flugfréttir

Flugkennsla í Ástralíu í niðurníðslu - Mörgum flugskólum hefur verið lokað

- Sakar stjórnvöld um að hafa eyðilagt þann iðnað sem snýr að flugnámi

25. apríl 2018

|

Frétt skrifuð kl. 15:02

Dick Smith segir að margir flugskólar í Ástralíu séu hægt og rólega að leggja árar í bát og sé við áströlsk stjórnvöld að sakast

Dick Smith, fyrrum yfirmaður hjá áströlskum flugmálayfirvöldum, sakar ríkisstjórn Ástralíu um að hafa eyðilagt þann iðnað sem snýr að flugkennslu og flugþjálfun í Ástralíu.

Smith bendir á að áströlskum flugmönnum hafi fækkað töluvert á undanförnum árum, flugkennsla hafi dregist saman um 30 prósent og að fjölmargir flugskólar í landinu hafa hætt starfsemi sinni, orðið gjaldþrota eða hafi verið seldir til kínverskra fjárfesta.

Mun færri atvinnuflugmenn útskrifast í dag frá áströlskum flugskólum og hafa að undanförnu verið ráðnir yfir 450 erlendir flugmenn til að fljúga þotum fyrir áströlsk flugfélög.

Smith segir að ríkisstjórnin í Ástralíu hafi hunsað innviði flugsins í landinu að mörgu leyti og þá sérstaklega er kemur að flugkennslu sem hefur setið á hakanum miðað við önnur lönd.

„Unglingar koma úr menntaskóla og vilja verða flugmenn en finnst flugnámið vera of dýrt“, segir Smith en kostnaður fyrir hvern nemanda að læra til atvinnuflugmanns í Ástralíu kostar um 7,6 milljónir króna.

Á fimm árum hefur flugkennsla í Ástralíu dregist saman um 30 prósent

„Það er allt dýrara í kringum flugið í Ástralíu á borð við kostnað að koma upp flugskóla, starfsmannamál og fleira. Við búum við mjög gott flugöryggi en við höfum ekki nógu marga flugmenn til að fljúga eða kenna þar sem stjórnvöld hafa eyðilagt alla flugþjálfun í landinu“, segir Smith.

Óttast um að öryggið eigi eftir að versna með erlendum flugmönnum

Þá segir Smith að hann óttist að öryggi í flugi eigi eftir að fara niður á við þegar verið er að taka erlenda flugmenn sem komi frá löndum þar sem flugöryggið er ekki eins mikið og í fluginu í Ástralíu.

„Það er verið að setja upp auglýsingar um allan heim til að óska eftir flugmönnum í Ástralíu og þeir koma frá löndum á borð við Indland og einnig frá Afríku“, segir Smith.

Cessna 172 Skyhawk kennsluflugvél frá Airline Academy of
Australia

„Við gætum þurft að glíma við alvarlegt vandamál er kemur að flugöryggi því að flugöryggið í Ástralíu í dag er tilkomið vegna ástralska flugmanna sem hafa haldið uppi mjög góðu orpspori fyrir landið sl. ár“.

5 þúsund færri flugmenn í Ástralíu á þremur árum

„Ég hef áhyggjur af þessu því ég er mjög stoltur Ástralí. Þetta hefur enginn áhrif á mig persónulega því á ég mína eigin flugvél en ég er að horfa upp á iðnað sem er komin í niðurníðslu“.

Samkvæmt skýrslu frá áströlskum flugmálayfirvöldum þá voru 36.158 flugmenn í Ástralíu árið 2014 en í fyrra var sá fjöldi komin niður í 31.110 flugmenn.

Smith hvetur stjórnvöld í landinu til þess að breyta reglugerðum þannig að auðveldara sé fyrir áhugasama um að hefja flugnám og það verði hagkvæmara nám upp á fjárhaginn að gera.

Dick Smith hefur í mörg ár barist fyrir flugmálum í Ástralíu og sakað ríkisstjórnina í landinu um að gera einkafluginu erfitt fyrir

„Það eru tugþúsundir flugmanna frá öðrum löndum á borð við Bandaríkjunum, Kína, Kanada og Bretlandi sem bíða eftir að koma hingað og starfa hér. Við getum eins lokað öllum flugskólum í Ástralíu og þeir eru að hætta starfsemi sinni nú þegar hver á fætur öðrum“, segir Smith.

Um helmingur flugskóla í Ástralíu í eigu kínverskra fjárfesta

Í dag eru um 320 flugskólar í Ástralíu en meðal þeirra flugskóla sem hafa hætt starfsemi sinni að undanförnu eru Aerospace and Sydney Flight Training Centre í Sydney, Australis Aviation College, Airline Academy of Australia og Royal Queensland Aero Club í Brisbane.

Fram kemur að margir flugskólar hafa verið seldir til kínverskra fjárfesta vegna fjárhagsvanda og þá hefur vandinn keðjuverkandi áhrif á annan iðnað á borð við flugvélaþjónustu og viðhaldsfyrirtæki sem sjá nú fram á færri verkefni.

Smith hefur boðað til opins fundar á morgun í borginni Wagga Wagga til að ræða vandann í flugmálum í Ástralíu.







  fréttir af handahófi

Lítil flugvél fórst við prófanir á aðflugsbúnaði í Dubai

17. maí 2019

|

Flugmálayfirvöld í Sameinuðu arabísku furstadæmunum rannsaka nú flugslys sem átti sér stað í gær úti fyrir ströndum Dubai er lítil tveggja hreyfla flugvél af gerðinni Diamond DA62 fór í sjóinn í Pers

Southwest höfðar mál gegn félagi flugvirkja

3. mars 2019

|

Southwest Airlines hefur höfðað mál gegn starfsmannafélagi flugvirkja í Bandaríkjunum þar sem flugfélagið telur að seinkanir og seinagangur meðal flugvirkja félagsins, er varðar viðhald á flugflota S

KEF í 4. sæti í alþjóðlegri þjónustukönnun flugvalla

8. mars 2019

|

Keflavíkurflugvöllur er í fjórða sæti yfir þá evrópska flugvelli með 5-15 milljón farþega sem veittu bestu þjónustuna árið 2018.

  Nýjustu flugfréttirnar

TUI íhugar að hætta við Boeing 737 MAX þoturnar

20. maí 2019

|

Flugfélaga- og ferðasamsteypan TUI hefur tilkynnt að allt stefni í að afkoma flugfélagsins TUI verði frekar slæm eftir fyrri helming ársins og hefur fyrirtækið varað fjárfesta við því að seinni helmi

SAS bætir Lúxemborg við leiðarkerfið

20. maí 2019

|

SAS (Scandinavian Airlines) hefur ákveðið að hefja flug til Lúxemborg en í tilkynningu kemur fram að félagið ætli að fljúga frá Arlanda-flugvellinum í Stokkhólmi til Lúxemborgar frá og með byrjun nóv

Ryanair frestar afhendingum á 737 MAX fram í nóvember

20. maí 2019

|

Ryanair hefur ákveðið að fresta afhendingum á þeim Boeing 737 MAX þotum sem pantaðar voru á sínum tíma en lágfargjaldafélagið írska átti að taka við fyrstu þotunum á næstu dögum.

Viðbrögð við flugslysi æfð í Grímsey

17. maí 2019

|

Um 40 manns tóku þátt í flugslysaæfingu sem haldin var í Grímsey dagana 10. og 11. maí síðastliðinn en æft var með heimamönnum og viðbragðsaðilum.

IATA lokar fyrir aðgang Avianca Brasil að ferðaskrifstofum

17. maí 2019

|

Alþjóðasamtök flugfélaganna (IATA) hafa sent tilkynningu til allra ferðaskrifstofa þar sem þeim er gert að hætta að selja flug með suður-ameríska flugfélaginu Avianca Brasil.

TWA flugstöðin opin aftur fyrir almenningi

15. maí 2019

|

Ein frægasta flugstöð heims, TWA bygginging (Terminal T5) á Kennedy-flugvellinum í New York, opnaði aftur í dag opinberlega í tengslum við TWA hótelið sem hóf starfsemi sína í dag við hliðina á flugst

Air France stefnir á niðurskurð í innanlandsfluginu

13. maí 2019

|

Air France stefnir á niðurskurð í innanlandsfluginu í Frakklandi og stendur til að draga úr framboðinu um 15 prósent. Með því vonast félagið til þess að hægt verði að draga úr taprekstri félagsins.

24 milljónir í verðlaunafé fyrir lausn á Bonanza-vandamáli

13. maí 2019

|

Samtök Bonanza-flugvélaeiganda í Bandaríkjunum (American Bonanza Society) hafa ákveðið að bjóða samtals 200.000 bandaríkjadali í verðlaunafé til þess aðila sem getur komið með lausn á vandamáli með „

Vonast til að geta farið að fljúga 737 MAX þotunum fyrir lok júlí

13. maí 2019

|

Flugfélagið Copa Airlines í Panama segist eiga von á því að geta farið að nota aftur Boeing 737 MAX þoturnar fyrir lok júlímánaðar.

Líkur á að Emirates hætti við Dreamliner-þoturnar

13. maí 2019

|

Svo virðist sem að Emirates hafi hætt við pöntun sína í Dreamliner-þotur Boeing en flugfélagið hafði gert samkomulag um pöntun á fjörutíu þotum af gerðinni Boeing 787-10 á Dubai Air Show flugsýningun

 síðustu atvik

  2019-01-01 20:20:00