flugfréttir

Afhjúpun minnisvarðar um flugslys á Reykjanesi

- Minningarathöfn á morgun vegna flugslyss á Fagradalsfjalli fyrir 75 árum

2. maí 2018

|

Frétt skrifuð kl. 14:58

Flak flugvélarinnar á Fagradalsfjalli í maí árið 1943

Á morgun verður þess minnst að 75 ár verða liðin frá því að bandarísk sprengjuflugvél af gerðinni B-24D Liberator fórst á Fagradalsfjalli á Reykjanesi þann 3. maí árið 1943.

Flugvélin var á leið heim til Bandaríkjanna í fyrirhugaða sigurför sem fyrsta sprengjuflugvélin sem hafði náð ósködduð að fljúga 25 árásarferðir frá Bretlandi yfir meginland Evrópu í seinni heimsstyrjöldinni.

Í fyrstu voru margar slíkar flugvélar skotnar niður af orrustuflugmönnum Þjóðverja og hét Bandríkjaher áhöfnum sprengjuflugvéla sem lykju 25 árásarferðum að þeir fengju að snúa heim. Áhöfn „Hot Stuff“ var sú fyrsta til að ná þessum merka árangri.

Í flugslysinu fórust fjórtán manns, þar á meðal Frank M. Andrews hershöfðingi og æðsti maður herafla Bandaríkjanna í Evrópu sem var á leið til Washington til þess að leggja á ráðin um undirbúning innrásar Bandamanna á meginland Evrópu. Einn maður lifði slysið af, George A. Eisel stélskytta, og var það í annað sinn sem hann komst lífs af úr slíku flugslysi.

Frank M. Andrews hershöfðingi og æðsti maður yfir herafla
Bandaríkjahers

Við fráfall Andrews tók Dwight D. Eisenhower hershöfðingi við sem æðsti maður herafla Bandaríkjanna í Evrópu og alls herafla bandamanna í Evrópu og stjórnaði innrásinni í Normandí árið eftir. Eisenhower var síðan forseti Bandaríkjanna á árunum 1953 - 1961. Andrews hershöfðingi var ötull talsmaður þess að bandaríski flugherinn yrði gerður að sjálfstæðri liðsdeild og er honum jafnan eignaður heiðurinn að því að sú skipan komst á árið 1947. 

Var Andrews herflugvöllurinn í Maryland, aðsetur einkaflugvélar Bandaríkjaforseta, Air Force One, nefndur til heiðurs honum. Bandaríska herstjórnin á Íslandi nefndi nýreist íþróttahús við Hálogaland í Reykjavík Andrews Memorial Field House til heiðurs hershöfðingjanum en húsið var helsta íþróttahús höfuðborgairnnar í tvo áratugi eftir stríðið. Varnarliðið nefndi einnig samkomuhús sitt á Keflavíkurflugvelli (nú Ásbrú) Andrews Theater til heiðurs Andrews hershöfðingja.

Í tilefni af því að 75 ár eru liðin frá þessum örlagaríka degi verður afhjúpaður minnisvarði um flugslysið við Grindarvíkurveg, fimmtudaginn 3. maí kl. 13:00. Minnismerkið er tilkomumikið og skartar meðal annars gríðarlega stórri eftirlíkingu af B-24 Liberator sprengjuflugvélinni úr ryðfríu stáli. Þá verður í kjölfarið minningarathöfn í Andrews Theater á Ásbrú, kl. 14:30. 

Minnisvarðinn er reistur að frumkvæði Bandaríkjamannsins Jim Lux og ættingjum þeirra sem fórust, með aðstoð Þorsteins og Ólafs Marteinssona. En allir eru þeir miklir áhugamenn um flugvélar og flugsögu seinni heimstyrjaldarinnar. Gert er ráð fyrir „heiðursflugi" B-52 Stratofortress flugvélar bandaríska flughersins yfir svæðið á meðan á afhjúpun stendur.

Minnisvarðinn sem afhjúpaður verður á morgun, 3. maí 2018 / Ljósmynd: Sigurður Björgvin magnússon

Nokkrir ættingjar þeirra sem létust í flugslysinu koma frá Bandaríkjunum til að vera viðstaddir athöfnina. Meðal annarra gesta verða Guðlaugur Þór Þórðarson, utanríkisráðherra og Jill Esposito, staðgengill sendiherra bandaríska sendiráðsins á Íslandi, ásamt Lt. Gen. Richard Clark og Col. John Teichert frá bandaríska lofthernum. Í lok athafnarinnar verða fluttir nokkrir fyrirlestrar um slysið og Frank M. Andrews hershöfðingja.

Dagskrá minningarathafnarinnar fimmtudaginn 3. maí

Áhugasamir eru boðnir velkomnir á þessa tvo viðburði og heiðra minningu áhafnar B-24D Liberator.

Monument Dedication at Grindavikurvegur at 1:00 pm.

• National Anthems of Iceland & USA by Keflavik Band
• Welcome and Introduction, Jim Lux, Historian of the B-24 Liberator Hot Stuff 

Iceland Minister of Foreign Affairs, Mr. Guðlaugur Þór Þórðarson

United States Chargé d’Affaires, Ms. Jill Esposito

Commander 3rd Air Force, United States Air Forces in Europe, Lt. Gen. Richard Clark
• Monument Unveiling

Iceland Minister of Foreign Affairs, Mr. Guðlaugur Þór Þórðarson; United States Chargé d’Affaires, Ms. Jill Esposito; Commander 3rd Air Force, United States Air Forces in Europe, Lt. Gen. Richard Clark; Þorsteinn Marteinsson & Ólafur Marteinsson whose idea it was for the monument; & Jim Lux
• Wreath Placement Ceremony

Iceland Minister of Foreign Affairs, Mr. Guðlaugur Þór Þórðarson & United States Embassy Chargé d’Affaires, Ms. Jill Esposito
• Carry and placement of the Iceland wreath 

Þorsteinn & Ólafur Marteinsson
• Carry and placement of the American wreath 

Lt. Gen. Richard Clark & Jim Lux
• United States Air Force B-52 Stratofortress Fly-By
• Playing of Taps by Manuel Aldaz
• John Phillips Souza music by Keflavik Band
• Conclusion of Monument Dedication Program


Memorial Service Program at Andrews Theater in Asbru, Reykjanesbær, at 2:30 pm

• Musical Number by the United States Air Forces in Europe Band “Winds Aloft”
• Welcome Video by Bill Gros, Radio Operator on the B-24 Liberator Eager Beaver
• Invocation by Rev. Fritz Berndsen from the Keflavik Lutheran Curch
• Guest Speakers
• Mr. Guðlaugur Þór Þórðarson, Iceland Minister of Foreign Affairs
• Ms. Jill Esposito, United States Embassy Chargé d’Affaires, Lt. Gen. Richard Clark, Commander 3rd Air Force, United States Air Forces in Europe
• Triumph and Tragedy Video
• Guest Speakers
• Col. E. John "Dragon" Teichert, Commander of Joint Base Andrews and the USAF 11th Wing
• Mr. James Root, President of the 93rd Bombardment Group Association
• Mr. Jim Lux, Historian of the B-24 Liberator Hot Stuff
• “High Flight” Poem by George Jung 93rd Bombardment Group Assoc. member
• Musical Number by the United States Air Forces in Europe Band “Winds Aloft”







  fréttir af handahófi

Stafsetningarvilla í málun á Boeing 777 þotu hjá Cathay

19. september 2018

|

Að gera stafsetningarvillur kemur fyrir besta fólk og einnig stærstu fyrirtæki og þar á meðal flugfélög - En að mála nafn flugfélags á heila þotu og gleyma einum staf er sennilega eitthvað sem gerist

Fyrsta Airbus A350-900ULR í litum SIA komin út úr skýli

29. júlí 2018

|

Airbus hefur sent frá sér ljósmyndir af fyrstu Airbus A350-900ULR þotunni í litum Singapore Airlines sem verður fyrsta flugfélagið til þess að taka í notkun þessa langdrægu útgáfu af Airbus A350 þotu

TUI mun hætta með Boeing 757 og 767 fyrir árið 2020

21. júlí 2018

|

Boeing 757 og Boeing 767 þoturnar munu á næstu árum hverfa úr flugflota þeirra sex flugfélaga sem eru í eigu TUI.

  Nýjustu flugfréttirnar

Primera Air mun fljúga frá Keflavík til Bodrum

20. september 2018

|

Primera Air mun hefja leiguflug frá Keflavíkurflugvelli til Bodrum í Tyrklandi næsta sumar.

Stafsetningarvilla í málun á Boeing 777 þotu hjá Cathay

19. september 2018

|

Að gera stafsetningarvillur kemur fyrir besta fólk og einnig stærstu fyrirtæki og þar á meðal flugfélög - En að mála nafn flugfélags á heila þotu og gleyma einum staf er sennilega eitthvað sem gerist

FAA varar bandarísk flugfélög við því að fljúga yfir Íran

19. september 2018

|

Bandarísk flugmálayfirvöld (FAA) hafa sent út tilmæli til flugfélaga þar sem þau eru beðin um að sýna sérstaka varúð á flugi yfir Íran.

Hluti af flapa losnaði af júmbó-þotu fyrir lendingu í Frankfurt

19. september 2018

|

Hluti af flapa á væng á júmbó-fraktþotu af gerðinni Boeing 747-400F losnaði af skömmu fyrir lendingu á flugvellinum í Franfkurt sl. laugardag.

Líkamsrækt um borð í lengsta flug heims

19. september 2018

|

Qantas íhugar að bjóða upp á líkamsræktaraðstöðu í einu lengsta flug heims sem flugfélagið ástralska áætlar að fljúga árið 2022 frá Sydney til London.

Yfir 1.000 konur í Sádí-Arabíu hafa sótt um að verða flugmenn

18. september 2018

|

Sádí-arabíska flugfélagið Flynas fékk yfir 1.000 umsóknir frá kvenmönnum á einum sólarhring sem hafa sótt um að komast í flugnám á vegum flugfélagsins sem leitar nú að hæfum einstaklingum til að verð

Rússneskrar herflugvélar saknað eftir loftárásir Ísraela á Sýrland

18. september 2018

|

Leit stendur nú yfir af rússneskri herflugvél á vegum rússneska hersins sem hvarf af ratsjá í gærkvöldi yfir Miðjarðarhafi við strendur Sýrlands á sama tíma og ísraelski herinn gerði loftárásir á Lat

Vilja leita betur að braki úr hreyfli á Grænlandsjökli

17. september 2018

|

Rannsóknarnefnd flugslysa í Frakklandi ætlar sér að hefja leit á Grænlandsjökli að braki úr hreyfli á Airbus A380 risaþotu Air France.

Interjet sagt ætla að skila öllum Superjet-þotunum til Rússlands

17. september 2018

|

Mexíkóska flugfélagið Interjet ætlar sér að losa sig við allar Sukhoi Superjet 100 þoturnar út flotanum og ætlar félagið að freista þess að skila þeim öllum til rússneska framleiðandans.

Air Peace í Nígeríu pantar tíu Boeing 737 MAX þotur

16. september 2018

|

Nígeríska flugfélagið Air Peace hefur staðfest pöntun í tíu Boeing 737 MAX þotur að andvirði 123 milljarða króna.