flugfréttir

Fyrsta Boeing 737 MAX þota Icelandair væntanleg til landsins

- TF-ICE er fyrsta 737 MAX þotan af þeim sextán sem væntanlegar eru

21. febrúar 2018

|

Frétt skrifuð kl. 19:00

TF-ICE á Boeing Field í gær í Seattle. Lokahönd á málningarvinnu mun fara fram hér á landi

Innan við tvær vikur eru í að fyrsta Boeing 737 MAX þota Icelandair kemur til landsins en fyrsta eintakið er nú tilbúið í Seattle og verður henni flogið til Íslands í byrjun mars.

Fyrsta Boeing 737 MAX 8 þotan hefur fengið skráninguna TF-ICE en í gær birtust fyrstu myndirnar af vélinni á Netinu í litum félagsins.

TF-ICE kom út úr samsetningarsal í Renton þann 20. febrúar og var henni þaðan flogið í málningu en Boeing hefur nokkra staði á Seattle-svæðinu þar sem nýjar þotur eru málaðar fyrir afhendingu.

Málningarvinna við vélina er þó ekki fullkláruð þótt grunnlitirnir sé komnir en lokafrágangur á litum vélarinnar mun fara fram hér á landi þegar vélin er komin heim.

Icelandair mun fá TF-ICE formlega afhenta frá Boeing í Seattle þann 28. febrúar en þann dag hefst þjálfun á vélina og mun sex manna hópur flugstjóra og þjálfunarflugmanna frá Icelandair fara til Seattle fyrir þann tíma.

TF-ICE í litum Icelandair en enn á eftir að setja punktinn yfir „i-ð“ í málningarvinnunni sem verður gert á Íslandi

„Þeir fara í lendingarþjálfun og leggjaþjálfun, þar sem æft er að fljúga leggi milli staða, og mun þjálfunin standa yfir til 3. mars“, segir Haukur Reynisson, flugrekstrarstjóri Icelandair, í samtali við Alltumflug.is.

Fer fyrst í frágangsvinnu á farþegarými

Áætlað er að TF-ICE verði flogið til Íslands þann 5. mars en framundan tekur við vinna við að koma afþreyingarbúnaði fyrir í sætisbökum vélarinnar ásamt öðrum hlutum í samræmi við aðrar vélar í flotanum en sú vinna mun taka um fjórar til fimm vikur.

Samkvæmt áætlun þá mun vélin verða tilbúin í leiðarkerfið þann 5. apríl en ekki er enn komin endanleg dagsetning á fyrsta áætlunarfluginu en mögulega verður það í kringum 10. apríl.

TF-ICE er fyrsta Boeing 737 MAX 8 þotan af þeim þremur sem afhentar verða á þessu ári en alls pantaði Icelandair níu Boeing 737 MAX 8 þotur og sjö þotur af gerðinni 737 MAX 9.

TF-ICY kemur til landsins 20. mars

Næsta vél kemur til landsins þann 20. mars en hún verður skráð sem TF-ICY. Sú vél verður mögulega notuð til þjálfunar flugmanna á meðan TF-ICE verður inn í skýli í frágangsvinnu á farþegarými.

„Þann tíma sem TF-ICE verður inn í skýli þá verður hin vélin mögulega notuð til þjálfunar á meðan. Hugsanlega verður henni flogið milli staða hér á Íslandi til að ljúka við hluta af þjálfuninni“, segir Haukur.

Munu einblína á sjálfbæra þjálfun á MAX vélarnar

Icelandair mun einblína á að tileinka sér sjálfbæra þjálfun á Boeing 737 MAX frá fyrsta degi en þar að auki þá mun þjálfun einnig fara fram í samstarfi við Boeing.

Ár er síðan að Icelandair festi kaup á Boeing 737 MAX flughermi frá TRU Simulation + Training í Kanada, fyrst allra flugfélaga. en sá hermir er væntanlegur til landsins í vor og verður hann tekinn í notkun á Flugvöllunum í Hafnarfirði í sumar.

Boeing 737 MAX flughermir frá TRU Simulation + Training

TRU Flight Training Iceland, dótturfélag Icelandair, mun sjá um rekstur á Boeing 737 MAX flugherminum sem verður nákvæm eftirlíkingar af stjórnklefa vélarinnar og verður hann af tegundinni Level D.

Boeing 737 MAX 8 er mun hagkvæmari í rekstri og tæknivæddari en aðrar sambærilegar vélar. Til að mynda eru þær 40% hljóðlátari en hefðbundnar þotur sem koma með einum gangi („single aisle“) og þá gera LEAP-1B hreyflarnir frá CFM International Boeing 737 MAX vélar Icelandair mun umhverfisvænni og sparneytnari.

Þar að auki hafa verið gerðar ýmsar breytingar á vélinni ef borið er saman við Boeing 737NG með tilliti til betra loftflæðis auk þess sem nýr „Split Scimitar Winglets“ vænglingar bjóða upp á meiri sparneytni.

Boeing hefur í dag afhent yfir 80 eintök af Boeing 737 MAX þotunum af þeim 4.307 þotum sem pantaðar hafa verið af 63 flugfélögum og viðskiptavinum.







  fréttir af handahófi

Kansai-flugvöllur á floti eftir fellibyl

4. september 2018

|

Loka þurfti Kansai-flugvellinum í japönsku borginni Osaka eftir að sjór flæddi yfir flugvöllinn í kjölfar fellibylsins Jebi sem gekk yfir Japans í dag.

Fjöldi hreyflalausra A320neo þotna í geymslu fer fækkandi

6. júlí 2018

|

Færri Airbus A320neo þotur bíða nú þess að verða afhentar af þeim vélum sem færðar voru í geymslu vegna vandamála með PW1100G hreyfilinn frá Pratt & Whitney.

Hi Fly fær fyrstu Airbus A380

6. júlí 2018

|

Portúgalska flugvélaleigan Hi Fly tók í gær við sinni fyrstu Airbus A380 sem er ein af þeim risaþotum sem voru áður í flota Singapore Airlines.

  Nýjustu flugfréttirnar

Aldrei eins margir farþegar hjá easyJet á einum degi

24. september 2018

|

EasyJet setti met sl. föstudag þegar 330.000 farþegar flugu með félaginu á einum degi en aldrei áður hafa eins margir farþegar flogið með félaginu á einum sólarhring frá stofnun þess árið 1995.

Airbus A320 fór í flugtak í ranga átt með of stutta braut

24. september 2018

|

Tveir flugmenn hjá flugfélaginu Air Arabia hafa verið leystir frá störfum tímabundið vegna atviks þar sem Airbus A320 þota, sem þeir flugu, fór í loftið undan vindi í ranga átt á flugvellinum í borgi

Emirates hættir við Mexíkó

24. september 2018

|

Emirates hefur ákveðið að hætta við fyrirhugað áætlunarflug til Mexíkó en félagið ætlaði sér að fljúga daglega til Mexíkóborgar frá Dubai með viðkomu í Barcelona.

China Southern stefnir á 2.000 flugvélar árið 2035

24. september 2018

|

Kínverska flugfélagið China Southern Airlines gerir ráð fyrir því að flugfloti félagsins verði komin upp í 2 þúsund flugvélar eftir 16 ár eða árið 2035.

South African sagt tæknilega gjaldþrota

23. september 2018

|

South African Airways mun ekki birta afkomuskýrslu fyrir fjármálaárið 2017 til 2018 fyrir ríkisstjórn landsins eins og lög gera ráð fyrir þar sem flugfélagið er sagt vera tæknilega gjaldþrota.

Fyrsta Airbus A350-900ULR afhent til Singapore Airlines

22. september 2018

|

Airbus hefur afhent fyrsta eintakið af Airbus A350-900ULR sem er langdrægasta farþegaþota heims en það er Singapore Airlines sem tekur við fyrstu þotunni af þessari gerð.

KLM mun fljúga til Las Vegas

21. september 2018

|

KLM Royal Dutch Airlines ætlar að hefja beint flug til Las Vegas frá Amsterdam og verður borgin tólfi áfangastaður flugfélagsins í Bandaríkjunum og sá átjándi í Norður-Ameríku.

Flugmaður slasaðist við að handsnúa Cirrus SR22 í gang

21. september 2018

|

Flugmaður slasaðist í óhappi sem átt sér stað í Iowa í Bandaríkjunum fyrr í þessum mánuði er eins hreyfils flugvél af gerðinni Cirrus SR-22 klessti á flugskýli eftir að tilraun flugmannsins til að ha

Hafna sögusögnum um samruna Emirates og Etihad Airways

20. september 2018

|

Emirates og Etihad Airways blása á þær sögusagnir sem gengið hafa um að til standi að sameina flugfélögin tvö.

Málverkasýning Tolla á Egilsstaðaflugvelli

20. september 2018

|

Föstudaginn 21. september næstkomandi kl. 16 verður opnuð sýning á 23 nýjum olíumálverkum eftir Tolla í flugstöðinni á Egilsstöðum en sýningin er í boði Isavia, rekstraraðila flugvallarins, og er sýn