flugfréttir

Flugakademía Keilis opnar starfsstöð á Spáni

- Verkleg kennsla í góðu veðri nánast alla daga ársins

19. júlí 2018

|

Frétt skrifuð kl. 13:27

Undirbúningur fyrir opnun starfsstöðvar Keilis á Spáni, sem eru staðsettar í bænum Sabadell rétt fyrir utan Barcelona, hefur staðið í nokkurn tíma.

Flugakademía Keilis hefur opnað flugskólaútibú á Spáni en í tilkynningu frá Flugakademíunni kemur fram að til að mæta auknum áhuga og tryggja að skólinn geti kennt verklegt flugnám allt árið um kring hefur verið ákveðið að opna starfsstöð rétt fyrir utan Barcelona.

Keilir er þannig fyrsti flugskóli landsins til að halda úti verklegu flugnámi í tveimur löndum en fyrstu nemendur skólans fóru utan fyrr í sumar og una sér vel enda kjöraðstæður til flugs flesta daga ársins.

Að jafnaði verða um ellefu nemendur Keilis í starfsstöðinni í tvo mánuði í senn og er stefnt að því að nemendur skólans fljúgi árlega um 3.000 klukkutíma á Spáni.

Starfsstöð Keilis er á flugvellinum í Sabadell á Spáni

Undirbúningur fyrir opnun starfsstöðvar Keilis á Spáni, sem eru staðsettar í bænum Sabadell, rétt fyrir utan Barcelona, hefur staðið í nokkurn tíma en með þessu er skólinn betur settur til að geta boðið upp á hágæða atvinnuflugnám á einungis 16-18 mánuðum.

Stórt skref fyrir skólann

Samkvæmt Snorra Pál Snorrasyni, skólastjóra Flugakademíu Keilis, er þetta stórt skref fyrir skólann enda er með þessu verið að sýna fram á að hægt sé að yfirfæra verklega þjálfun og gæðaferla Keilis á aðrar starfsstöðvar víðsvegar í Evrópu. Þá hafa nemendur möguleika á því að auka færni sína og þekkingu á alþjóðlegum vettvangi sem mikilvægur þáttur í þjálfun flugmanna.

Flugiðnaðurinn er í örum og hröðum vexti á alþjóðavísu og er mikil eftirspurn eftir atvinnuflugmönnum um allan heim en stytting námstíma til atvinnuflugmannsprófs, líkt og Flugakademía Keilis hefur unnið að, er því mikilvægur áfangi fyrir bæði flugnema og flugiðnaðinn sjálfan.

„Flestir nemendur okkar hafa fengið atvinnutilboð áður en þeir hafa lokið námi hjá okkur, bæði frá innlendum og erlendum flugfélögum, þannig að við höfum einsett okkur að gera þeim kleift að komast á vinnumarkaðinn eins fljótt og mögulegt er“ segir Rúnar Árnason, forstöðumaður Flugakademíu Keilis.

Mikil ásókn í flugnám

Á þriðja hundrað nemendur leggja stund á atvinnuflugnám í Flugakademíu Keilis. Aukin ásókn hefur verið í námið á undanförnum misserum og er fullbókað í bæði samtvinnað og áfangaskipt atvinnuflugnám.

Vegna aukinna umsvifa festi Flugakademía Keilis kaup á fjórum nýjum DA40 kennsluflugvélum á árinu og hefur skólinn nú til umráða alls fjórtán flugvélar frá Diamond flugvélaframleiðandanum: átta DA40 fjögurra sæta vélar, fimm DA20 tveggja sæta vélar og eina tveggja hreyfja DA42 kennsluvél.

Fyrstu nemendur skólans fóru utan fyrr í sumar og una sér vel, enda kjöraðstæður til flugs flesta daga ársins

DA40 flugvélar Keilis eru með tæknivæddustu kennsluvélum á landinu, búnar fullkomnum blindflugsbúnaði, stórum tölvuskjám og nútíma flugmælitækjum. Með komu nýju vélanna hefur skólinn yfir að ráða einn nýstárlegasta og yngsta flota kennsluvéla í Evrópu. Fyrirhugað er að fyrstu tvær vélarnar verði afhentar í mars næstkomandi og þær seinni í lok maí.

Þá tók Flugakademían nýverið í notkun fullkominn flughermi frá Diamond fyrir þjálfun á tveggja hreyfla DA42 flugvél skólans sem hefur aukið verulega við þjálfunarmöguleika atvinnuflugnema við skólann og bætist hann við núverandi Redbird hreyfanlegan flughermi skólans.

Vegna mikillar aðsóknar í flugnám er áhugasömum bent á að senda inn námsumsókn sem fyrst.







  fréttir af handahófi

Styttist í að ákvörðun verður tekin um Boeing 797

31. janúar 2019

|

Boeing segir að sú dagsetning nálgist nú óðum sem að tilkynnt verður formlega um nýja tegund farþegaþotu sem er ætlað að uppfylla kröfur markaðarins um meðalstóra þotu, betur þekkt sem Boeing 797.

Spáð 8 prósent færri farþegum um Keflavíkurflugvöll í ár

30. janúar 2019

|

Í gær var kynnt ný farþegaspá um fjölda farþega sem fer um Keflavíkurflugvöll árið 2019 á morgunfundi Isavia á Hilton Reykjavík Nordica.

Ryanair UK fær breskt flugrekstrarleyfi

4. janúar 2019

|

Ryanair hefur fengið í hendurnar breskt flugrekstrarleyfi sem gerir félaginu kleift að fljúga innanlandsflug í Bretlandi og einnig flug milli Bretlands og annarra lands sem eru ekki í Evrópusambandin

  Nýjustu flugfréttirnar

Þota frá Lion Air fór út af braut í lendingu

16. febrúar 2019

|

Farþegaþota af gerðinni Boeing 737-800 frá indónesíska flugfélaginu Lion Air fór út af flugbraut í lendingu á Supadio-flugvellinum í borginni Pontianak á eyjunni Borneó í morgun.

IATA hvetur Bandaríkin til þess að huga betur að flugmálum

14. febrúar 2019

|

Alþjóðasamtök flugfélaganna (IATA) hafa hvatt bandarísk stjórnvöld, og alla þá sem koma að máli, að sjá til þess að lokun stofana í Bandaríkjunum muni ekki hafa áhrif á flugsamgöngur eins og gerðist

Norwegian yfirgefur Karíbahafið

13. febrúar 2019

|

Norwegian hefur ákveðið að hætta að fljúga til Karíbahafsins en félagið byrjaði að fljúga til Karíbahafsins árið 2015.

Lufthansa tekur á leigu A220 þotur frá airBaltic

12. febrúar 2019

|

Lufthansa hefur tekið á leigu tvær Airbus A220 (Bombardier CSeries) þotur frá flugfélaginu airBaltic.

Kona hljóp nakin inn á flugbraut í Suður-Karólínu

12. febrúar 2019

|

Loka þurfti fyrir flugumferð á flugvellinum í bænum Florence í Suður-Karólínu í Bandaríkjunum sl. sunnudag eftir að tilkynnt var um konu sem hljóp nakin um flugvallarsvæðið.

Stigabíll féll saman í Síberíu

12. febrúar 2019

|

Að minnsta kosti fimm slösuðust er stigabíll féll saman þegar farþegar voru að ganga um borð í Airbus-þotu hjá flugfélaginu Ural Airlines á flugvelli í Síberíu í dag.

Delta flýgur fyrsta flugið með Airbus A220

11. febrúar 2019

|

Delta Air Lines flaug á dögunum sitt fyrsta farþegaflug með nýju Airbus A220 þotunni sem einnig er þekkt sem CSeries frá Bombardier.

Einkaþota rann út af braut í lendingu í Indíana

11. febrúar 2019

|

Engan sakaði er einkaþota af gerðinni Hawker Beechcraft 400A rann út af flugbraut í lendingu í morgun á Richmond Municipal flugvellinum í Indíana í Bandaríkjunum.

Annað stærsta flugfélag Pakistan gjaldþrota

11. febrúar 2019

|

Shaheen Air, annað stærsta flugfélag Pakistans, hefur tilkynnt að það muni hætta rekstri vegna skorts á fjármagni og vegna skulda.

Boeing 737-700 fara brátt úr flota KLM

11. febrúar 2019

|

KLM Royal Dutch Airlines mun í vor byrja að losa sig við fyrstu Boeing 737-700 þoturnar en sú fyrsta mun yfirgefa flotann þann 1. maí næstkomandi.

 síðustu atvik

  2019-01-01 20:20:00