flugfréttir

Níu bæir í Ástralíu slást um að hýsa nýjan flugskóla Qantas

- Qantas stefnir á að opna stærsta flugskóla á suðurhveli jarðar

22. júní 2018

|

Frétt skrifuð kl. 13:55

Qantas Group Pilot Academy mun opna árið 2019 en níu bæir keppast um staðsetninguna

Qantas leitar nú að staðsetningu fyrir nýjan flugskóla á vegum flugfélagsins en alls eru níu bæir og borgir í Ástralíu sem koma til greina sem keppast um að fá að hýsa nýjan flugskóla.

Qantas opnaði fyrir umsóknir frá sveitarfélögum og bæum í Ástralíu fyrr á þessu ári og létu viðbrögðin ekki á sér standa því umsóknir bárust frá 60 bæum í mismunandi héruðum landsins.

Núna er búið að velja níu bæi og borgir sem koma helst til greina sem eru Alice Springs, Bendigo, Busselton, Dubbo, Launceston, Mackay, Tamworth, Toowoomba og Wagga Wagga.

Wes Nobelius, yfirmaður flugakademíu Qantas, segir aðdáunarvert hversu mikill áhugi hefur verið frá mismunandi samfélögum í Ástralíu um að fá að bjóða sína aðstöðu fyrir flugskóla á vegum Qantas.

„Við höfum fengið mörg skilaboð frá sumum bæjum með hugmyndir að námsmannastyrkjum, ljósmyndum af íbúum, fengum myndband sent frá börnunum í Dubbo. Við höfum verið mjög hrifnir af því hversu mikill áhuginn er fyrir að fá flugskóla í bæina og hversu mikill metnaður er í umsóknunum“, segir Nobelius.

Qantas Group Pilot Academy mun þjálfa allt að 100 flugmenn á ári til að byrja með

Qantas mun heimsækja alla bæina níu sem koma til greina á næstu vikum og verður ákvörðunin tekin síðar í sumar eða í haust.

Það var í febrúar á þessu ári sem Qantas tilkynnti að til stæði að verja 1.6 milljörðum króna í að koma á fót nýjum flugskóla sem gæti útskrifað allt að 500 nýja flugmenn á ári.

Flugskólinn, sem mun koma til með að kallast Qantas Group Pilot Academy, verður tekinn í notkun strax á næsta ári og er stefnt á að þjálfa um 100 flugmenn á ári til að byrja með en allt að 500 nýja flugmenn þegar á líður og yrði það því stærsti flugskóli á suðurhveli jarðar.

„Við höfum eina bestu og hæfileikaríkustu flugmenn í heimi þannig þið getið ímyndað ykkur hversu mikil eftirspurn það verður að fá flugmenn frá Qantas til að kenna nýjum nemendum“.

Qantas ætlar bæði að þjálfa sína eigin flugmenn og einnig nýja flugmenn fyrir önnur flugfélög

Samvæmt spá Boeing þá er gert ráð fyrir að þörf sé fyrir 637.000 nýja flugmenn um allan heim til ársins 2036 en 40% af þeirri þörf kemur frá Asíu.

Nýir nemendur í Qantas Group Pilot Academy munu flestir verða útskriftarnemar frá háskóla sem fara beint inn í 18 mánaða flugnám þar sem þeir munu bæði ganga í gegnum verklega kennslu í flughermi og í loftinu. Því næst verða þeir þjálfaðir á viðkomandi flugvélategund áður en þeir fá starf sem aðstoðarflugmenn hjá Qantas.

Nú þegar hafa 14.000 umsóknir borist til Qantas frá áhugasömum einstaklingum sem vilja hefja flugnám við nýja flugskólann og þá var einn mjög áhugasamur aðili sem var með sína umsókn tilbúna og afhenti hana í hendur Alan Joyce, framkvæmdarstjóra Qantas, er hann hitti hann um borð í fyrsta flugi Qantas frá Perth til London í mars á þessu ári.

Kröfur til flugvalla vegna flugskólans

Þær kröfur sem Qantas gerir fyrir flugskólann er kemur að aðstöðu og flugvelli er malbikuð eða steypt flugbraut sem þarf að vera a.m.k. 1.300 metrar á lengd, leyfi fyrir flugi að næturlagi, stæði og flugskýli fyrir 30 kennsluvélar og veðurskilyrði sem býður upp á flughæft veður a.m.k. 300 daga á ári.

Flugvöllurinn í Wagga Wagga er einn af þeim sem kemur til greina sem staðsetning fyrir flugakademíuna

Þá þarf flugvöllurinn að bjóða bæði upp á stjórnað loftrými og aðgang að óstjórnuðu loftrými í nágrenninu, byggingu sem býður upp á kennslustofur með aðgangi að þráðlausu neti og tölvukerfi og aðstöðu fyrir flugherma.

Farið er fram á að viðkomandi flugvöllur hafi einnig íbúðir fyrir flugnema á meðan á námstíma stendur, aðstöðurými fyrir bóklegt nám, kaffiaðstöðu og góðar almenningssamgöngur.

Þá kemur einnig til greina að velja annan flugvöll og koma upp öðrum flugskóla síðar meir þar sem séð er fram á að umsvifin gætu orðið of mikil fyrir einn flugvöll.







  fréttir af handahófi

Heathrow og Gatwick ætla að fjárfesta í drónavörnum

4. janúar 2019

|

Bæði Heathrow-flugvöllur og Gatwick-flugvöllur hafa ákveðið að fjárfesta í drónavörnum og innleiða búnað sem ætlað er að koma í veg fyrir að atvik endurtaki sig líkt og gerðist rétt fyrir jól er drón

Fékk ekki leyfi til að lenda í Kína og var snúið við eftir 5 tíma flug

10. febrúar 2019

|

Farþegaþota af gerðinni Boeing 787 frá Air New Zealand, sem var á leið frá Auckland á Nýja-Sjálandi til Shanghai í Kína í gær (laugardar), neyddist til þess að snúa við þar sem í ljós kom að flugvéli

Hætta við pöntun í fimmtíu Boeing 737 MAX þotur

21. mars 2019

|

Indónesíska flugfélagið Garuda Indonesia hefur hætt við pöntun sína í þær Boeing 737 MAX þotur sem félagið hafði pantað.

  Nýjustu flugfréttirnar

Enginn áhugi fyrir að endurvekja rekstur Germania

26. mars 2019

|

Rekstur þýska flugfélagsins Germania verður ekki endurvakinn með nýjum eigendum eins og vonir voru bundnar við.

Kröfuhafar reiðubúnir í að breyta skuldum í hlutafé

26. mars 2019

|

Kröfuhafar, sem eiga inni skuldir hjá WOW air, áttu fund nú í kvöld þar sem rætt var um þann möguleika á að breyta skuldum félagsins í hlutafé til að tryggja framtíð og áframhaldandi rekstur félagsin

Flugmenn hjá BA flugu óvart til Edinborgar í stað Dusseldorf

25. mars 2019

|

Farþegaþota frá British Airways lenti á flugvellinum í Edinborg í morgun sem væri ekki frásögum færandi nema fyrir þær sakir að flugvélin átti að fljúga til Dusseldorf í Þýskalandi en ekki til Skotla

Vaxandi áhugi fyrir hljóðfráum einkaþotum

25. mars 2019

|

Markaðsfyrirtækið JetNet segir að eftirspurn sé sífellt að aukast eftir einkaþotum sem geti ferðast á allt að tvöföldum hljóðhraða.

Samoa Airways vill hætta við Boeing 737 MAX

25. mars 2019

|

Ríkisflugfélagið Samoa Airways hefur tilkynnt að félagið ætli ekki að taka við þeirri Boeing 737 MAX þotu sem félagið hafði pantað fyrir tveimur mánuðum síðan.

Brotlenti Super King Air á húsnæði flugklúbbs í Afríku

24. mars 2019

|

Flugslys átti sér stað í Afríku í gær er Super King Air flugvél var flogið vísvitandi, að talið er, á húsnæði flugklúbbs á Matsieng-flugvellinum, nálægt bænum Rasesa, í Botswana í gær.

Icelandair Group slítur viðræðum við WOW air

24. mars 2019

|

Icelandair Group hefur slitið viðræðum um mögulega aðkomu og yfirtöku á rekstri WOW air.

Southwest ferjar Boeing 737 MAX þoturnar til Victorville

23. mars 2019

|

Bandaríska flugfélagið Southwest Airlines er byrjað að ferja Boeing 737 MAX þotur til geymslu vegna kyrrsetningarinnar en þeirri fyrstu var í morgun flogið í flugvélakirkjugarðinn í Victorville í Moj

Næstu atvinnuflugmannsbekkir hefjast í maí og í ágúst

23. mars 2019

|

Flugakademíu Keilis hefur opnað fyrir umsóknir í flugnám í fyrsta sinn eftir sameininguna við Flugskóla Íslands en bóklegt nám fer nú fram á tveimur stöðum, í Reykjavík og í Reykjanesbæ.

Red Wings hættir við pöntun sína í Airbus A220

22. mars 2019

|

Flugfélagið Red Wings í Rússlandi hefur hætt við pöntun sína í Airbus A220 þotuna (CSeries) en félagið var eina rússneska flugfélagið sem hafði pantað þotuna frá Bombardier á sínum tíma.

 síðustu atvik

  2019-01-01 20:20:00