flugfréttir
Vantaði 40 tonn upp á rétta flugtaksþyngd í flugtölvu
- Flugmennirnir gerðu sér grein fyrir mistökunum eftir flugtak
Boeing 787-9 þota El Al Israel Airlines
Flugmálayfirvöld í Ísrael rannsaka nú mistök meðal flugmanna hjá flugfélaginu El Al Israel Airlines sem settu óvart inn rangar upplýsingar í flugtölvu á Dreamliner-þotu félagsins fyrir flugtak frá Tel Aviv til New York.
Flugmenn vélarinnar slóu inn rangar upplýsingar um heildarþyngd vélarinnar (MGTOW) inn
í flugtölvuna („Flight Management System“) og vantaði heil 40 tonn upp á rétta
flugtaksþyngd.
Flugtölvan notar upplýsingar um flugtaksþyngd til að reikna út það afl sem til þarf
í flugtaksbruninu og þann hraða sem flugvélin þarf að ná til að hefja sig á loft á brautinni
ásamt upplýsingum um veður á flugvelli.
Flugmennirnir gerðu sér grein fyrir mistökunum eftir flugtak og leiðréttu strax þyngdartöluna
en flugmálayfirvöld hafa hafið rannsókn á mistökunum.
„Ef flugvélin er farin að nálgast brautarendann þar sem afl hreyflanna var ekki í samræmi
við þyngdina, þá nær hún ekki þeim hraða sem til þarf til að takast á loft og komin á of
mikinn hraða til að ná að bremsa og hætta við flugtakið“, segir Gal Peleg, framkvæmdarstjóri
hjá Jetsetter, sem segir um mjög alvarlegt atvik að ræða og hefði geta farið verr.
Í yfirlýsingu frá El Al Israel Airlines kemur fram að á engum tímapunkti hafi verið hætta
á ferðum og sé félagið að bíða eftir gögnum frá samgönguráðuneyti landsins áður en
gripið verður til aðgerða.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.