flugfréttir
Fékk veðurloftbelg í hreyfil skömmu eftir flugtak
30. apríl 2018
|
Frétt skrifuð kl. 14:27
Flugvélin var komin í 3.000 feta hæð þegar veðurloftbelgur fór í veg fyrir hana
Farþegaþota frá Air India neyddist til þess að snúa við skömmu eftir flugtak í innanlandsflugi á Indlandi gær eftir að vélin flaug á veðurloftbelg sem fór inn í annan hreyfil vélarinnar.
Þotan, sem er af gerðinni Airbus A321, var nýfarin í loftið frá Indira Ghandi flugvellinum í Delhi, áleiðis til borgarinnar
Srinagar, þegar flugmennirnir neyddust til þess að slökkva á öðrum hreyflinum.
Á sama tíma og flugvélin fór í loftið frá Delhi voru veðurfræðingar að sleppa rannsóknarloftbelgi í loftið
frá Veðurstofu Indlands sem er staðsett er í 10 kílómetra fjarlægð austur af flugvellinum í borginni.
Þotan var komin í 3.000 feta hæð þegar upp kom bilun í hreyflinum en að sögn flugmannanna höfðu þér
séð veðurloftbelg stefna beint í veg fyrir þá.
Um 180 farþegar voru um borð í vélinni sem lenti aftur á Indira Ghandi flugvellinum tæpum hálftíma eftir flugtak.
Aðili, sem starfar hjá Air India, staðfesti við fjölmiðla að loftbelgur, sem notaður er við háloftarannsóknir og vindmælingar
fyrir flugumferð, hefði sogast
inn í vinstri hreyfilinn á þotunni sem olli gangtruflunum.
Verið er að rannsaka hvort að loftbelgnum hafi verið sleppt á röngum tíma og hvort það hafi verið gert í samráði
við flugumferðarstjórn en veðurstofan á Indlandi sendir nokkra veðurloftbelgi upp í háloftin á sólarhring.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
