flugfréttir

Farþegar beðnir um að bóka bílastæði á Netinu vegna veðurs

- Mæta fyrr í innritun ef flugið er á álagstímum

5. júlí 2018

|

Frétt skrifuð kl. 11:23

Farþegum er bent á að huga að því að mæta fyrr í innritun ef þeir eiga flug bókað á álagstímum

Keflavíkurflugvöllur ráðleggur farþegum að bóka bílastæði í tæka tíð á Netinu nú þegar hápunktur sumarvertíðarinnar tekur við í júlí og í ágúst.

Í fréttatilkynningu frá Isavia kemur fram að álagstímabilið sé hafið í flugstöðinni og ef marka má umræðuna um sumarveðrið á stórum hluta landsins má ætla að töluvert verði um að Íslendingar leggi í ferðalög til útlanda í júlí og ágúst.

Það má því búast við því að bílastæði við flugvöllinn verði þétt setin á næstu vikum en til þess að tryggja sér bílastæði eru farþegar hvattir til að bóka bílastæði á netinu fyrir brottför.

Bókunarkerfi á nýjum vef Isavia var tekið í gagnið fyrr á þessu ári en þar er hægt að tryggja sér bílastæði á sama tíma og ferð er bókuð og þá á betri kjörum en þegar greitt er við hlið. Bókunarkerfi fyrir bílastæði í KEF má finna hér.

Gott að mæta tímanlega út á flugvöll

Farþegum er bent á að huga að því að mæta fyrr í innritun ef þeir eiga flug bókað á álagstímum en álagstoppar við brottför frá Keflavíkurflugvelli eru á morgnana á milli 6:00-8:30 og í eftirmiðdaginn á milli kl. 15:00-17:30.

Að auki er vert að benda á að mest er umferðin á fimmtudögum og sunnudögum. Við bendum farþegum sem eiga flug bókað á þessum tímum að vera mættir 2-3 tímum fyrir brottför. Mismunandi er hvenær flugfélög opna fyrir innritun en almennt er það um 2-3 klukkustundum fyrir brottför.

Þá er bent á sjálfsafgreiðslustöðvar í flugstöðinni þar sem farþegar geta sjálfir innritað sig auk þess sem hægt er að skila töskum við sjálfsinnritunarborð sem eru alltaf opin.







  fréttir af handahófi

Ferðakaupstefnan Icelandair Mid-Atlantic fór fram í gær

2. febrúar 2019

|

Ferðakaupstefnan Icelandair Mid-Atlantic fór fram í Laugardalshöll í gær, föstudaginn 1. febrúar. Þetta er í 27. skipti sem Icelandair stendur fyrir ferðakaupstefnunni sem er sú stærsta sem haldin er

Antonov An-124 fer aftur í framleiðslu

16. janúar 2019

|

Flugvélaframleiðandinn Antonov hefur ákveðið að hefja aftur framleiðslu á flutningavélinni Antonov An-124 og það án aðstoðar frá Rússum en risavöruflutningavélin var upphaflega smíðuð á tímum Sovíetrí

FAA varar við því að fljúga í gegnum lofthelgi Venesúela

23. febrúar 2019

|

Bandarísk flugmálayfirvöld (FAA) hafa sent frá sér aðvörun þar sem bandarískum flugfélögum er ráðlagt að hafa varann á ef flogið er í gegnum lofthelgi Venesúela vegna vaxandi óstöðugleika.

  Nýjustu flugfréttirnar

„Getum ekki flogið á þessa staði óstyrkta“

23. febrúar 2019

|

Það er næstum öruggt að flugsamgöngur til Þórshafnar og Vopnafjarðar leggjast af ef tillaga starfshóps á vegum Samgönguráðuneytisins um breytingar á samgöngukerfi nær fram að ganga sem gerir ráð fyri

FAA varar við því að fljúga í gegnum lofthelgi Venesúela

23. febrúar 2019

|

Bandarísk flugmálayfirvöld (FAA) hafa sent frá sér aðvörun þar sem bandarískum flugfélögum er ráðlagt að hafa varann á ef flogið er í gegnum lofthelgi Venesúela vegna vaxandi óstöðugleika.

Næsta retro-flugvél British Airways verður í litum BEA

22. febrúar 2019

|

British Airways hefur ákveðið að Airbus A319 þota verði næsta flugvél félagsins til þess að verða máluð í gömlum litabúningi líkt og flugvélar félagsins litu út í gamla daga.

Boeing 737 þota Norwegian á förum frá Íran á næstu dögum

22. febrúar 2019

|

Norwegian á loksins von á því að geta fengið eina af Boeing 737 MAX þotunum í flotanum heim frá Íran en um er að ræða þotu sem hefur verið föst í landinu frá því að flugvélin hafði þar óvænta viðkomu

Metfjöldi farþega um Heathrow-flugvöll árið 2018

21. febrúar 2019

|

Aldrei hafa eins margir flugfarþegar farið um Heathrow-flugvöll í sögu flugvallarins líkt og árið 2018 þegar 80.1 milljón farþega fór um völlinn.

AirBaltic mun hætta með Boeing 737 í haust

20. febrúar 2019

|

Flugfélagið airBatlic ætlar sér að hætta með Boeing 737 þoturnar fyrr en áætlað var.

Ný Airbus-þota fékk ekki leyfi til að fljúga yfir Íran

20. febrúar 2019

|

Splunkunýrri Airbus A320 þotu sem var í afhendingarflugi frá Airbus í Hamborg á leið til Nýja-Sjálands var gert að snúa við yfir Tyrklandi þar sem í ljós kom að þotan hafði ekki leyfi til þess að flj

Fjallabylgjur og flug undir lágmarksflughæð orsök flugslyss

19. febrúar 2019

|

Flugmálayfirvöld í Íran hafa birt lokaskýrslu varðandi flugslys sem átti sér stað þann 18. febrúar í fyrra er farþegaflugvél af gerðinni ATR 72-200 fórst í fjalllendi í innanlandsflugi í landinu.

Þrír bæjarstjórar vilja koma á flugsamgöngum til Sylt

19. febrúar 2019

|

Þrír þýskir bæjarstjórar í bæjunum Klixbüll, Leck og Niebüll vilja koma á flugsamgöngum til eyjunnar Sylt þar sem lestarsamgöngur hafa ekki gengið snuðrulaust fyrir sig að undanförnu.

Einkafyrirtæki styrkir nýja flugbraut á eyjunni Catalina

19. febrúar 2019

|

Hafist hefur verið handa við að lagfæra og koma flugbrautinni á eyjunni Catalina við strendur Los Angeles í nothæft ástand á ný.

 síðustu atvik

  2019-01-01 20:20:00