flugfréttir
Ryanair stefnir á að taka yfir allan rekstur Laudamotion
Niki Lauda, eigandi Laudamotion og Micheal O´Leary, framkvæmdarstjóri Ryanair
Ryanair hefur náð samkomulagi við hið nýstofnaða flugfélag Laudamotion sem miðar af því að írska lágfargjaldafélagið taki yfir allan rekstur þess eftir fjögur ár.
Fyrrum Formúla 1 ökuþórinn og milljarðamæringurinn, Niki Lauda, sem stofnaði austurríska flugfélagsins Niki árið 2003, eignaðist aftur flugfélagið sitt í janúar á þessu ári
en þá hafði félagið verið í eigu Air Berlin sem varð gjaldþrota haustið 2017.
Niki Lauda var ekki lengi að stofna nýtt flugfélag og var Laudamotion kynnt til sögunnar í mars
en aðeins liðu nokkrir dagar þar til Michael O´Leary, framkvæmdarstjóri Ryanair, gerði samning við Niki Lauda
um kaup á 24 prósenta hlut í félaginu.
Airbus A320 þota Laudamotion á Tegel-flugvellinum
Nú hefur verið tilkynnt að Ryanair hafi gengið frá kaupum á 75 prósenta hlut í Laudamotion og einnig tryggt sér rétt til þess að eignast 100% hlut í flugfélaginu, aðeins þremur mánuðum
eftir að félagið var stofnað.
Með kaupunum hefur Ryanair tryggt sér sterka stöðu í Austurríki en Laudamotion flaug sitt fyrsta áætlunarflug
þann 25. mars frá Dusseldorf til Frankfurt en í sumar mun félagið fljúga til átján áfangastaða við Miðjarðarhafið frá Þýskalandi, Sviss og Austurríki.
Mikil umsvif hafa átt sér stað í farþegaflugi frá Austurríki til áfangastaða um alla Evrópu en Laudamotion mun
næstkomandi laugardag fljúga sitt fyrsta flug frá Vínarborg.
Ryanair segir að félagið mun með kaupum á Laudamotion auka umsvif sín á flugvellinum í Vín umtalsvert og er stefnt
á að félagið verði komið með 50 flugvélar á næstu árum sem verða staðsettar í Vín.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.