flugfréttir

Airbus missir síðustu pöntunina í A330-800neo

- Hawaiian Airlines hætti við A330-800neo og pantar Boeing 787-9

21. febrúar 2018

|

Frétt skrifuð kl. 07:01

Fyrsta Airbus A330-800neo þotan sem smíðuð hefur verið

Airbus hefur misst einu pöntunina sem eftir var í Airbus A330-800neo þotuna en Hawaiian Airlines hefur hætt við pöntunina og ákveðið þess í stað að panta sex Dreamliner-þotur frá Boeing af gerðinni Boeing 787-9.

Hawaiian Airlines pantaði sex Airbus A330-800neo þotur þann 22. júlí árið 2014 með samkomulagi sem félagið undirritaði en fyrsta tilraunarþotan ef þessari gerð kom út úr málningarskýli í Toulouse í byrjun þessa mánaðar og munu flugprófanir hefjast á næstunni.

Hawaiian Airlines staðfesti pöntunina í desember sl. og var félagið það eina sem átti von á minni útgáfunni af Airbus A330neo breiðþotunni eftir að TransAsia Airways tilkynnti í nóvember 2016 að félagið myndi hætta flugrekstri en það félag hafði pantað fjórar A330-800neo þotur.

Samkvæmt vefnum Leeham News and Comment gæti verið von á yfirlýsingu frá Airbus þar sem ekkert flugfélag á í dag von á að fá Airbus A330-800neo þotuna sem er arftaki Airbus A330-200 þotunnar sem kom á markaðinn árið 1998.

Tölvugerð mynd af Airbus A330-800 í litum Hawaiian Airlines

Fram kemur að Boeing hafi verið mikið í mun að selja Hawaiian Airlines Boeing 787-9 og sérstaklega þar sem flugfélagið havaíska var ósátt með að vera eini viðskiptavinurinn sem átti von á að fá Airbus A330-800neo.

Airbus hafði áður boðið Hawaiian Airlines að skipta pöntuninni út fyrir Airbus A350-900 en félagið taldi slík kaup vera of dýra fjárfestingu.







  fréttir af handahófi

Aer Lingus hefur áhuga á Airbus A321XLR

2 nóvember 2018

|

Aer Lingus segir að vel kæmi til greina að panta Airbus A321XLR sem er ný útgáfa af A321LR þotunni sem gæti orðið ný útgáfa af Airbus ef ákveðið verður að gera enn langdrægari útgáfu af A321LR.

Farþegum fjölgar á ný um Tegel eftir hrun Air Berlin

25. október 2018

|

Farþegum hefur farið fjölgandi á ný um Tegel-flugvöllinn í Berlín og farþegatölur orðnar þær sömu og þær voru áður en þýska flugfélagið Air Berlin varð gjaldþrota.

Alvarlegt atvik rannsakað þar sem flugmenn misstu alla stjórn

12. nóvember 2018

|

Verið er að rannsaka alvarlegt atvik sem átti sér stað í gær er flugmenn á Embraer E190 farþegaþotu frá Air Astana misstu stjórn á vélinni skömmu eftir flugtak frá flugvellinum í Lissabon.

  Nýjustu flugfréttirnar

Síðasta Boeing 777-300ER þotan afhent til Emirates

14. desember 2018

|

Emirates fagnaði fyrir helgi þeim tímamótum að hafa tekið við síðustu Boeing 777-300ER þotunni frá Boeing við hátíðlega athöfn og er félagið því komið með allar þoturnar sem pantaðar hafa verið af þ

Fara fram á 2 milljarða evra í bætur frá Etihad

13. desember 2018

|

Gjaldþrotadómstóll í Þýskalandi ætlar fyrir hönd skiptastjórnar Air Berlin að fara fram á bætur upp á 2 milljarða evra frá fyrrum samstarfsflugfélaginu Etihad Airways.

Fyrsta risaþotan hjá Lufthansa máluð í nýju litunum

12. desember 2018

|

Nýlega var lokið við að mála fyrstu Airbus A380 þotuna í nýjum litum Lufthansa en það var þotan D-AIMD sem var fyrsta risaþotan a þeim fjórtán sem máluð var.

Flaug síðasta flugið sitt í bleikum búning

11. desember 2018

|

Eitt sinn skulu allir atvinnuflugmenn setja hattinn í hilluna og í flestum löndum er það þegar flugmenn ná 65 ára aldri.

Reyndi að laga rifu á glugga í umferðarhring en brotlenti

11. desember 2018

|

Samgönguöryggisnefnd Bandaríkjanna hefur komist að þeirri niðurstöðu að óviðeigandi og ótímabær viðbrögð flugmanns við rifu á glugga á neyðarútgang eftir að farþegar hans kvörtuðu yfir kulda um borð

Fækka þotum til að koma í veg fyrir lögsókn frá flugvélaleigu

11. desember 2018

|

Flugfélagið Avianca Brazil neyðist til þess að fækka flugvélunum í flotanum með því að losa sig við átta flugvélar og skila þeim til baka til flugvélaleigu sem á vélarnar til að komast hjá lögsókn.

Norwegian Air Sweden hefur starfsemi sína

9. desember 2018

|

Norwegian Air Sweden hefur flogið sitt fyrsta áætlunarflug en félagið er dótturfélag Norwegian sem mun fljúga til og frá Svíðþjóð.

Hófu flugtak 400 metrum frá brautarenda á Gatwick

7. desember 2018

|

Flugmálayfirvöld í Bretlandi rannsaka nú atvik eftir að Dreamliner-þota af gerðinni Boeing 787-9 frá Norwegian notaði of stutta flugbraut í flugtaki á Gatwick-flugvellinum í London.

Skimun fyrir umsækjendur í atvinnuflugmannsnám hjá Keili

6. desember 2018

|

Flugakademía Keilir hefur innleitt skimun í tengslum við atvinnuflugmannsnám á vegum skólans fyrir næsta vor en umsækjendur þurfa að þreyta sérstakt rafrænt hæfnispróf.

280.000 farþegar með Icelandair í nóvember

6. desember 2018

|

Um 280.000 farþegar flugu með Icelandair í nóvember sl. sem er fjölgun upp á 12 prósent ef miðað er við nóvember árið 2017 þegar 249.000 farþegar flugu með félaginu.