flugfréttir
Boeing afhendir Icelandair fyrstu Boeing 737 MAX þotuna
- Berlín verður fyrsti áfangastaður TF-ICE
Boeing afhenti Icelandair TF-ICE formlega í gær í Seattle
Icelandair tók í gær formlega við sinni fyrstu Boeing 737 MAX þotu (TF-ICE) við athöfn sem fram fór við afhendingarstöð Boeing í Seattle.
Forsvarsmenn Boeing og Icelandair klipptu á borðann við athöfn í Boeing Delivery Center er TF-ICE var
afhent félaginu, nokkrum klukkustundum eftir að AeroMexico fékk sína fyrstu Boeing 737 MAX þotu afhenta
en bæði félögin eiga það sameiginlegt að hafa eingöngu þotur frá Boeing í flota sínum í dag.
Flugmenn Icelandair fengu að prófa vélina og æfa sig til skiptis með lendingaræfingum á Moses
Lake flugvellinum í Washington sem staðsettur er í 220 kílómetra fjarlægð austur af Seattle en þar voru teknar
23 lendingar sem stóðu yfir frá 22:01 til 00:25 í gærkvöldi.
TF-ICE tók 23 lendingar á flugvellinum í Moses Lakes í gærkvöldi
Að því loknu var TF-ICE aftur flogið aftur til Boeing Field en vélin er væntanleg til landsins næstkomandi
mánudag.
Næstu fjórar til fimm vikur mun vélin gangast undir undirbúning fyrir áætlunarflug og mun
í Keflavík fara fram lokafrágangur á málningu þar sem vélin er ekki afhent í endanlegum litabúning
Icelandair auk þess sem afþreyingarkerfi verður komið fyrir um borð.
„Koma fyrstu Boeing 737 MAX þotunnar markar þáttaskil og nýtt upphaf í endurnýjun á flota okkar
sem verður spennandi verkefni fyrir Icelandair. MAX vélin verður frábær viðbót í Boeing 757 og 767 flotann
okkar og munu vélarnar auka sveiganleika okkar og getu til að auka umsvifin í leiðarkerfinu auk þess
sem við munum geta bætt við tíðni og nýjum áfangastöðum“, segir Björgólfur Jóhannsson, framkvæmdarstjóri
Icelandair.
TF-ICE á Boeing Field í síðustu viku
„Sú ótrúlega hagkvæmni sem Boeing 737 MAX þotan býður upp á mun gefa Icelandair kost á því að bæta
hagkvæmnina á leiðarkerfi sínu á næstu árum þar sem þeir munu bæði fá Boeing 737 MAX 8 og MAX 9 í flotann“,
segir Monty Oliver, varaformaður yfir söludeild Boeing í Evrópu, en Boeing 737 MAX er 14% sparneytnari
en hefðbundin Boeing 737-800 þota og 20 prósent hagkvæmari en Boeing 757.
Fyrsta áætlunarflug Icelandair með Boeing 737 MAX verður flogið þann 6. apríl
og verður Berlín fyrsti áfangastaðurinn en frá og með 1. maí verður vélinni einnig flogið til Parísar og Bergen og
því næst til Cleveland og Dublin síðar í mánuðinum.
Myndir af afhendingunni:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.