flugfréttir
Fyrsta flug WOW air til St. Louis
Flugfreyjur WOW air á Lambert-flugvellinum í St. Louis í gær
WOW air flaug í gær fyrsta áætlunarflugið til St. Louis í Missouri sem er nýr áfangastaður sem bætist við í flóruna í Keflavík.
Aldrei áður hefur verið flogið beint til St. Louis frá Íslandi en þetta er sjötti nýi áfangastaðurinn sem WOW air
hefur flug til á þessu ári.
Þann 28. apríl byrjaði WOW air að fljúga til JFK flugvallarins í New York, 25. apríl var flogið til Detroit og
til London Stansted í fyrsta sinn,
þann 3. maí flaug félagið fyrsta flugið til Cleveland og þann 9. maí hófst flug til Cincinnati.
Fyrsta flug WOW air til St. Louis í gær var flogið með nýju Airbus A321 þotunni TF-DOG sem var afhent
WOW air þann 24. apríl sl.
Gateway Arch boginn í St. Louis
„Það hefur ríkt mikil spenna og tilhlökkun frá því WOW air tilkynnti sl. haust að félagið ætlaði að fljúga
yfir hafið til og frá St. Louis“, segir Lyda Krewson, borgarstjóri St. Louis.
Flogið verður fyrst um sinn fjórum sinnum í viku til St. Louis en frá 3. júní til 23. september verður flogið
fimm sinnum í viku.
St. Louis er 19. stærsta borg Bandaríkjanna með 2.8 milljónir íbúa. Borgin er stundum nefnt „hliðið“ inn í
vestrið en hún stendur við Mississippi-ánna á fylkjamörkum Missouri og Illinois.
Frægasta einkenni borgarinnar er „Gateway Arch“ sem er 192 metra hár stálbogi sem var hannaður af finnska
hönnuðinum Eero Saarinen árið 1947.
St. Louis er þrettándi áfangastaður WOW air í Norður-Ameríku en þann 24. maí mun félagið hefja flug til Dallas
í Texas.
Að sjálfsögðu var bökuð sérstök terta í tilefni að fyrsta fluginu eins og hefð er
Farþegar innrita sig í flugið til Íslands á Lambert-flugvellinum
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.