flugfréttir

Isavia úthlutar styrkjum úr samfélagssjóði

- Þrettán verkefni fengu úthlutað úr sjóðnum

21. febrúar 2018

|

Frétt skrifuð kl. 15:51

Isavia styrkir góð málefni á hverju ári eftir afmarkaðri stefnu sem er í samræmi við samþykkt stjórnar félagsins

Isavia hefur úthlutað styrkjum til 13 verkefna úr samfélagssjóði sínum en verkefnin eru af fjölbreyttum toga.

Við val á styrkþegum er áhersla er lögð á umhverfismál, mannúðarmál, forvarnir, flugtengd málefni, listir, menningu og menntamál. Úthlutað er úr sjóðnum tvisvar á ári og ætíð berst nokkuð mikill fjöldi umsókna. Verkefnin sem fengu styrk að þessu sinni eru:



AOPA á Íslandi (Félag flugmanna og flugvélaeigenda á Íslandi) fékk styrk vegna þátttöku í heimsþingi IAOPA. AOPA á Íslandi hefur 150 virka félaga sem nota flugþjónustu og flugvelli sem Isavia rekur. Félagið rekur umfangsmikið félags- og fræðslustarf sem stuðlar að auknu flugöryggi og öryggisvitund, ekki bara fyrir félaga heldur alla flugmenn.

Birta landssamtök fengu styrk til ýmissa verkefna. Birta eru landssamtök fólks sem misst hefur börn sín skyndilega. Tilgangur og markmið eru að standa fyrir fræðslu og ýmsum viðburðum á landsvísu. Samtökin standa einnig fyrir hvíldardögum fyrir foreldra, forráðamenn og fjölskyldur þeirra.

Ferðaklúbburinn 4x4 fékk styrk vegna endurnýjunar á VHF endurvarpskerfi félagsins sem er það stærsta sinnar tegundar á Íslandi og er notað af ferðafólki, björgunarsveitum og viðbragðsaðilum.

Félag heyrnarlausra fékk styrk til að koma af stað greiningarvinnu um geðheilbrigði heyrnarlausra í samstarfi við Háskólann í Reykjavík.

Fjölskylduhjálp Íslands fékk styrk til matarúthlutana til barnafjölskyldna í Reykjanesbæ.

Hekluskógar fengu styrk fyrir verkefni um að endurheimta birkiskóla á svæði Hekluskóga í Þjórsárdal.

Íþróttabandalag Reykjanesbæjar fékk styrk til að efla barna- og unglingastarf í samfélaginu. Íþróttabandalag Reykjanesbæjar eru regnhlífarsamtök níu íþróttafélaga í Reykjanesbæ.

Landssamband slökkviliðs- og sjúkraflutningamanna fékk styrk vegna verkefnis þar sem nemendur í 3. bekk um allt land eru heimsóttir og fræddir um eldvarnir og gefinn kostur á að taka þátt í Eldvarnargetrauninni.

Listahátíð í Reykjavík fékk styrk til að setja upp leiksýningu í miðborginni og víðar. Um 200 manns taka þátt, flestir almennir borgarar. Hugmyndin er að láta líta út fyrir að tíminn hafi fallið saman og á götum borgarinnar 2018 verði einstaklingar frá árinu 1918.

Lítil hjörtu, að beiðni B-vaktar vopnaleitar á Keflavíkurflugvelli, fá styrk. Lítil hjörtu eru góðgerðafélag sem aðstoðar fjölskyldur sem eru með lítið á milli handanna. Starfsfólk B-vaktar vopnaleitar ætlar að styrkja félagið og óskaði eftir mótframlagi frá Isavia.

Rannsóknarmiðstöð gegn ofbeldi fékk styrk til framleiðslu rafræns efnis sem inniheldur almenna fræðslu og gagnlegar upplýsingar fyrir þolendur langvarandi ofbeldis.

Samgönguminjasafnið í Skagafirði fékk styrk til að setja upp upplýsingar um sögu flugumferðar á Íslandi frá upphafi til dagsins í dag.

Samtök umgengnisforeldra fengu styrk fyrir verkefni sem miðar að hagsmunagæslu og réttindabaráttu fyrir umgengnisforeldra. Félagið beitir sér fyrir bættri stöðu þeirra gagnvart velferðarkerfinu, almannaskráningu og hagskýrslugerð.

Um styrktarsjóð Isavia

Isavia styrkir góð málefni á hverju ári eftir afmarkaðri stefnu sem er í samræmi við samþykkt stjórnar félagsins. Styrkirnir skiptast í þessa þrjá flokka: Styrktarsjóður Isavia hjá Landsbjörgu veitir styrki til björgunarsveita um allt land.

Sveitirnar eru styrktar til kaupa á hópslysabúnaði og er sérstök áhersla lögð á björgunarsveitir nálægt flugvöllum og fjölförnum ferðamannastöðum. Styrktarsjóðir Isavia hjá HÍ og HR veita styrki til nemenda á meistara- og doktorsstigi sem vinna að lokaverkefnum tengdum flugi eða ferðaþjónustu. Háskólarnir annast úthlutun úr sjóðunum.

Í gegnum samfélagssjóð leggur Isavia sitt af mörkum til þess að metnaðarfullt starf á ýmsum sviðum samfélagsins fái dafnað. Til að skerpa á málaflokknum hefur félagið lagt áherslu á: Forvarnarverkefni fyrir ungmenni, líknarmál, góðgerðarmál, umhverfismál og verkefni sem tengjast flugi.







  fréttir af handahófi

Farþegar beðnir um að bóka bílastæði á Netinu vegna veðurs

5. júlí 2018

|

Keflavíkurflugvöllur ráðleggur farþegum að bóka bílastæði í tæka tíð á Netinu nú þegar hápunktur sumarvertíðarinnar tekur við í júlí og í ágúst.

Miði með hótun fannst um borð í flugvél hjá Ryanair

10. júlí 2018

|

Farþegaþota frá Ryanair var kyrrsett á flugvellinum í Eindhoven í Hollandi í gærkvöldi eftir að miði með skilaboðum um sprengjuhótun fannst um borð í flugvélinni.

Telja að yfirtaka Boeing það besta sem gat hent Embraer

7. júlí 2018

|

Velgengni brasilíska flugvélaframleiðandans Embraer á eftir að aukast með yfirtöku Boeing að mati flugsérfræðinga sem hafa rýnt ofan í afleiðingar yfirtökunnar sem tilkynnt var um í vikunni.

  Nýjustu flugfréttirnar

Farnborough: EasyJet fær fyrstu Airbus A321neo þotuna

18. júlí 2018

|

EasyJet hefur fengið afhenta sína fyrstu Airbus A321neo þotu en afhendingin fór fram á Farnborough-flugsýningunni í dag.

Farnborough: VietJetAir pantar 100 Boeing 737 MAX þotur

18. júlí 2018

|

Flugfélagið VietJetAir í Víetnam hefur gert samkomulag við Boeing um kaup á 100 farþegaþotum af gerðinni Boeing 737 MAX.

Farnborough: Embraer kominn með sjö pantanir

17. júlí 2018

|

Embraer hefur fengið sjö pantanir í nýjar farþegaþotur á Farnborough-flugsýningunni sem hófst í gær.

Kvenmenn í Sádí-Arabíu geta núna sótt um flugnám

17. júlí 2018

|

Flugskóli einn í Sádí-Arabíu ætlar að verða sá fyrsti þar í landi til þess að leyfa kvenmönnum að hefja flugnám.

Farnborough: Tvær Airbus A220 þotur til sýnis

16. júlí 2018

|

Tvær Airbus A220-300 þotur eru nú til sýnis á Farnborough-flugsýningunni en airBaltic er með eina af A220 þotunni á svæðinu sem einnig er þekkt undir nafninu CSeries CS300.

Flugmaður með veipu í stjórnklefa olli neyðarlækkun

16. júlí 2018

|

Tveir flugmenn hjá kínverska flugfélaginu Air China hafa verið kallaðir inn á teppið vegna atviks sem átti sér stað í seinustu viku er farþegaþota af gerðinni Boeing 737-800 missti hæð sem samsvarar

Farnborough-flugsýningin hefst formlega

16. júlí 2018

|

Flugsýningin Farnborough Airshow hófst formlega í Bretlandi í morgun og hafa margar pantanir verið gerðar á fyrstu klukkutímum flugsýningarinnar.

MRJ90 þotan kemur fram á Farnborough flugsýningunni

14. júlí 2018

|

Mitshubishi Aircraft segir að flugvélaframleiðandinn sé tilbúin til þess að fljúga nýju MRJ þotunni sitt fyrsta sýningarflug sem verður þá í annað sinn sem þotan kemur fram opinberlega.

Embraer E2 lendir í fyrsta sinn á London City

13. júlí 2018

|

Nýja E190-E2 þotan frá Embraer lenti í fyrsta sinn á London City flugvellinum í dag á leið sinni á Farnborough-flugsýninguna en flugvélin mun henta mjög vel fyrir flug um London City þar sem sá flugv

Hálfur milljarður í endurnýjun flugbrautar á Gander-flugvelli

13. júlí 2018

|

Stjórnvöld í Kanada ætla að verja tæpum hálfum milljarði króna í endurnýjun á yfirlagi á annarri flugbrautinni á Gander-flugvelli sem er lengsta flugbrautin í Nýfundnalandi og ein sú lengsta í Kanada.