flugfréttir

Avinor vill ekki malbika alla flugbrautina í Røros

- Hafa áhyggjur af því að stærri flugvélar en Dash 8 geta ekki lent á vellinum

17. apríl 2018

|

Frétt skrifuð kl. 19:11

Frá flugvellinum í norska bænum Røros

Flugrekstaraðilar í miðhluta Noregs hafa áhyggjur af sparnaðaraðgerðum norska flugumferðarþjónustufyrirtækisins Avinor sem ætlar sér ekki að endurnýja alla flugbrautina á flugvellinum í bænum Røros.

Flugbrautin á flugvellinum í Røros er 1.700 metra löng en vegna sparnaðar ætlar Avinor aðeins að malbika 1.200 metra langan kafla brautarinnar.

Yfirmaður flugvallarins óttast að með þessu þá muni flugvöllurinn ekki geta tekið við stærri flugvélum en þeim Dash 8 flugvélum sem Widerøe notar í áætlunarflugi til Oslóar og sé því ekki lengur möguleiki á að önnur flugfélög geti hafið áætlunarflug til Røros með stærri flugvélum.

„Við gerum okkur grein fyrir því að Avinor vill setja minna fé í flugvöllinn þar sem þeir sjá að flugumferðin er ekki mikil sem fer um völlinn en það er frekar mikil heimska að malbika ekki alla brautina“, segir Hans Vintervold, yfirmaður flugvallarins í Røros.

Flugbrautinn í Røros er 1.700 metra löng en Avinor vill aðeins malbika 70% brautarinnar

Árið 2016 lenti Airbus A319 þota frá Air Berlin á flugvellinum auk þess sem Boeing 737 þotur frá SAS hafa lent þar en slíkt er ekki hægt ef nýting flugbrautarinnar verður skert með styttra yfirlagi.

Útboðstími til verksins rennur út á næstu dögum og ætlar flugvöllurinn og bæjarstjórnin í Røros að gera tilraun til þess að fá Avinor af þeirri ákvörðun að malbika bara hluta flugbrautarinnar á þeim forsendum að það skerði möguleika á því að efla ferðamannaiðnaðinn á svæðinu.







  fréttir af handahófi

Boeing forðar nýjum þotum frá Suður-Karólínu vegna fellibyls

12. september 2018

|

Boeing undirbýr sig fyrir komu fellibylsins Florence sem nálgast nú austurströnd Bandaríkjanna en Boeing hefur verksmiðjur í Charleston í Suður-Karólínu þar sem Boeing 787-9 og Boeing 787-10 eru fram

Skortur á flugmönnum fyrir nýjar þotur hjá SAS Ireland

24. ágúst 2018

|

Nokkrar af næstu Airbus A320neo þotum sem SAS Ireland fær afhentar á næstu mánuðum munu fara í staðinn í flota SAS í Skandínavíu þar sem fleiri flugmenn eru tiltækir til þess að fljúga þeim á Norðurl

FBI ræðir við flugvallarstarfsfólk

15. ágúst 2018

|

Bandaríska alríkislögreglan (FBI) ræður nú við starfsfólk á Seattle-Tacoma flugvellinum auk starfsfólks hjá Alaskan Airlines og Horizon Air í tengslum við atvikið sem átti sér stað þann 10. ágúst er

  Nýjustu flugfréttirnar

KLM íhugar að kaupa Cessnur til að ferja varahluti og flugvirkja

12. nóvember 2018

|

Hollenska flugfélagið KLM Cityhopper skoðar nú möguleika á því að festa kaup á litlum flugvélum af gerðinni Cessna.

Alvarlegt atvik rannsakað þar sem flugmenn misstu alla stjórn

12. nóvember 2018

|

Verið er að rannsaka alvarlegt atvik sem átti sér stað í gær er flugmenn á Embraer E190 farþegaþotu frá Air Astana misstu stjórn á vélinni skömmu eftir flugtak frá flugvellinum í Lissabon.

Þróaði með sér flughræðslu við að fara af Q400 yfir á þotu

11. nóvember 2018

|

Dómstóll í Bretlandi hefur komist að þeirri niðurstöðu að flugfélagið Flybe fór ekki heiðarlega að máli eins flugmanns sem var rekinn frá félaginu eftir að hann þróaði með sér flughræðslu eftir að ha

Misstu stjórn á Embraer-þotu rétt eftir flugtak í Lissabon

11. nóvember 2018

|

Farþegaþota frá flugfélaginu Air Astana lýsti yfir neyðarástandi (7700) á fjórða tímanum í dag, rétt eftir flugtak frá flugvellinum í Lissabon í Portúgal, en flugmennirnir sögðu að þeir hefðu litla s

Air New Zealand og ATR í tæknisamstarf um nýjan aflgjafa

10. nóvember 2018

|

Flugvélaframleiðandinn ATR og Air New Zealand hafa gert með sér samning um samstarf um þróun á að nota blandaðan orkugjafa fyrir skrúfuflugvélar í farþegaflugi.

Flugstjóri hjá Air India féll í annað skipti á áfengisprófi

9. nóvember 2018

|

Air India hefur rekið yfirflugstjóra félagsins, sem er einnig yfirmaður yfir rekstrardeildinni, þar sem hann féll á áfengisprófi í annað sinn á einu ári rétt áður en hann átti að fljúga farþegaþotu f

Sigrún Björk Jakobsdóttir tekur við flugvallarsviði Isavia

8. nóvember 2018

|

Sigrún Björk Jakobsdóttir hefur verið ráðin framkvæmdastjóri flugvallasviðs Isavia og hefur hún störf 4. desember næstkomandi.

Tuttugu kyrrsettar þotur hjá Air India munu fljúga á ný

8. nóvember 2018

|

Tæplega tuttugu þotur af gerðinni Airbus A320, Airbus A319 og Airbus A321 í flota Air India munu hefja sig á næstunni til flugs eftir að hafa verið kyrrsettar vegna fjárhagserfiðleika félagsins.

Norwegian selur fimm nýjar Airbus A320neo þotur

7. nóvember 2018

|

Norwegian hefur ákveðið að selja fimm Airbus A320neo þotur og segir félagið að salan sé liður í að auka lausafjárstöðu félagsins og styrkja rekstur þess.

Áhöfn Ryanair sem svaf á gólfinu sagt upp störfum

7. nóvember 2018

|

Ryanair hefur rekið tvo flugmenn og fjórar flugfreyjur og flugþjóna vegna ljósmyndar sem birtist af þeim sofandi á gólfinu í starfsmannaherbergi á flugvellinum í Málaga í október en lágfargjaldafélag