flugfréttir

Ryanair mun eignast 75 prósenta hlut í Laudamotion

- O´Leary hefur gert samning við Niki Lauda, stofnanda flugfélagsins Niki

20. mars 2018

|

Frétt skrifuð kl. 13:14

Michael O´Leary, framkvæmdarstjóri Ryanair, segist hlakka til þess að vinna með Niki Lauda að þróun flugfélagsins Laudamotion

Ryanair hefur greint frá því að félagið hafi náð samningi við Niki Lauda um kaup á 75 prósenta hlut í hinu nýja flugfélagi Laudamotion sem stofnað var eftir að Lauda náði að kaupa til baka flugfélagið Niki, félag sem hann stofnaði árið 2003, og var í eigu Air Berlin.

Niki mun á næstunni hefja áætlunarflug undir nýju nafni eftir að stofnandinn keypti næstum allar eigur félagsins til baka úr þrotabúi Air Berlin sem tók yfir rekstri flugfélagsins árið 2011.

Í yfirlýsingu frá Ryanair kemur fram að til standi að kaupa 24% hlut í Laudamotion til að byrja með en því næst verður hluturinn stækkaður upp í 75 prósent eins fljótt og mögulegt er en samkeppnisstofnun Evrópusambandsins á þó eftir að gefa grænt ljós fyrir kaupunum.

Niki Lauda mun sitja í stjórn Laudamotion og sjá til þess að rekstur félagsins verði á þann veg að hægt verði með árangursríkum hætti að gera Laudamotion að leiðandi lágfargjaldaflugfélag í Austurríki.

Ryanair mun setja fé í reksturinn og veita stjórnendum rekstraraðstoð og færa félaginu sex farþegaþotur til viðbótar en með því mun flotinn stækka upp í 21 þotu.

Kaupverðið á 75% hlut í Laudamotion verður um 6,1 milljarður og er stefnt á að félagið muni skila inn hagnaði á þriðja rekstrarári með flugflota upp á 30 þotur.

Fyrsta áætlunarflug Laudamotion er áætlað þann 25. mars og verður fyrsta flugið flogið frá Dusseldorf, Frankfurt og Stuttgart til Mallorca en félagið mun í sumar fljúga til sextán áfangastaða við Miðjarðarhafið frá Þýskalandi, Sviss og Austurríki.







  fréttir af handahófi

Norskur flugskóli pantar 60 rafknúnar kennsluflugvélar

13. apríl 2019

|

Norska flugfyrirtækið OSM Aviation hefur lagt inn pöntun í sextíu rafknúnar kennsluflugvélar frá Bye Aerospace af gerðinni eFlyer 2 sem munu fara í flota flugskólans OSM Aviation Academy.

Smíðaði sína eigin flugvél en var handtekinn eftir fyrsta flugið

1. apríl 2019

|

Lögreglan í Pakistan handtók í dag pakistanskan karlmann sem var nýlentur eftir að hafa flogið sitt fyrsta flug á flugvél sem hann hafði smíðað sjálfur og hannað frá grunni.

Airbus hefur misst pantanir í 103 þotur frá áramótum

8. mars 2019

|

Mikill fjöldi afpantana í nýjar þotur hjá Airbus hefur haft mikil áhrif á heildarfjölda þeirra flugvéla sem búið var að panta hjá framleiðandanum og hefur pöntunarlistinn því dregist saman þónokkuð.

  Nýjustu flugfréttirnar

Viðbrögð við flugslysi æfð í Grímsey

17. maí 2019

|

Um 40 manns tóku þátt í flugslysaæfingu sem haldin var í Grímsey dagana 10. og 11. maí síðastliðinn en æft var með heimamönnum og viðbragðsaðilum.

IATA lokar fyrir aðgang Avianca Brasil að ferðaskrifstofum

17. maí 2019

|

Alþjóðasamtök flugfélaganna (IATA) hafa sent tilkynningu til allra ferðaskrifstofa þar sem þeim er gert að hætta að selja flug með suður-ameríska flugfélaginu Avianca Brasil.

TWA flugstöðin opin aftur fyrir almenningi

15. maí 2019

|

Ein frægasta flugstöð heims, TWA bygginging (Terminal T5) á Kennedy-flugvellinum í New York, opnaði aftur í dag opinberlega í tengslum við TWA hótelið sem hóf starfsemi sína í dag við hliðina á flugst

Air France stefnir á niðurskurð í innanlandsfluginu

13. maí 2019

|

Air France stefnir á niðurskurð í innanlandsfluginu í Frakklandi og stendur til að draga úr framboðinu um 15 prósent. Með því vonast félagið til þess að hægt verði að draga úr taprekstri félagsins.

24 milljónir í verðlaunafé fyrir lausn á Bonanza-vandamáli

13. maí 2019

|

Samtök Bonanza-flugvélaeiganda í Bandaríkjunum (American Bonanza Society) hafa ákveðið að bjóða samtals 200.000 bandaríkjadali í verðlaunafé til þess aðila sem getur komið með lausn á vandamáli með „

Vonast til að geta farið að fljúga 737 MAX þotunum fyrir lok júlí

13. maí 2019

|

Flugfélagið Copa Airlines í Panama segist eiga von á því að geta farið að nota aftur Boeing 737 MAX þoturnar fyrir lok júlímánaðar.

Líkur á að Emirates hætti við Dreamliner-þoturnar

13. maí 2019

|

Svo virðist sem að Emirates hafi hætt við pöntun sína í Dreamliner-þotur Boeing en flugfélagið hafði gert samkomulag um pöntun á fjörutíu þotum af gerðinni Boeing 787-10 á Dubai Air Show flugsýningun

Etihad tilbúið í að endurfjárfesta í Jet Airways

10. maí 2019

|

Etihad Airways hefur gefið í skyn að félagið sé reiðubúið í að fjárfesta enn frekar í indverska flugfélaginu Jet Airways og setja ferskt rekstrarfé inn í rekstur félagins en Jet Airways hætti öllu áæ

Tilkynning vegna umfjöllunar um stöðvun flugvélar ALC

10. maí 2019

|

Isavia hefur sent frá sér tilkynningu vegna umfjöllunar í fjölmiðlum síðustu daga vegna máls er varðar Airbus A321 þotu sem kyrrsett hefur verið á Keflavíkurflugvelli frá gjaldþroti WOW air en þotan

Keilir býður upp á flugbúðir fyrir ungt fólk í sumar

9. maí 2019

|

Flugakademía Keilis mun í næsta mánuði bjóða ungu fólki, og öðrum sem hafa brennandi áhuga á flugi, upp á flugbúðir þar sem áhugasamir fá einstakt tækifæri á því að skyggnast á bakvið töld flugsins

 síðustu atvik

  2019-01-01 20:20:00