flugfréttir

Orsök flugslyss: Flugmenn slepptu tékklista fyrir flugtak

- Fóru ekki yfir „Before Take-Off“ tékklista sem tilgreindi hita í stemmuröri

20. apríl 2018

|

Frétt skrifuð kl. 12:05

Flugmennirnir fengu nánast strax flugtaksheimild og drifu sig í loftið en gleymdu að fara yfir before take-off tékklistann

Flugmálayfirvöld í Rússlandi telja að flugmenn Antonov An-148 farþegaþotunnar frá Saratov Airlines, sem fórst skömmu eftir flugtak frá Domodedovo-flugvellinum í Moskvu þann 11. febrúar á þessu ári, hafi sleppt þeim hluta tékklistans þar sem tilgreind er sú aðgerð að setja hita á stemmurör.

Flugvélin var á leið til borgarinnar Orsk í Rússlandi en um borð voru 65 farþegar auk sex manna áhafnar og komst enginn lífs af úr slysinu er vélin hrapaði til jarðar úr 6.000 feta hæð, skammt austur af Moskvu.

Rosaviatsia, rússnesku flugmálayfirvöldin, segja að flugmenn vélarinnar hafi haft samband við grundtíðnina klukkan 14:00 til að fá leyfi til að ræsa hreyfla.

Flugmennirnir fóru yfir „before engine start“ tékklista klukkan 14:02 og fóru því næst yfir „before taxi“ listann áður en þeir byrjuðu að aka frá hliði klukkan 14:07.

Sá listi inniheldur atriði á borð við að virkja hita fyrir stemmurör sem á ensku nefnist „pitot static heating system“ en það kerfi setur hita á lítið rör sem mælir loftþrýsting til að knýja mæla í stjórnklefanum sem sýna upplýsingar um flughraða, flughæð og lóðréttan flughraða.

Ef stemmurör stíflast við ísingaraðstæður sýna mælarnir rangar upplýsingar en til að koma í veg fyrir það á flugvélum sem fljúga við slíkar aðstæður er hitakerfi sem setur hita á rörið til að koma í veg fyrir ísingu.

Rosaviatsia segir að samkvæmt aðgerðarhandbók flugfélagsins þá sé atriðið er varðar hitakerfi fyrir stemmurör tilgreint í „before take-off“ tékklista en sérfræðingar hafa farið yfir gögn úr flugrita og hefur komið í ljós að á engum tímapunkti var hiti settur á þau þrjú stemmurör sem flugvélin hefur.

Fengu strax flugtaksheimild er þeir byrjuðu að aka frá hliði

Flugmennirnir fengu nánast samstundis flugtaksheimild er þeir hófu akstur frá hliði og kemur fram að þeir hafi ekki farið yfir „before take-off“ listann og drifið sig strax í loftið og þar með gleymt að athuga hvort að stemmurörið hafi verið upphitað.

Flugvélin hóf sig á loft klukkan 14:21 og var sjálfstýringin virkjuð í 490 feta hæð og voru flapar teknir upp í 1.800 feta hæð.

Tveimur mínútum síðar fóru hraðamælar að sýna óáreiðanlegan flughraða og misstu flugmennirnir stjórn á vélinni skömmu síðar.

Vélin fórst 6 mínútum eftir flugtak og brotlenti á akri í 40 kílómetra fjarlægð norðaustur af Domodedovo-flugvellinum.







  fréttir af handahófi

WOW air gerir samning við FL Technics í Litháen

11. apríl 2018

|

WOW air hefur gert samning við viðhaldsþjónustufyrirtækið FL Technics í Litháen um almennt viðhald (base maintenance) og skoðanir á Airbus-þotum félagsins.

Svona mun Boeing 797 líta út

12. mars 2018

|

Birtar hafa verið fyrstu myndirnar af Boeing 797 sem flugvélaframleiðandinn bandaríski stefnir á hefja framleiðslu á en um tölvugerðar þrívíddarmyndir er að ræða sem sýna fyrstu drög að lokaútliti fr

Fimmtán Boeing 737 þotur skemmdust í hagléli í Argentínu

23. mars 2018

|

Argentínska flugfélagið Aerolineas Argentinas hefur kyrrsett fimmtán Boeing 737 þotur eftir að þær urðu fyrir skemmdum í kjölfar hagléls sem gekk yfir Aeroparque Jorge Newbery flugvöllinn í Buenos Ai

  Nýjustu flugfréttirnar

Fyrsta flug WOW air til St. Louis

18. maí 2018

|

WOW air flaug í gær fyrsta áætlunarflugið til St. Louis í Missouri sem er nýr áfangastaður sem bætist við í flóruna í Keflavík.

Saratov Airlines á leið í gjaldþrot

18. maí 2018

|

Rússneska flugfélagið Saratov Airlines mun að öllum líkindum leggja árar í bát og hætta starfsemi en flugfélagið hefur ekki náð sér á strik í kjölfar flugslyss er Antonov An-148 þota félagsins fórst

Icelandair flýgur fyrsta flugið til Cleveland

17. maí 2018

|

Icelandair flaug í gær sitt fyrsta áætlunarflug til Cleveland í Ohio sem er nýjasti áfangastaðurinn í leiðarkerfi félagsins.

Hafa aðeins 48 tíma til að innrita sig á Netinu

17. maí 2018

|

Ryanair hefur ákveðið að taka upp sérstakt aukagjald fyrir þá sem innrita sig ekki í flug á Netinu og þá hafa farþegar einnig styttri tíma til að innrita sig.

Mexíkó hafnar beiðni Emirates um að fljúga til landsins

17. maí 2018

|

Stjórnvöld í Mexíkó hafa meinað Emirates að fljúga til landins en flugfélagið hugðist fljúga frá Dubai til Mexíkóborgar með viðkomu í Barcelona og nýta sér með því loftferðasamning sem kveður á um hi

EasyJet UK fær breskt flugrekstrarleyfi

17. maí 2018

|

EasyJet hefur tilkynnt að dótturfélagið, easyJet UK, hafi fengið í hendurnar breskt flugrekstrarleyfi sem er hluti af stefnu félagsins til að bregðast við þeim áhrifum sem útganga Breta úr Evrópusamb

Kína endurskoðar reglur um takmarkanir á flugleiðum

16. maí 2018

|

Flugmálayfirvöld í Kína segja að til standi að endurskoða núverandi reglugerð sem kölluð hefur verið „ein flugleið - eitt flugfélag“ sem var tekin upp árið 2009.

Búnaður við landgang á erfiðara með að skynja dökkar flugvélar

16. maí 2018

|

Flugöryggisstofnun Evrópu (EASA) hefur gefið frá sér yfirlýsingu með tilmælum til þeirra flugfélaga, sem hafa flugvélar í flota sínum sem eru málaðar í mjög dökkum litum, þar sem varað er við því að

Flybe ætlar að fækka í flotanum

16. maí 2018

|

Breska flugfélagið Flybe hefur eftir gaumgæfilega athugun komist að því að Bombardier Q400 flugvélarnar séu bestu vinnuhestarnir í flota félagsins en félagið stefnir samt sem áður á að fækka flugvélu

Loftleiðir semja við National Geographic um lúxusflugferðir

16. maí 2018

|

Loftleiðir Icelandic, dótturfélag Icelandair Group, hefur samið við National Geographic Partners / Global Adrenaline ferðaskrifstofuna um leiguflug með hópa í hágæðaheimsferðum.

 síðustu atvik

  2018-01-01 19:24:00