flugfréttir

Fimleikaatriði undir einkaþotu á St. Maarten gagnrýnt á Netinu

- Vilja meina að fimleikaparið hefði stofnað lífi farþega um borð í hættu

10. júlí 2018

|

Frétt skrifuð kl. 13:06

Oleg Kolisnichenko og Yulia Nos hafa æft saman fimleika frá árinu 2015

Fimleikapar frá Úkraínu hefur nú komist í heimsfréttirnar vegna ljósmyndar sem tekin var af þeim á Maho-ströndinni frægu í St. Maarten.

Á myndinni, sem hefur vakið mikla athygli, sjást hvar þau framkvæma fimleikaatriði þar sem konan, Yulia Nos, stendur á einni hendi ofan á höfði mannsins, Oleg Kolisnichenko, á sama tíma og einkaþota svífur yfir þeim í lágri hæð á leið inn til lendingar að Princess Juliana flugvellinum.

Myndin var sett inn á Instagram hjá Oleg í seinasta mánuði en núna fyrst hefur hún farið víða og hafa margir skrifað neikvæð ummæli við myndina þar sem sumir telja að þau hafi stofnað lífi farþega um borð í vélinni í hættu með því að vera svona nálægt.

Myndina setti Oleg á Instagram-síðuna sína

„Það voru margir metrar sem skildu að fæturnar á henni og flugvélina þannig við höfðum alveg stjórn á þessu atriði“, segir Kolisnichenko sem tekur fram að hann og Yulia hafi starfað og æft saman fimleika frá árinu 2015 og aldrei hafi þau komið sér í hættulegar aðstæður.

„Kom mikill vindur frá flugvélinni“

Parið, sem er búsett í Kænugarði, ákvað að ná einni glæsilegri ljósmynd af þeim í fimleikaatriði á ströndinni frægu undir flugvél í aðflugi en St. Maarten á síðasta degi ferðarinnar.

„Það var fullt af fólki sem var að taka myndir af sér með flugvélar fyrir ofan sig en við ákváðum að taka þetta skrefinu lengra“, segir Yulia.

„Eftir nokkrar tilraunir þá náðum við að vera í stöðunni á sama tíma og flugvélin var beint fyrir ofan okkur en við bjuggumst ekki við því að hún kæmi svona nálægt - Hún snerti ekki fæturnar á mér en það kom svo mikill vindgustur frá henni að ég missti jafnvægið“, bætir Yulia við.

Fjöldi fólks hefur skrifað ummæli sín við myndirnar á Netinu og er meirihluta þeirra ummæla í neikvæðari kantinum en einn notandi skrifar: „Virkilega heimskulegt. Ef flugvélin hefði farið utan í fæturnar á henni þá hefði hún ekki geta gengið á ný“.

Myndin hefur einnig komið af stað umræðum meðal flugnörda inn á Airliners.net









  fréttir af handahófi

Hitabylgjan í Evrópu mögulega ein orsök flugslyssins í Sviss

7. ágúst 2018

|

Talið er mögulegt að hitabylgjan í Evrópu gæti hafi verið einn orsakavaldur flugslyssins í Sviss er 79 ára gömul flugvél af gerðinni Junkers Ju-52 fórst í Ölpunum sl. laugardag.

Atlantic Airways pantar aðra Airbus A320neo þotu

8. október 2018

|

Færeyska flugfélagið Atlantic Airways hefur gert samning við Airbus um leigu á annarri Airbus A320neo þotu og á félagið því von á að fá tvær nýjar A320neo þotur í flotann á næstu tveimur árum.

Stafsetningarvilla í málun á Boeing 777 þotu hjá Cathay

19. september 2018

|

Að gera stafsetningarvillur kemur fyrir besta fólk og einnig stærstu fyrirtæki og þar á meðal flugfélög - En að mála nafn flugfélags á heila þotu og gleyma einum staf er sennilega eitthvað sem gerist

  Nýjustu flugfréttirnar

Cobalt Air í alvarlegum rekstarvanda

14. október 2018

|

Kýpverska flugfélagið Cobalt Air á í alvarlegum fjárhagserfiðleikum eftir að stjórnvöld í Kína ákváðu að frysta erlendar fjárfestingar meða kínverskra fyrirtækja.

Síðasta flug Azores Airlines með Airbus A310

13. október 2018

|

Flugfélagið Azores Airlines mun hætta með Airbus A310 þoturnar á morgun, 15. október, en félagið hefur haft þær í flota sínum í næstum tvo áratugi eða frá árinu 2000.

Rangar upplýsingar um afkastagetu í flugtaki rannsakað

12. október 2018

|

Rannsóknarnefnd flugslysa í Bretlandi rannsaka nú enn annað atvikið hjá easyJet er varðar rangan útreikning fyrir flugtak.

Pirraður flugstjóri lét flugturninn heyra það óþvegið

12. október 2018

|

Flugstjóri einn hjá svissneska flugfélaginu SWISS International Air Lines missti stjórn á skapi sínu á dögunum er hann lét flugumferðarstjóra heyra það óþvegið er hann lýst yfir andúð sinni á starfsh

Þjálfunarmiðstöð United orðin sú stærsta í heimi

11. október 2018

|

United Airlines hefur lokið við stækkun á þjálfunarmistöð sinni í Denver í Colorado sem er með stækkuninni orðin stærsta flugþjálfunarmiðstöð í heimi en þar er að finna hvorki meira né minna en yfir

Fyrsta Boeing 787 til sýnis í flugvélaskemmtigarði í Japan

11. október 2018

|

Japanir eru ekki þekktir fyrir að fara hefðbundnar leiðir í hugviti og nýjungum en á morgun mun opna risastór flugvélaskemmtigarður á Chubu Centrair International flugvellinum í borginni Nagoya þar s

Hótuðu að hætta að útvega Air India eldsneyti vegna skulda

10. október 2018

|

Air India náði að koma sér hjá verulegum vandræðum eftir að nokkur olíufyrirtæki hótuðu því að hætta að verða Air India út um eldsneyti vegna skulda.

TF-MOG verður önnur Airbus A330neo þota WOW air

10. október 2018

|

Önnur Airbus A330neo þota WOW air er nýkomin út úr málningarskýli Airbus í Toulouse í Frakklandi.

Sukhoi Superjet 100 þota fór út af braut í Rússlandi

10. október 2018

|

Engan sakaði er farþegaþota af gerðinni Sukhoi Superjet 100 fór út af braut í lendingu á flugvellinum í rússnesku borginni Yakutsk í Síberíu í gærkvöldi.

Umhverfisstjórnunarkerfi Isavia fær alþjóðavottun

10. október 2018

|

Flugfjarskipti Isavia hafa fengið hafa fengið ISO14001 vottun frá BSI, Bresku staðlastofnuninni en þessi nýja vottun staðfestir að á starfsstöðinni er starfrækt virkt umhverfisstjórnunarkerfi samkvæmt