flugfréttir

Icelandair flýgur fyrsta flugið til Cleveland

- Fyrsta nýja borgin af fimm í Norður-Ameríku sem bætast við í sumar

17. maí 2018

|

Frétt skrifuð kl. 14:16

TF-ICY (Látrabjarg) lendir á flugvellinum í Cleveland í gær eftir fyrsta flugið

Icelandair flaug í gær sitt fyrsta áætlunarflug til Cleveland í Ohio sem er nýjasti áfangastaðurinn í leiðarkerfi félagsins.

Cleveland er einnig borg sem aldrei áður hefur verið flogið til frá Íslandi og er því um algjöra nýjung að ræða fyrir Íslendinga sem og íbúa Ohio sem geta nú flogið beint til Íslands og þaðan áfram til Evrópu.

Flogið var með annarri Boeing 737 MAX þotunni sem Icelandair hefur tekið í notkun sem ber skráninguna TF-ICY og hefur fengið nafnið Látrabjarg.

Cleveland, sem liggur við Erie-vatnið, sem er eitt af stóru vötnunum í norðaustur hluta Bandaríkjanna, er önnur fjölmennasta borg Ohio á eftir Columbus og 32. stærsta borg Bandaríkjanna.

Inga Lára Gylfadóttir, flugstjóri, sker fyrstu tertusneiðina í tilefni að fyrsta fluginu til Cleveland

Cleveland er heimaborg Superman en höfundar ofurhetjunnar frægu, Jerry Siegel og Joe Shuster, skrifuðu söguna um Superman í Cleveland árið 1933.

Cleveland er einnig kunn fyrir kraftmikið lista- og íþróttalíf, en þar er meðal annars hið þekkta safn Rock and Roll Hall of Fame Museum. Körfuboltalið borgarinnar, Cavaliers, þekkja flestir áhugamenn um körfuknattleik, en með því leikur ein skærasta stjarna NBA, Lebron James.

Cleveland er ein af þeim fimm borgum í Bandaríkjunum sem bætast við leiðarkerfi Icelandair í sumar en félagið mun á næstunni einnig hefja flug til Kansas City, Dallas, San Francisco og þá mun flug til Baltimore hefjast að nýju.

Hér að ofan má sjá mynd sem tekin var á Cleveland flugvelli í gærkvöldi þegar fyrsta fluginu var fagnað, m.a. með tónlistarflutningi Lay Low og hátíðartertu fyrir farþega og aðra gesti en það er Inga Lára Gylfadóttir, flugstjóri, sem mundar tertuspaðann.







  fréttir af handahófi

L3 kynnir sérstaka flugnámsleið fyrir konur

20. janúar 2019

|

Flugskólinn L3 Commercial Aviation mun á næstunni fara af stað með sérstakan atvinnuflugmannsbekk sem eingöngu er ætlaður kvenfólki og hafa viðbrögðin ekki látið á sér standa þar sem mun fleiri umsók

Lögregla fær flugáhugamenn við Heathrow til liðs við sig

14. janúar 2019

|

Lögreglan í Bretlandi hefur sent frá sér tilkynningu þar sem þeir flugáhugamenn, sem leggja leið sína út á Heathrow-flugvöll til þess að horfa á og taka myndir af flugvélum, eru beðnir um að hafa au

208.000 farþegar flugu með Icelandair í febrúar

7. mars 2019

|

Rúmlega 208.000 farþegar flugu með Icelandair í síðastliðnum febrúarmánuði sem er níu prósenta aukning frá því í febrúar 2018 þegar 190.000 farþegar flugu með félaginu.

  Nýjustu flugfréttirnar

Icelandair Group slítur viðræðum við WOW air

24. mars 2019

|

Icelandair Group hefur slitið viðræðum um mögulega aðkomu og yfirtöku á rekstri WOW air.

Southwest ferjar Boeing 737 MAX þoturnar til Victorville

23. mars 2019

|

Bandaríska flugfélagið Southwest Airlines er byrjað að ferja Boeing 737 MAX þotur til geymslu vegna kyrrsetningarinnar en þeirri fyrstu var í morgun flogið í flugvélakirkjugarðinn í Victorville í Moj

Næstu atvinnuflugmannsbekkir hefjast í maí og í ágúst

23. mars 2019

|

Flugakademíu Keilis hefur opnað fyrir umsóknir í flugnám í fyrsta sinn eftir sameininguna við Flugskóla Íslands en bóklegt nám fer nú fram á tveimur stöðum, í Reykjavík og í Reykjanesbæ.

Red Wings hættir við pöntun sína í Airbus A220

22. mars 2019

|

Flugfélagið Red Wings í Rússlandi hefur hætt við pöntun sína í Airbus A220 þotuna (CSeries) en félagið var eina rússneska flugfélagið sem hafði pantað þotuna frá Bombardier á sínum tíma.

Indigo Partners hættir við fjárfestingu í WOW air

21. mars 2019

|

Tilkynnt var í kvöld um að Indigo Partners hafi slitið viðræðum um fyrirhugaða fjárfestingu í WOW air.

Negus-þotan lendir í London

21. mars 2019

|

British Airways hefur lokið við að mála fjórðu og síðustu flugvélina í flotanum í sérstökum retro-litum.

Nafni Laudamotion breytt og einfaldað í „Lauda“

20. mars 2019

|

Ryanair, móðufélag austurríska flugfélagsins Laudamotion, hefur ákveðið að sleppa hluta úr nafni flugfélagsins, „motion“, og mun félagið því einfaldlega heita Lauda.

Hætta við pöntun í fimmtíu Boeing 737 MAX þotur

21. mars 2019

|

Indónesíska flugfélagið Garuda Indonesia hefur hætt við pöntun sína í þær Boeing 737 MAX þotur sem félagið hafði pantað.

Einkaflugmaður dæmdur í 3 ára fangelsi í kjölfar flugslyss

21. mars 2019

|

52 ára einkaflugmaður í Bretlandi hefur verið vistaður í fangelsi þar í landi vegna vítaverðs gáleysis við stjórnun flugvélar sem endaði með flugslysi í september árið 2017.

Trump vill fyrrum flugstjóra hjá Delta sem yfirmann hjá FAA

20. mars 2019

|

Donald Trump, forseti Bandaríkjanna, segir að Hvíta Húsið hafi áform um að skipta út yfirmanna hjá bandarískum flugmálayfirvöldum (FAA) og láta Daniel Elwell víkja fyrir fyrrum flugstjóra hjá Delta

 síðustu atvik

  2019-01-01 20:20:00