flugfréttir

Takmarkanir á Trent 1000 mun gera flugfélögum erfitt fyrir

- Tíðari skoðanir og skert ETOPS vegna vandamála hjá Rolls-Royce

17. apríl 2018

|

Frétt skrifuð kl. 14:22

Trent 1000 hreyfill frá Rolls-Royce

Takmarkanir hafa verið settar á notkun Trent 1000 hreyfilsins frá Rolls-Royce og hafa flugmálayfirvöld farið fram á tíðari skoðanir á hreyflinum.

Þetta var tilkynnt fyrir helgi í kjölfar vandamála sem upp hafa komið með Trent 1000 hreyfilinn en í ljós hefur komið að endingartími hreyflablaðanna er ekki nærri því eins mikill og gert var ráð fyrir og hafa smágerðar sprungur komið fram í blöðunum.

Þau flugfélög sem hafa Boeing 787 farþegaþotur sem koma með Trent 1000 hreyflinum gætu átt von á töluverðum röskunum og töfum er kemur að flugrekstri vegna þessa og gætu sum þeirra þurft að breyta flugleiðum eða nota aðrar farþegaþotur tímabundið.

Þá stefnir í að fjarflugsleyfi (ETOPS) þeirra Boeing 787 þotna, sem hafa Trent 1000 hreyfla, verði skert úr 330 mínútum niður í 140 mínútur sem þýðir að viðkomandi þotur þurfa að halda sig nær næsta varaflugvelli á langflugi og nær landi á flugi yfir úthöf sem skerðir langflugshæfni vélarinnar töluvert.

Með því þarf flugvél að taka á sig krók til að halda sig innan lágmarksfjarlægðar frá næsta flugvelli og getur því ekki flogið eins beina leið frá brottfararstað til áfangastaðar sem lengir flugleiðina töluvert.

Vandamálið varðar Trent 1000 hreyfla með Package C þjöppurými og nær vandamálið því ekki til þeirra flugvéla sem hafa Trent 1000 Package B eða Trent 1000 TEN hreyfla.

Air New Zealand er eitt þeirra flugfélaga sem hafa orðið fyrir barðinu á vandamálinu með Trent 1000 hreyfilinn

Í dag eru 380 Trent 1000 Package C hreyflar í notkun og mun vandamálið því snerta flugfélög á borð við Thai Airways, Air Europa, Avianca, Ehtiopian Airlines, LOT Polish Airlines, Norwegian, Air New Zealand, British Airways, LATAM og Virgin Atlantic.

Þá er farið fram á mun tíðari skoðanir og segir í yfirlýsingu frá flugöryggisstofnun Evrópu (EASA) að viðkomandi Trent 1000 hreyflar verði skoðaðir eftir hverja 80 flugferðir í stað þess að þeir séu athugaðir eftir hverja 200 ferðir.

Aðili, sem er kunnugur málinu, segir að tíðari skoðanir á hreyflinum eigi eftir að valda flugfélögum meiri erfiðleikum en skerðing á ETOPS.

Vegna vandamálsins hafa Dreamliner-þotur British Airways og Virgin Atlantic þurft að fara oftar í skoðun og viðgerð en vandamálið með Trent 1000 hreyflana kostaði Rolls-Royce 31 milljarð króna í fyrra.







  fréttir af handahófi

Stigabíll féll saman í Síberíu

12. febrúar 2019

|

Að minnsta kosti fimm slösuðust er stigabíll féll saman þegar farþegar voru að ganga um borð í Airbus-þotu hjá flugfélaginu Ural Airlines á flugvelli í Síberíu í dag.

Seldu óvart farmiða með 96 prósenta afslætti

2. janúar 2019

|

Bilun í bókunarkerfi hjá Cathay Pacific varð til þess að farþegum tókst að bóka flug með félaginu á Business Class farrými fyrir aðeins brot af því sem miðinn átti að kosta.

Spáð 8 prósent færri farþegum um Keflavíkurflugvöll í ár

30. janúar 2019

|

Í gær var kynnt ný farþegaspá um fjölda farþega sem fer um Keflavíkurflugvöll árið 2019 á morgunfundi Isavia á Hilton Reykjavík Nordica.

  Nýjustu flugfréttirnar

„Getum ekki flogið á þessa staði óstyrkta“

23. febrúar 2019

|

Það er næstum öruggt að flugsamgöngur til Þórshafnar og Vopnafjarðar leggjast af ef tillaga starfshóps á vegum Samgönguráðuneytisins um breytingar á samgöngukerfi nær fram að ganga sem gerir ráð fyri

FAA varar við því að fljúga í gegnum lofthelgi Venesúela

23. febrúar 2019

|

Bandarísk flugmálayfirvöld (FAA) hafa sent frá sér aðvörun þar sem bandarískum flugfélögum er ráðlagt að hafa varann á ef flogið er í gegnum lofthelgi Venesúela vegna vaxandi óstöðugleika.

Næsta retro-flugvél British Airways verður í litum BEA

22. febrúar 2019

|

British Airways hefur ákveðið að Airbus A319 þota verði næsta flugvél félagsins til þess að verða máluð í gömlum litabúningi líkt og flugvélar félagsins litu út í gamla daga.

Boeing 737 þota Norwegian á förum frá Íran á næstu dögum

22. febrúar 2019

|

Norwegian á loksins von á því að geta fengið eina af Boeing 737 MAX þotunum í flotanum heim frá Íran en um er að ræða þotu sem hefur verið föst í landinu frá því að flugvélin hafði þar óvænta viðkomu

Metfjöldi farþega um Heathrow-flugvöll árið 2018

21. febrúar 2019

|

Aldrei hafa eins margir flugfarþegar farið um Heathrow-flugvöll í sögu flugvallarins líkt og árið 2018 þegar 80.1 milljón farþega fór um völlinn.

AirBaltic mun hætta með Boeing 737 í haust

20. febrúar 2019

|

Flugfélagið airBatlic ætlar sér að hætta með Boeing 737 þoturnar fyrr en áætlað var.

Ný Airbus-þota fékk ekki leyfi til að fljúga yfir Íran

20. febrúar 2019

|

Splunkunýrri Airbus A320 þotu sem var í afhendingarflugi frá Airbus í Hamborg á leið til Nýja-Sjálands var gert að snúa við yfir Tyrklandi þar sem í ljós kom að þotan hafði ekki leyfi til þess að flj

Fjallabylgjur og flug undir lágmarksflughæð orsök flugslyss

19. febrúar 2019

|

Flugmálayfirvöld í Íran hafa birt lokaskýrslu varðandi flugslys sem átti sér stað þann 18. febrúar í fyrra er farþegaflugvél af gerðinni ATR 72-200 fórst í fjalllendi í innanlandsflugi í landinu.

Þrír bæjarstjórar vilja koma á flugsamgöngum til Sylt

19. febrúar 2019

|

Þrír þýskir bæjarstjórar í bæjunum Klixbüll, Leck og Niebüll vilja koma á flugsamgöngum til eyjunnar Sylt þar sem lestarsamgöngur hafa ekki gengið snuðrulaust fyrir sig að undanförnu.

Einkafyrirtæki styrkir nýja flugbraut á eyjunni Catalina

19. febrúar 2019

|

Hafist hefur verið handa við að lagfæra og koma flugbrautinni á eyjunni Catalina við strendur Los Angeles í nothæft ástand á ný.

 síðustu atvik

  2019-01-01 20:20:00