flugfréttir

Þróun á hreyfli gæti seinkað Boeing 797 til ársins 2026

22. maí 2018

|

Frétt skrifuð kl. 14:52

Tölvugerð mynd af Boeing 797

Svo gæti farið að áætlanir Boeing um hönnun á nýrri farþegaþotu, sem að öllum líkindum verður nefnd Boeing 797, muni dragast enn frekar á langinn þar sem enn á eftir að þróa hreyfil fyrir flugvélina.

Aðilar, sem kunnugir eru málinu innan veggja Boeing, segja að flugvélaframleiðandinn sé að vinna að því að ýta verkefninu úr vör eins fljótt og hægt er og kynna Boeing 797 formlega til leiks svo þeir muni ekki hellast úr lestinni gagnvart A321LR þotunni frá Airbus.

Steven Udvar-Hazy, framkvæmdarstjóri flugvélaleigunnar Air Lease Corporation, segir að samkvæmt hreyflaframleiðendunum Rolls-Royce, Pratt & Whitney og GE Aviation, þá muni það taka allt að eitt og hálft ár að finna lausn er varðar þróun á hreyfli fyrir Boeing 797 sem síðan á eftir að smíða og framkvæma prófanir á en það gæti átt eftir að seinka því hvenær þotan kemur á markaðinn.

„Við höfum verið að þrýsta á Boeing að velja hreyflaframleiðanda sem fyrst. Munum við sjá nýja hreyfilinn vera orðin áreiðanlegan fyrir árið 2025 eða 2026? - Ég held ekki“, segir Udvar-Hazy.

Steven Udvar-Hazy, framkvæmdarstjóri flugvélaleigunnar
Air Lease Corporation,

Boeing hefur miðað við að nýja farþegaþotan, sem er ætlað að brúa bilið á milli Boeing 737 MAX 9 og Boeing 787-8, komi á markaðinn árið 2024 en ef þróun á hreyfli fyrir þotuna á eftir að verða vandamál þá mun það dragast á langinn að afhendingar geti hafist sem á eftir að gefa Airbus enn meira forskot.

Á markaðinn 8 árum eftir Airbus A321LR þotu Airbus

Airbus hefur nú þegar hafið prófanir með Airbus A321LR sem er langdræg útgáfa af Airbus A321neo þotunni en hún flaug jómfrúarflugið sitt í janúar sl. og verður hún langdrægasta farþegaþota heims í flokki mjóþotna sem koma með einum gangi.

Ef spár Udvar-Hazy ganga upp með að Boeing 797 komi á markaðinn árið 2026 þá mun sú þota gefa Airbus forskot upp á 8 ár.

Airbus hefur markaðssett Airbus A321LR þotuna sem lausn fyrir þau flugfélög sem vilja skipta út eldri þotum á markaðnum í sambærilegum flokki á borð við Boeing 757-200. 







  fréttir af handahófi

Telja flugvélar orðnar stærri, háværari og fljúga lægra yfir

12. apríl 2018

|

Hópur íbúar í Montréal í Kanada segjast orðnir mjög þreyttir á hávaða frá flugumferðinni sem fer um Elliott Trudeau alþjóðaflugvöllinn í borginni og telja þeir að flugvélar séu farnar að búa til mei

Sækja um nýtt leyfi daginn eftir að leyfið var afturkallað

7. júní 2018

|

Arkady Evstafiev, eigandi rússneska flugfélagsins Saratov Airlines, hefur sent beiðni til rússneskra flugmálayfirvalda þar sem hann sækist eftir leyfi til að stofna nýtt flugfélag.

Fyrsta Boeing 777-9 þotan komin í samsetningu í Everett

25. mars 2018

|

Boeing er byrjað að smíða fyrsta eintakið af Boeing 777X þotunni sem er arftaki Boeing 777 sem kom á markaðinn árið 1995.

  Nýjustu flugfréttirnar

Níu bæir í Ástralíu slást um að hýsa nýjan flugskóla Qantas

22. júní 2018

|

Qantas leitar nú að staðsetningu fyrir nýjan flugskóla á vegum flugfélagsins en alls eru níu bæir og borgir í Ástralíu sem koma til greina sem keppast um að fá að hýsa nýjan flugskóla.

300 þotur í flota easyJet

22. júní 2018

|

Flugfloti easyJet telur nú 300 flugvélar en félagið fékk þrjúhundruðustu Airbus-þotuna í flotann í gær sem er af gerðinni Airbus A320 og verður hún staðsett á Tegel-flugvellinum í Berlín.

Ríkisstjórn Indlands hættir við að selja Air India í bili

22. júní 2018

|

Ríkisstjórn Indlands hefur hætt við áform sín um að selja ríkisflugfélagið Air India þar sem ekki hefur tekist að finna áhugasama fjárfesta til að kaupa 76 prósent í félaginu.

Ráðherra segir af sér rétt fyrir kosningu um stækkun Heathrow

21. júní 2018

|

Greg Hands, viðskiptaráðherra Bretlands, hefur sagt af sér vegna óánægju sinnar vegna ákvörðunar breska þingsins um að taka upp atkvæðagreiðslu eftir helgi um stækkun Heathrow-flugvallar.

Aldrei eins mörg verkföll hjá flugumferðarstjórum í Evrópu

21. júní 2018

|

Árið 2018 stefnir í að verða það versta er kemur að fjölda verkfalla meðal flugumferðarstjóra í Evrópu.

LaudaMotion í viðræðum við Airbus og flugvélaleigur

20. júní 2018

|

Austurríska flugfélagið LaudaMotion á nú í viðræðum við Airbus vegna fyrirhugaðrar pöntunar í nýjar farþegaþotur en þá er félagið einnig að ræða við flugvélaleigur sem gætu orðið félaginu út um flugv

FedEx pantar 25 fraktþotur frá Boeing

20. júní 2018

|

Vöruflutningarisinn FedEx Express hefur pantað 24 fraktþotur frá Boeing af gerðinni Boeing 767-300ERF og Boeing 777F.

Stöðva allt fraktflug tímabundið vegna viðhaldsmála

19. júní 2018

|

Japanska fraktflugfélagið Nippon Cargo Airlines (NCA) ætlar að hætta öllu fraktflugi tímabundið af öryggisástæðum en flugfélagið telur að óviðeigandi smurolía hafi verið notuð við viðhald á einni af

Risaþota flaug inn í kviku af annarri risaþotu

19. júní 2018

|

Airbus A380 risaþota frá Qantas lenti í því á dögunum að taka snögga dýfu eftir að hafa flogið inn í vængendakviku af annarri risaþotu frá sama flugfélagi með tilheyrandi ókyrrð.

Fyrsta A350 með „wing-twist“ fer til Iberia

18. júní 2018

|

Spænska flugfélagið Iberia verður í næsta mánuði fyrsta flugfélagið til að fá Airbus A350 þotu afhenta með nýja „wing-twist“ vængnum.