir nú að fá leyfi frá samgönguráðuneyti Bretlands til að þvinga Stone Hill Park, núverandi eigendur flugvallarins, til að selja flugvöllinn til fyrirtækisins en RiverOak hefur áform um að opna Manston-flugvöllinn aftur þar sem mikil tækifæri eru til staðar bæði fyrir farþegaflug og fraktflug.

Manston-flugvellinum var lokað árið 2014

Stone Hill Park vill hinsvegar láta reisa um 4.000 nýjar íbúðir á flugvallarsvæðinu en rekja má sögu flugvallarins aftur til ársins 1915 og er því meira en öld síðan að flugvélar fóru að fljúga um þetta svæði.

„Ryanair flýgur ekkert sunnan Thames-árinnar fyrir utan nokkur flug um Gatwick og þeir hafa stór áform um aukin umsvif á næstunni. Þeir fljúga með 125 milljónir farþega á ári og stefna á 200 milljónir árið 2024 og þessvegna henar Manston-flugvöllur mjög vel til að stuðla að þeirri aukningu“, segir í Tony Freudmann hjá RiverOak.

„Þetta yrði ekki bækistöð fyrir Ryanair en þeir myndi hafa þrjár til fjórar flugvélar þarna yfir nóttu. Við sjáum fyrir okkur að þeir gætu flogið á morgnanna til landa eins og Portúgals og til baka, þaðan til Skotlands til dæmis yfir daginn og svo til að mynda til Sikiley og aftur til baka um kvöldið“, segir Freudmann.

KLM Cityhopper var eina flugfélagið sem flaug um Manston-flugvöllinn í Kent í farþegaflugi

KLM CityHopper var eina flugfélagið sem flaug um flugvöllinn í Kent í farþegaflugi en RiverOak vonast til að geta laðað flugfélagið hollenska aftur til vallarins þar sem stutt er á milli Kent og Amsterdam og þeir gætu því bætt við flugi til London án þess að fljúga á Heathrow.

Cargolux flaug fraktflug til Manston-flugvallarins en færði sig yfir á Stansted-flugvöll þegar í ljós kom að loka átti flugvellinum.

Freudmann segir að Manston-flugvöllurinn gæti opnað gríðarleg tækifæri fyrir fraktflug milli Bretlands og Kína en sökum þess hversu þéttsetnir flugvellirnir eru í nágrenni London á borð við Heathrow-flugvöll þá hafa fraktflugvélar frá Kína ekki geta bætt við fraktflugi til suðurhluta Englands.







  fréttir af handahófi

Nýtt flugfélag í Afríku pantar 100 Boeing 737 MAX þotur

26. desember 2018

|

Nýtt flugfélag í Afríku, sem hefur enn ekki hafið starfsemi sína, hefur lagt inn til Boeing stærstu pöntun sem komið hefur á einu bretti frá Afríku í 100 þotur af gerðinni Boeing 737 MAX.

Sofnaði og flaug 46 km framhjá áfangastað

27. nóvember 2018

|

Flugmálayfirvöld í Ástralíu rannsaka nú atvik sem átti sér stað fyrr í þessum mánuði er flugmaður á lítilli farþegaflugvél sofnaði og flaug næstum 50 kílómetrum framhjá þeim flugvelli sem til stóð að

„Þurfa að lækka verðið á A380 ef þeir vilja selja fleiri eintök“

2. febrúar 2019

|

Willie Walsh, framkvæmdarstjóri IAG, móðurfélags British Airways, segir að Airbus ætti að lækka verðmiðann á Airbus A380 ef framleiðandinn vill ná að selja fleiri risaþotur.

  Nýjustu flugfréttirnar

Næsta retro-flugvél British Airways verður í litum BEA

22. febrúar 2019

|

British Airways hefur ákveðið að Airbus A319 þota verði næsta flugvél félagsins til þess að verða máluð í gömlum litabúningi líkt og flugvélar félagsins litu út í gamla daga.

Boeing 737 þota Norwegian á förum frá Íran á næstu dögum

22. febrúar 2019

|

Norwegian á loksins von á því að geta fengið eina af Boeing 737 MAX þotunum í flotanum heim frá Íran en um er að ræða þotu sem hefur verið föst í landinu frá því að flugvélin hafði þar óvænta viðkomu

Metfjöldi farþega um Heathrow-flugvöll árið 2018

21. febrúar 2019

|

Aldrei hafa eins margir flugfarþegar farið um Heathrow-flugvöll í sögu flugvallarins líkt og árið 2018 þegar 80.1 milljón farþega fór um völlinn.

AirBaltic mun hætta með Boeing 737 í haust

20. febrúar 2019

|

Flugfélagið airBatlic ætlar sér að hætta með Boeing 737 þoturnar fyrr en áætlað var.

Ný Airbus-þota fékk ekki leyfi til að fljúga yfir Íran

20. febrúar 2019

|

Splunkunýrri Airbus A320 þotu sem var í afhendingarflugi frá Airbus í Hamborg á leið til Nýja-Sjálands var gert að snúa við yfir Tyrklandi þar sem í ljós kom að þotan hafði ekki leyfi til þess að flj

Fjallabylgjur og flug undir lágmarksflughæð orsök flugslyss

19. febrúar 2019

|

Flugmálayfirvöld í Íran hafa birt lokaskýrslu varðandi flugslys sem átti sér stað þann 18. febrúar í fyrra er farþegaflugvél af gerðinni ATR 72-200 fórst í fjalllendi í innanlandsflugi í landinu.

Þrír bæjarstjórar vilja koma á flugsamgöngum til Sylt

19. febrúar 2019

|

Þrír þýskir bæjarstjórar í bæjunum Klixbüll, Leck og Niebüll vilja koma á flugsamgöngum til eyjunnar Sylt þar sem lestarsamgöngur hafa ekki gengið snuðrulaust fyrir sig að undanförnu.

Einkafyrirtæki styrkir nýja flugbraut á eyjunni Catalina

19. febrúar 2019

|

Hafist hefur verið handa við að lagfæra og koma flugbrautinni á eyjunni Catalina við strendur Los Angeles í nothæft ástand á ný.

Ryanair fær fyrstu 737 MAX 200 um miðjan maí

18. febrúar 2019

|

Ryanair á von á því að fá fyrstu Boeing 737 MAX 200 þotuna afhenta um miðjan maí en félagið hefur pantað 135 þotur en fyrsta pöntunin var gerð í 100 þotur í september árið 2014.

Flugfélög í Víetnam fá að fljúga til Bandaríkjanna

18. febrúar 2019

|

Bandarísk flugmálayfirvöld (FAA) hafa uppfært öryggisstuðul er kemur að flugmálum í Víetnam upp í Category 1 sem þýðir að víetnömsk flugfélög geta hafið áætlunarflug til Bandaríkjanna.

 síðustu atvik

  2019-01-01 20:20:00