flugfréttir
Sprungur í veggjum og nötrandi gólf á flugstöð í Manchester
- Flugstöðin var rýmd og farþegar söfnuðust saman á flughlaðinu
29. maí 2018
|
Frétt skrifuð kl. 14:35
Atvikið átti sér stað klukkan 7 í morgun að breskum tíma á flugvellinum í Manchester
Rýma þurfti bráðabirgðarflugstöð á flugvellinum í Manchester í morgun eftir að sprungur fóru að myndast í hluta flugstöðvarinnar með tilheyrandi hávaða og brestum.
Myndum af sprungum í kringum stálbita í loftinu á flugstöðinni hafa verið birtar á Twitter en þá er einnig vitað um sprungu
sem myndaðist í gólfi flugstöðvarinnar.
Slökkvilið var kallað út til að rýma þann hluta byggingarinnar sem er nálægt hliði nr. 212 en um tímabundna flugstöð
er að ræða sem notuð er á meðan framkvæmdir standa yfir á flugstöðinni sjálfri.
Fram kemur að nokkur skelfing hafi gripið farþega sem heyrðu drunur koma frá veggjum og gólfum og sáu
þeir er sprungur fóru að myndast meðfram burðarbitum.
Einungis varð röskun á flugi til Mallorca
Farþegum var komið fyrir utandyra og var stór hópur ferðalanga sem biðu á flughlaðinu en einn farþegi
segir að hún hafi haldið að gólfið væri að fara að hrynja.
„Allir stóðu kyrrir og voru að velta fyrir sér hvað væri í gangi þar til að gólfið nötraði eins og það væri að falla niður“,
segir annar farþegi í viðtali við breska fjölmiðla.
„Það myndaðist smá sprunga í gólfinu og höfum við rýmt bygginguna“, segir talsmaður flugvallarins í Manchester.
Atvikið hefur aðeins haft áhrif á þá farþega sem voru á leið í flug til Mallorca frá hliði 212 og hefur að öðru leyti
ekki orðið nein röskun á flugi um Manchester-flugvöll.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
