flugfréttir

Búnaður við landgang á erfiðara með að skynja dökkar flugvélar

- Meiri hætta á að flugvél í dökkum litum rekist á landgang

16. maí 2018

|

Frétt skrifuð kl. 15:47

A-VDGS búnaður við stæði sem leiðbeinir flugvélum að landgangingum

Flugöryggisstofnun Evrópu (EASA) hefur gefið frá sér yfirlýsingu með tilmælum til þeirra flugfélaga, sem hafa flugvélar í flota sínum sem eru málaðar í mjög dökkum litum, þar sem varað er við því að mögulega gæti komið upp vandamál með að leiðbeiningarbúnað á flugvallarstæðum sem geta átt erfitt með að greina dökka flugvél sem kemur að hliði.

Flestir stærri flugvellir hafa búnað við brottfararhlið sem nefnist „visual-docking system“ sem hjálpar flugmönnum við að vera alveg á miðri aksturslínunni og gefur til kynna hvar þeir eiga að stöðva vélina til að vera á réttum stað við landgöngubrú.

Flugvellir nota mismunandi búnað til að leiðbeina flugvélum að stæði en algengustu kerfið eru A-VDGS („Advanced Visual Docking Guidance Systems“) og AGNIS sem stendur fyrir „Azimuth Guidance for Nose-In Stand“.

Svörtu Boeing 777 þoturnar hjá Air New Zealand gætu verið í sérstakri áhættu hvað vandamálið varðar

EASA segir í yfirlýsingu sinni, sem send hefur verið til flugfélaga og til flugvalla, að hætta sé á því að í einhverjum tilvikum geti þessi kerfi ekki náð að greina flugvél í dökkum litum með tilheyrandi árekstrarhættu.

Fyrirmælin eru gefin út í kjölfar atviks sem átti sér stað á dögunum er leiðbeiningarkerfi náði ekki að greina eina farþegaþotu sem var að koma að hliði eftir að hún var nýlent á ótilgreindum flugvelli en flugvélin rakst með vænginn utan í landganginn.

EASA tilgreinir ekki hvaða flugfélag átti í hlut en fram kemur að sama flugvélin hafði lent í sambærilegum vandræðum sem er rakið til þess að flugvélin er máluð í mjög dökkum litum.

Farþegaþota frá Vietnam Airlines rakst á landgang árið 2016

Fram kemur að margir flugvallarrekendur vita af þessu vandamáli en samt ekki allir flugvellir og séu starfsfólk á flugvöllum því ómeðvitað um þessa hættu þegar flugvél í dökkum litum er að leggja við landgang.

EASA mælir með því að flugvellir athugi þann búnað sem þeir nota við landganga og athugi hvort til staðar sé vandamáli við að greina einhverja aðra liti á flugvélum og grípa til aðgerða ef svo er.

Boeing 737 þota frá Southwest Airlines sem rakst utan í landgang í Miami nýlega









  fréttir af handahófi

Norwegian hættir öllu flugi yfir Atlantshafið frá Írlandi

13. ágúst 2019

|

Norwegian hefur ákveðið að hætta öllu áætlunarflugi yfir Atlantshafið á milli Írlands og Norður-Ameríku.

Malta Air mun taka yfir nokkrar bækistöðvar Ryanair

1. ágúst 2019

|

Michael O´Leary, framkvæmdarstjóri Ryanair, hefur tilkynnt að nýja dótturfélagið, Malta Air, mun taka yfir starfsemi Ryanair á öllum bækistöðvum lágfargjaldafélagsins í Frakklandi, Þýskalandi og á Í

Fékk fugla í báða hreyfla í flugtaki og nauðlenti á akri

15. ágúst 2019

|

Farþegaþota nauðlenti á maísakri í morgun í Rússlandi eftir að báðir hreyflar vélarinnar stöðvuðust eftir að þotan flaug í gegnum fuglager skömmu eftir flugtak frá Moskvu.

  Nýjustu flugfréttirnar

Indverjar framkvæma sína eigin úttekt á 737 MAX líkt og EASA

20. september 2019

|

Flugmálayfirvöld á Indlandi ætla að fara að fordæmi Flugöryggisstofnunar Evrópu (EASA) og framkvæma sína eigin úttekt á Boeing 737 MAX þotunum áður en indverskum flugfélögum verður gefið leyfi til þe

Boeing 787 lenti næstum því með hjólin uppi

20. september 2019

|

Litlu munaði að farþegaþota frá Vietnam Airlines hefði lent með hjólabúnaðinn uppi er vélin var í aðflugi að flugvellinum í Melbourne í Ástralíu í gær.

Czech Airlines flýgur frá Keflavík til Köben og áfram til Prag

20. september 2019

|

Fyrir gjaldþrot WOW air voru þrjú flugfélög sem flugu áætlunarflug milli Kaupmannahafnar og Keflavíkurflugvallar en sl. hálfa árið hafa aðeins tvö flugfélög deilt á milli sín fjölförnustu flugleiðinn

Boeing 737 hóf flugtaksbrun á akbraut á Schiphol

19. september 2019

|

Rannsóknarnefnd flugslysa í Hollandi hefur greint frá atviki sem átti sér stað fyrr í þessum mánuði er farþegaþota frá Transavia af gerðinni Boeing 737-800 hóf flugtak á akbraut („taxiway“) á Schiph

Láðist að tilkynna í tvígang um vandamál í hreyfli

18. september 2019

|

Flugmálayfirvöld á Indlandi hafa meinað þremur flugmönnum að fljúga tímabundið og einnig svipt tveimur flugvirkjum réttindum sínum fyrir að hafa ekki tilkynnt um víbring sem kom upp í hreyfli á Airb

Twin Otter með fjóra um borð saknað í Indónesíu

18. september 2019

|

Leit stendur nú yfir að Twin Otter farþegaflugvél af gerðinni Havilland DHC-5-6-400 í Indónesíu sem saknað er en vélin var í innanlandsflugi í nótt og fór í loftið frá flugvellinum í Timiki áleiðis t

Japan Airlines mögulegur kaupandi að Malaysia Airlines

17. september 2019

|

Möguleiki er á því að Japan Airlines muni kaupa stóran hlut í Malaysia Airlines sem gæti bjargað rekstri félagsins og komið honum á réttan kjöl en félagið hefur verið rekið með tapi frá því í febrúar

Flugmaðurinn týndi vegabréfinu fyrir brottför

17. september 2019

|

Ellefu klukkutíma seinkun varð á flugi hjá suður-kóreska lágfargjaldarfélaginu Tway Air eftir að annar flugmaðurinn uppgötvaði á flugvellinum að hann hefði týnt vegabréfinu sínu.

Draco-flugvél Mike Patey ónýt eftir flugtaksóhapp

17. september 2019

|

Engan sakaði er Draco, flugvél í eigu bandaríska flugmannsins Mike Patey, eyðilagðist er henni hlekktist á í flugtaki á flugvellinum í Reno í Nevada í Bandaríkjunum í gær.

Bannað að sitja í aftustu sætaröð í A320neo þotum Lufthansa

16. september 2019

|

Lufthansa hefur ákveðið að hindra aðgang farþega að síðustu sætaröðinni um borð í Airbus A320neo þotum félagsins sem eru ekki í boði eins og stendur þegar bókað er flug.

 síðustu atvik

  2019-01-01 20:20:00