flugfréttir

Fyrsta Boeing 737 MAX þota Icelandair væntanleg til landsins

- TF-ICE er fyrsta 737 MAX þotan af þeim sextán sem væntanlegar eru

21. febrúar 2018

|

Frétt skrifuð kl. 19:00

TF-ICE á Boeing Field í gær í Seattle. Lokahönd á málningarvinnu mun fara fram hér á landi

Innan við tvær vikur eru í að fyrsta Boeing 737 MAX þota Icelandair kemur til landsins en fyrsta eintakið er nú tilbúið í Seattle og verður henni flogið til Íslands í byrjun mars.

Fyrsta Boeing 737 MAX 8 þotan hefur fengið skráninguna TF-ICE en í gær birtust fyrstu myndirnar af vélinni á Netinu í litum félagsins.

TF-ICE kom út úr samsetningarsal í Renton þann 20. febrúar og var henni þaðan flogið í málningu en Boeing hefur nokkra staði á Seattle-svæðinu þar sem nýjar þotur eru málaðar fyrir afhendingu.

Málningarvinna við vélina er þó ekki fullkláruð þótt grunnlitirnir sé komnir en lokafrágangur á litum vélarinnar mun fara fram hér á landi þegar vélin er komin heim.

Icelandair mun fá TF-ICE formlega afhenta frá Boeing í Seattle þann 28. febrúar en þann dag hefst þjálfun á vélina og mun sex manna hópur flugstjóra og þjálfunarflugmanna frá Icelandair fara til Seattle fyrir þann tíma.

TF-ICE í litum Icelandair en enn á eftir að setja punktinn yfir „i-ð“ í málningarvinnunni sem verður gert á Íslandi

„Þeir fara í lendingarþjálfun og leggjaþjálfun, þar sem æft er að fljúga leggi milli staða, og mun þjálfunin standa yfir til 3. mars“, segir Haukur Reynisson, flugrekstrarstjóri Icelandair, í samtali við Alltumflug.is.

Fer fyrst í frágangsvinnu á farþegarými

Áætlað er að TF-ICE verði flogið til Íslands þann 5. mars en framundan tekur við vinna við að koma afþreyingarbúnaði fyrir í sætisbökum vélarinnar ásamt öðrum hlutum í samræmi við aðrar vélar í flotanum en sú vinna mun taka um fjórar til fimm vikur.

Samkvæmt áætlun þá mun vélin verða tilbúin í leiðarkerfið þann 5. apríl en ekki er enn komin endanleg dagsetning á fyrsta áætlunarfluginu en mögulega verður það í kringum 10. apríl.

TF-ICE er fyrsta Boeing 737 MAX 8 þotan af þeim þremur sem afhentar verða á þessu ári en alls pantaði Icelandair níu Boeing 737 MAX 8 þotur og sjö þotur af gerðinni 737 MAX 9.

TF-ICY kemur til landsins 20. mars

Næsta vél kemur til landsins þann 20. mars en hún verður skráð sem TF-ICY. Sú vél verður mögulega notuð til þjálfunar flugmanna á meðan TF-ICE verður inn í skýli í frágangsvinnu á farþegarými.

„Þann tíma sem TF-ICE verður inn í skýli þá verður hin vélin mögulega notuð til þjálfunar á meðan. Hugsanlega verður henni flogið milli staða hér á Íslandi til að ljúka við hluta af þjálfuninni“, segir Haukur.

Munu einblína á sjálfbæra þjálfun á MAX vélarnar

Icelandair mun einblína á að tileinka sér sjálfbæra þjálfun á Boeing 737 MAX frá fyrsta degi en þar að auki þá mun þjálfun einnig fara fram í samstarfi við Boeing.

Ár er síðan að Icelandair festi kaup á Boeing 737 MAX flughermi frá TRU Simulation + Training í Kanada, fyrst allra flugfélaga. en sá hermir er væntanlegur til landsins í vor og verður hann tekinn í notkun á Flugvöllunum í Hafnarfirði í sumar.

Boeing 737 MAX flughermir frá TRU Simulation + Training

TRU Flight Training Iceland, dótturfélag Icelandair, mun sjá um rekstur á Boeing 737 MAX flugherminum sem verður nákvæm eftirlíkingar af stjórnklefa vélarinnar og verður hann af tegundinni Level D.

Boeing 737 MAX 8 er mun hagkvæmari í rekstri og tæknivæddari en aðrar sambærilegar vélar. Til að mynda eru þær 40% hljóðlátari en hefðbundnar þotur sem koma með einum gangi („single aisle“) og þá gera LEAP-1B hreyflarnir frá CFM International Boeing 737 MAX vélar Icelandair mun umhverfisvænni og sparneytnari.

Þar að auki hafa verið gerðar ýmsar breytingar á vélinni ef borið er saman við Boeing 737NG með tilliti til betra loftflæðis auk þess sem nýr „Split Scimitar Winglets“ vænglingar bjóða upp á meiri sparneytni.

Boeing hefur í dag afhent yfir 80 eintök af Boeing 737 MAX þotunum af þeim 4.307 þotum sem pantaðar hafa verið af 63 flugfélögum og viðskiptavinum.







  fréttir af handahófi

Flugstjóri neitaði að fljúga vegna vandamáls á First Class

21. október 2018

|

Þónokkur töf varð á flugi Thai Airways í síðustu viku frá Zurich til Bangkok eftir að flugstjóri neitaði að fljúga flugið þar sem að tveir samstarfsmenn hans, sem einnig eru flugmenn hjá félaginu, f

Elsta Boeing 747-400 þota heims úr umferð í haust

23. ágúst 2018

|

Hollenska flugfélagið KLM Royal Dutch Airlines mun í nóvember taka úr umferð elstu núverandi Boeing 747-400 þotu heims en þotan, sem ber skráninguna PH-BFB, hefur verið í notkun í 29 ár.

Missti af fluginu og reyndi að hlaupa á eftir flugvélinni

20. nóvember 2018

|

Kona sem hafði misst af fluginu sínu í Indónesíu var yfirbuguð af starfsfólki flugvallarins þar sem hún reyndi að hlaupa á eftir flugvélinni.

  Nýjustu flugfréttirnar

Boeing 737 ók yfir mann rétt fyrir flugtak í Moskvu

21. nóvember 2018

|

Maður á þrítugsaldri lést eftir að hann varð fyrir farþegaþotu af gerðinni Boeing 737-800 sem var á leið í flugtak á Sheremetyevo-flugvellinum í Moskvu í gær.

Missti af fluginu og reyndi að hlaupa á eftir flugvélinni

20. nóvember 2018

|

Kona sem hafði misst af fluginu sínu í Indónesíu var yfirbuguð af starfsfólki flugvallarins þar sem hún reyndi að hlaupa á eftir flugvélinni.

Saga flugvalla og flugleiðsögu á Íslandi komin út

19. nóvember 2018

|

Isavia hefur gefið út bókina Saga flugvalla og flugleiðsögu á Íslandi en bókin er gefin út í rafbókarformi í opnum aðgangi á vef Landsbókasafnsins og Isavia og einnig í bókarformi.

Helmingur allra flugmanna hjá SAS á eftirlaun innan 10 ára

19. nóvember 2018

|

Um 700 flugmenn hjá SAS munu láta af störfum sökum aldurs á næstu 10 árum og er það um helmingi fleiri en hafa látið af störfum sl. áratug.

Nýir gallar koma í ljós á Brandenburg-flugvelli

19. nóvember 2018

|

Allt bendir til þess að opnun nýja Brandenburg-flugvallarins í Berlín verði slegið á frest enn einu sinni en sennilega hefur opnun nýs flugvallar aldrei verið frestað eins oft og þessum sem ber IATA

Boeing 747-100 flýgur sitt síðasta flug

17. nóvember 2018

|

Síðasta Boeing 747-100 júmbó-þotan, sem hefur verið í umferð í heiminum í dag, flaug sitt síðasta flug á dögunum.

Fastjet nær að auka hlutafé sitt

18. nóvember 2018

|

Stjórn flugfélagsins Fastjet í Afríku hefur tekist að hækka hlutafé félagsins um 4,9 milljarða króna en flugfélagið hefur að undanförnu reynt að leita leiða til að fjármagna reksturinn sem hefur verið

Ekki sagt frá nýju sjálfvirku kerfi sem á að koma í veg fyrir ofris

15. nóvember 2018

|

Atvinnuflugmannasamtökin (ALPA), sem er stærsta bandalag flugmanna í heiminum, krefjast þess að bandarísk stjórnvöld taki á vandamáli er varðar nýja tegund af flugstýringu á Boeing 737 MAX þotunum s

Þrír lamaðir flugmenn ætla að fljúga í kringum hnöttinn

14. nóvember 2018

|

Þrír hreyfihamlaðir flugmenn munu næstkomandi sunnudag leggja af stað í 10 mánaða langt heimsflug í kringum hnöttinn en þeir ætla að hafa viðdvöl á 150 stöðum í 40 löndum í sex heimsálfum og verður fe

Farþegar greiddu fyrir viðgerð á Dreamliner-þotu

14. nóvember 2018

|

Farþegar þurftu að greiða viðgerð á Dreamliner-þotu pólska flugfélagsins LOT Polish Airlines eftir að bilun kom upp í vélinni á flugvellinum í Peking.