flugfréttir
Langdrægasta farþegaþota heims flýgur sitt fyrsta flug
- Airbus A350-900ULR gæti flogið beint flug frá Íslandi til Nýja-Sjálands
23. apríl 2018
|
Frétt skrifuð kl. 17:10
Airbus A350-900ULR hefur sig til flugs í morgun
Fyrsta Airbus A350-900ULR hefur flogið sitt fyrsta flug en þotan verður langdrægasta farþegaþota heims þegar hún kemur á markaðinn.
Jómfrúarflugið átti sér stað klukkan 10:45 í morgun að Evróputíma en Airbus A350-900ULR hefur fjögurra tíma lengra flugþol en hefðbundin Airbus A350-900 þota
og getur flogið 20 klukkustunda langt flug í beinu flugi.
Singapore Airlines mun nota þessa flugvélategund til að endurvekja beint áætlunarflug
milli Singapore og Newark-flugvallarins í Bandaríkjunum sem var lengsta farþegaflug heims
en félagið hætti því flugi árið 2013 þar sem Airbus A340-500 þotan þótti óhagkvæm
til flugsins.
Nokkrar hönnunarbreytingar hafa verið gerðar á þotunni og þá aðallega á væng vélarinnar
til að auka eiginleika hennar auk þess sem þotan verður 1% sparneytnari en hefðbundin Airbus
A350-900 en breytingarnar verða gerðar staðlaðar fyrir nýjustu A350 þoturnar.
„Það mikilvæga við þessar endurbætur er að flugfélög geta ráðið hvort þau vilja að bættari eiginleikar skili sér í fleiri farþegum um borð eða auknu flugþoli“, segir
Marisa Lucas-Ugena, markaðsstjóri yfir A350 deildinni.
Airbus A350-900ULR hefur flugdrægi upp á 9.700 nm sem samsvarar 18.149 kílómetrum
og gæti þotan því flogið í beinu flugi frá Keflavíkurflugvelli til Nýja-Sjálands og ætti samt tæpa
1.000 kílómetra eftir af eldsneyti.
Airbus A350-900ULR mun því hirða fyrsta sætið af Boeing 777-200LR sem í dag
er langdrægasta farþegaþota heims en sú þota getur flogið 8.555 nm (15.843 km) sem gefur
flugþol upp á 18 klukkustundir.
Farþegarýmið er sérstaklega hannað með ofur-þægindi í huga til að gera flugferðina
sem þægilegasta fyrir 20 tíma flug og þá verður farþegarýmið einstaklega hljóðlátt.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
