flugfréttir

Ný þota gæti leyst af hólmi yfir 200 Boeing 757 þotur í Ameríku

- United, Delta og American hafa ekki fundið arftaka fyrir Boeing 757 og 767

4. mars 2018

|

Frétt skrifuð kl. 17:32

Boeing 757 þotur Delta Air Lines og American Airlines

Þrjú stærstu flugfélög Bandaríkjanna, Delta Air Lines, United Airlines og American Airlines, eru að skoða möguleika á því hvort að ný farþegaþota frá Boeing, sem að öllum líkindum mun koma til með að heita Boeing 797, sé rétti arftakinn fyrir Boeing 757 og Boeing 767 þoturnar í flota þeirra.

Delta Air Lines virðist hafa mestan áhuga á nýju farþegaþotunni og vill félagið verða fyrsta flugfélagið til þess að fá þá vél í flotann ef hún fer í framleiðslu en hún kæmi þó ekki á markaðinn fyrr en í fyrsta lagi árið 2024 og vilja margir meina að enn lengri tími væri í það.

Bandarísku flugfélögin þrjú, Delta Air Lines, American Airlines og United Airlines hafa til samans 227 eintök af Boeing 757 í flota sínum sem allar hafa náð yfir 20 ára aldri og hefur ekkert félaganna fundið arftaka eða lagt inn pöntun í þotu sem gæti komið í þeirra stað.

„Það er álit okkar hjá Delta að þessi nýja farþegaþota sé mjög áhugaverður kostur og gæti þessi eina flugvél leyst bæði af hólmi Boeing 757 og Boeing 767 vélarnar okkar“, segir Ed Bastian, framkvæmdarstjóri Delta Air Lines.

United skoðar Boeing 797 og Airbus A330-800neo

United Airlines er að skoða hvort að möguleiki sé á því að ný farþegaþota frá Boeing gæti hentað félaginu sem þarf að fara að endurskoða flugflota sinn.

Boeing 757 þota United Airlines á flugvellinum í Kaupmannahöfn

United Airlines segir að mest sé þörfin að skipta út Boeing 757 og Boeing 767 þotunum í flotanum og þarf því að finna nýja flugvélategund og kemur Boeing 797 helst til greina ásamt minni gerðinni af Airbus A330neo breiðþotunni, A330-800neo, sú þota kemur á markaðinn í sumar og væri því allt að sex árum á undan Boeing 797.

United Airlines er einnig að skoða möguleika á að panta Boeing 737 MAX 10, Boeing 787-8 og Airbus A321neo í stað Boeing 757 en allar þær vélar hafa komið á markaðinn undanfarin misseri og ár.

United Airlines hefur sjötíu og sjö Boeing 757 þotur í flota sínum og þar af 21 af gerðinni Boeing 757-300 og þá hefur félagið 51 Boeing 767 breiðþotu.

Allar þessar vélar eru komnar til ára sinna og þarf félagið að finna nýja þotu í stað þeirra en meðalaldur Boeing 757 vélanna í flota United er 18.7 ár og meðalaldur Boeing 767 vélanna er 19.6 ár en þær elstu eru yfir 22 ára gamlar.

Fyrsta Airbus A321LR þotan í jómfrúarfluginu sínu í febrúar

United Airlines setur 25 ár sem hámarksaldur fyrir flugflota sinn og miðar við að eftir þann tíma sé fundin nýrri þota í stað þeirra eldri.

Airbus A321LR ekki með sömu eiginleika og Boeing 757 yfir Atlantshafið

Nokkur flugfélög, sem hafa verið í vanda með að finna arftaka fyrir Boeing 757 þoturnar sínar, hafa valið Airbus A321LR sem Airbus vill meina að leysa Boeing 757 af hólmi en bandarísku flugfélögin hafa tekið fram að sú þota sé ekki fær um að flytja eins marga farþega með sama drægi yfir Atlantshafið eins og Boeing 757 er fær um að gera.

Þá hafa flugfélögin sagt að Airbus A330-800neo sé of stór til að koma í stað Boeing 767 breiðþotunnar á sama tíma og Boeing 787-8 sé með of mikið flugdrægi og henti ekki á sérstökum flugleiðum frá austurströnd Bandaríkjanna til meginlands Evrópu en mörg bandarísk flugfélög hafa verið gjörn á að nota Boeing 757 og Boeing 767 á flugi til minni borga í Evrópu.

Boeing 757 þota United Airlines á Charles de Gaulle flugvellinum í París

Bandarísk flugfélög hafa notað til að mynda Boeing 757 í flug milli Newark og Kaupmannahafnar, Amsterdam og Philadelphia og milli Dublin og Kennedy-flugvallarins í New York svo eitthvað sé nefnt.

Doug Parker, framkvæmdarstjóri American Airlines, segir að félagið eigi í sambærilegum vandræðum við að finna hentuga flugvél til að leysa af hólmi sínar Boeing 757 og Boeing 767 þotur.

Löng vinna framunan áður en hægt er að hefja smíði á nýrri þotu

Bandaríska flugvélaleigan Air Lease Corporation segir að þrátt fyrir að Boeing séu búið að komast að því að stór markaður sé fyrir Boeing 797 þá sé mikil vinna framunan við rannsókn, þróun og hönnun áður en hægt er að hefja framleiðsluna sem mun síðan taka sinn tíma ásamt flugprófunum.

Steven Udvar-Házy, framkvæmdarstjóri Air Lease

Steven Udvar-Házy, framkvæmdarstjóri Air Lease, segir að fyrirtækið hafi mikinn áhuga á að fá fyrsta eintakið af Boeing 797 líkt og Delta Air Lines en fyrirtækið hefur sl. 5 til 6 ár verið í nánu samstarfi við Boeing við að reyna ákveða hvernig best væri að þróa vélina með tilliti til flugeiginleika og fjölda farþega og þá á eftir að finna rétt verð sem myndi henta sem flestum flugfélögum.

„Þetta er ekki að fara að gerast á næstu mánuðum. Þetta er mjög metnaðarfult verk sem mun taka sinn tíma“, segir Udvar-Házy sem tekur einnig fram að áætlanir Airbus um að lengja Airbus A321LR þotuna sé að setja mikla pressu á Boeing en Udvar-Házy efast um að það eigi eftir að verða að veruleika hjá Airbus.

Boeing lýsti því yfir í vikunni að þeir hafi nú komist að því að stór markaður sé fyrir Boeing 797 og sé búið að meta það sem svo að hentugasta stærðin væri þota sem kæmi með sætum fyrir 200 til 270 farþega.

Boeing hefur sagt að viðræður hafi nú þegar farið fram við tugi flugfélaga og er það því augljóst að vandasamt verður að komast að niðurstöðu um eiginleika vélarinnar svo hægt verði að gera flestum flugfélögum til geðs sem mörg hver hafa ólíkar óskir til að uppfylla rekstrarþarfir.

„Eftirspurnin eru eftir þotu sem er mitt á milli þess að vera mjóþota með einum gangi og breiðþotu með tveimur göngum. Raunhæfasta stærðin væri þota sem kæmi með sætum fyrir 200 til 270 farþega. Þetta er stórt tækifæri fyrir okkur“, sagði Kevin McAllister, framkvæmdarstjóri yfir farþegaþotudeild Boeing, á dögunum á árlegri flugmálaráðstefnu á vegum bandaríska viðskiptaráðsins sem fram fór í Washington D.C. 







  fréttir af handahófi

Tölvukerfi bilaði í Shanwick flugumferðarstjórninni

4. október 2018

|

Rannsóknarnefnd á vegum flugmálayfirvalda á Írlandi vinnur nú að því að rannsaka tæknilega örðuleika sem komu upp í flugumferðarstjórnstöð í Ballycasey á Írlandi í gærkvöldi sem olli því að loka þur

Árekstur er tvær flugvélar lentu nánast samtímis í Súdan

3. október 2018

|

Tvær Antonov-herflugvélar skullu saman í lendingu á flugvellinum í Khartoum, höfuðborg Súdan, í dag er þær lentu nánast á sama tíma á brautinni.

Aer Lingus hefur áhuga á Airbus A321XLR

2 nóvember 2018

|

Aer Lingus segir að vel kæmi til greina að panta Airbus A321XLR sem er ný útgáfa af A321LR þotunni sem gæti orðið ný útgáfa af Airbus ef ákveðið verður að gera enn langdrægari útgáfu af A321LR.

  Nýjustu flugfréttirnar

Fyrsta risaþotan hjá Lufthansa máluð í nýju litunum

12. desember 2018

|

Nýlega var lokið við að mála fyrstu Airbus A380 þotuna í nýjum litum Lufthansa en það var þotan D-AIMD sem var fyrsta risaþotan a þeim fjórtán sem máluð var.

Flaug síðasta flugið sitt í bleikum búning

11. desember 2018

|

Eitt sinn skulu allir atvinnuflugmenn setja hattinn í hilluna og í flestum löndum er það þegar flugmenn ná 65 ára aldri.

Reyndi að laga rifu á glugga í umferðarhring en brotlenti

11. desember 2018

|

Samgönguöryggisnefnd Bandaríkjanna hefur komist að þeirri niðurstöðu að óviðeigandi og ótímabær viðbrögð flugmanns við rifu á glugga á neyðarútgang eftir að farþegar hans kvörtuðu yfir kulda um borð

Fækka þotum til að koma í veg fyrir lögsókn frá flugvélaleigu

11. desember 2018

|

Flugfélagið Avianca Brazil neyðist til þess að fækka flugvélunum í flotanum með því að losa sig við átta flugvélar og skila þeim til baka til flugvélaleigu sem á vélarnar til að komast hjá lögsókn.

Norwegian Air Sweden hefur starfsemi sína

9. desember 2018

|

Norwegian Air Sweden hefur flogið sitt fyrsta áætlunarflug en félagið er dótturfélag Norwegian sem mun fljúga til og frá Svíðþjóð.

Hófu flugtak 400 metrum frá brautarenda á Gatwick

7. desember 2018

|

Flugmálayfirvöld í Bretlandi rannsaka nú atvik eftir að Dreamliner-þota af gerðinni Boeing 787-9 frá Norwegian notaði of stutta flugbraut í flugtaki á Gatwick-flugvellinum í London.

Skimun fyrir umsækjendur í atvinnuflugmannsnám hjá Keili

6. desember 2018

|

Flugakademía Keilir hefur innleitt skimun í tengslum við atvinnuflugmannsnám á vegum skólans fyrir næsta vor en umsækjendur þurfa að þreyta sérstakt rafrænt hæfnispróf.

280.000 farþegar með Icelandair í nóvember

6. desember 2018

|

Um 280.000 farþegar flugu með Icelandair í nóvember sl. sem er fjölgun upp á 12 prósent ef miðað er við nóvember árið 2017 þegar 249.000 farþegar flugu með félaginu.

WOW air flýgur jómfrúarflugið til Nýju-Delí á Indlandi

6. desember 2018

|

WOW air flaug í dag sitt fyrsta áætlunarflug til Nýju-Delí á Indlandi en aldrei áður hefur íslenskt flugfélag flogið áætlunarflug til Asíu og þá er um að ræða lengsta farþegaflug í íslenskri flugsög

Tíunda veggspjaldið fjallar um álag og streitu

6. desember 2018

|

Samgöngustofa hefur gefið út tíunda veggspjaldið af tólf í Dirty Dozen röðinni en að þessu sinni er fjallað um álag og viðbrögðum við streitu sem geta skert flugöryggi.